මහජන බැංකුවේ සභාපති සුජිව රාජපක්ෂ සධාතුක කරඬුව වැඩම කළ අවස්ථාව සහ ප්‍රධාන විධායක නිලධාරි/ සාමාන්‍යාධිකාරි රංජිත් කොඩිතුවක්කු විසින් මහා සඟරුවනට පිරිකර පිරිනැමූ අවස්ථාව
මහජන බැංකුව ස්ථාපිත කර 59 වසරක් සැපිරීම වෙනුවෙන් ආගමික වැඩසටහන් මාලාවක් මහජන බැංකුව ප්‍රධාන කාර්යාලයේ දී පැවැත්වීමට මහජන බැංකු බෞද්ධ සංගමය, හින්දු සංගමය, මුස්ලිම් මජ්ලීසය හා කිතුනු එකතුව කටයුතු කරන ලදි. ඒ අනුව, මහජන බැංකු බෞද්ධ සංගමය සංවිධානය කළ මහා පුණ්‍යෝත්සවය ජුලි මස 3 සහ ජුලි මස 4 දෙදින තුළ මහජන බැංකු මූලස්ථාන ශාඛාවේ දී පැවැත්විණි. මේ යටතේ ජුලි මස 03 දින මහා පිරිත් සජ්ඣායනයක් හා රතන සූත්‍ර දේශනාවක් පැවැත්වුණු අතර, පසුදින උදෑසන මහා සංඝරත්නය විෂයෙහි හීල දානය පිරිනැමිණි. එමෙන්ම මහජන බැංකු හින්දු සංගමය, මුස්ලිම් මජ්ලීසය හා කිතුනු එකතුව සංවිධානය කළ ආගමික වැඩසටහන ජුලි මස 06 වන දින ප්‍රධාන කාර්යාලයීය තෙවන මහලේදි පැවැත්විණි.
