සංවිධානාත්මක අපරාධකරුවන් හෙවත් පාතාල සාමාජිකයන් සහ මත්ද්‍රව්‍ය ජාවාරම්කරුවන් කොටුකර ගැනීම සඳහා පොලිසිය ක්‍රියාත්මක කරන විශේෂ මෙහෙයුම්වලට බියෙන් එම අපරාධකරුවන් කොළඹ මහල් නිවාස සහ වැඩබිම් ආරක්ෂිත ස්ථාන ලෙසින් භාවිත කරන බවට පොලිසියට තොරතුරු ලැබී ඇති බව බස්නාහිර පළාත් බාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා සිළුමිණට කීය.
එම නිසා කොළඹ නගරයේ මහල් නිවාස සංකීර්ණ සහ වැඩබිම් හිමිකරුවන් 350කට අධික පිරිසක් පසුගිය සිකුරාදා (18) දැනුවත් කරමින් එවැනි වැඩබිම් සහ මහල් නිවාස ආරක්ෂිත ස්ථාන ලෙස භාවිත කළ හැකි බවට අනතුරු අඟවමින් ඒ සඳහා ඉඩ නොදෙන ලෙස දැනුවත් කළ බවත් එසේම නීතිවිරෝධී ක්‍රියා හා මත්ද්‍රව්‍ය ජාවාරම මඟින් උපයන මුදලින් සිදු කෙරෙන මහල් නිවාස සංකීර්ණ මිලදී ගැනීම හෝ විශාල ඉදිකිරීම් මුදල් විශුද්ධිකරණ පනත යටතේ දඬුවම් ලැබිය හැකි වරදක් බවද ජ්‍යෙෂ්ඨ නියෝජ්‍ය පොලිස්පතිවරයා අවධාරණය කළේය.
