සිය පාරිභෝගිකයන්ට සහ පාර්ශ්වකරුවන්ට භාෂා තුනෙන්ම සතියේ දින හතේම පැය 24 පුරා සේවා සැපයීම සඳහා කොමර්ෂල් බැංකුව විසින් ඒකාබද්ධ ඇමතුම් මධ්‍යස්ථානයක් එළිදක්වා තිබෙන අතර, බැංකුවේ ගනුදෙනුකරුවන්ට විවිධ සන්නිවේදන නාලිකා ඔස්සේ මෙම මධ්‍යස්ථානයෙන් තොරතුරු විමසීම සහ සහාය ඉල්ලා සිටීම කළ හැකි බව බැංකුව සඳහන් කරයි.
මෙම ඇමතුම් මධ්‍යස්ථානය තුළ බැංකුවේ පාරිභෝගික සේවා නියෝජිතයන් සේවය කරන අතර ඔවුන් පාරිභෝගිකයන්ගේ ඇමතුම් වලට පිළිතුරු ලබා දීම, පාරිභෝගිකයන්ගේ ඉල්ලීම් සහ ප්‍රතිචාර සටහන් කරගැනීම සිදු කරන අතර පාරිභෝගිකයින්ට උසස් අත්දැකීමක් ලබාදීම සඳහා මෙම කණ්ඩායමට මනා පුහුණුවක් ලබාදී තිබේ. මේ වෙනුවෙන් මෙම කටයුතු බැංකුව විසින් නිසි අධීක්ෂණයකට සහ නිරීක්ෂණයකට බඳුන් කර ඇත.
සේයාරු සටහන -
කොමර්ෂල් බැංකුවේ ඒකාබද්ධ ඇමතුම් මධ්‍යස්ථානය විවෘත කරන අවස්ථාවේදී බැංකුවේ ප‍්‍රධාන මෙහෙයුම් නිලධාරී, සනත් මනතුංග (වමේ සිට තුන්වැන්නා) සහ එම අවස්ථාවට සහභාගී වූ (වමේ සිට) බැංකුවේ ජ්‍යෙෂ්ඨ සාමාන්‍යාධිකාරී - ඇමතුම් මධ්‍යස්ථානය බියට්‍රිස් ස්ටාර්ලිං, කාඩ්පත් මධ්‍යස්ථානයේ ප්‍රධානී, තුසිත සුරවීර, නියෝජ්‍ය සාමාන්‍යාධිකාරී - අලෙවිකරණ හස්රත් මුණසිංහ, නියෝජ්‍ය සාමාන්‍යාධිකාරී - මානව සම්පත් කළමනාකරණය ඉසුරු තිලකවර්ධන සහ නියෝජ්‍ය සාමාන්‍යාධිකාරී - පුද්ගලික බැංකු කටයුතු සැන්ඩ්‍රා වල්ගම ඡායාරූපයේ වෙති
