කොවිඩ්-19 වසංගත තත්ත්වය හමුවේ පනවා තිබෙන විදේශ ගමන් සීමා නිසා සෙලින්කෝ ලයිෆ් සමාගම සිය ‘ෆැමිලි සවාරි’ ප්‍රවර්ධන වැඩසටහන මගින් සමාගමේ රක්ෂණ ඔප්පුහිමියන්ට නවතම අත්දැකීමක් ලබාදෙමින් රුපියල් මිලියන 30 ක් වටිනා රත්තරන් ලබාදීමට කටයුතු යොදා ඇත.
සාමාන්‍යයෙන් ‘ෆැමිලි සවාරි’ ප්‍රවර්ධන වැඩසටහන මගින් ලබාදෙන විදේශ සංචාර සහ දේශීය සංචාර වෙනුවට මෙවර මේ ආකාරයෙන් රත්තරන් දිනාගැනීමට අවස්ථාව ලබාදී තිබෙන බව සෙලින්කෝ ලයිෆ් සඳහන් කරයි. කොවිඞ්-19 වසංගත තත්ත්වය දෛනික ජීවිතයේ බොහෝ අංශ වලට බාධා ඇතිකර තිබෙන අවස්ථාවක පවත්වන මෙම ප්‍රවර්ධන වැඩසටහනේදී සමාගම විසින් මාස දෙකකට වරක් දිනුම් ඇදීමක් පවත්වමින් වසරක් තුළ දිනුම් ඇදීම් හයක් පවත්වනු ඇත. මෙහිදී, එක් දිනුම් ඇදීමකදී සුපිරි ජයග්‍රාහකයාට රුපියල් මිලියනයක් වටිනා රත්තරන් දිනාගැනීමට අවස්ථාව හිමිවන අතර අනිකුත් ජයග්‍රාහකයින් 99 දෙනා අතර රුපියල් මිලියන 04 ක් වටිනා රත්තරන් බෙදා දෙනු ලැබේ.
සේයාරූ සටහන -
සෙලින්කෝ ලයිෆ් සමාගමේ ජ්‍යෙෂ්ඨ කළමනාකාරීත්වයේ සහ අලෙවිකරණ අංශයේ නියෝජිතයින් සමග ෆැමිලි සවාරි වැඩසටහනේ සන්නාම තානාපතිවරුන් සිව්දෙනා.
