»
»
»
»
»
»
»
»
»
»
»
»
»
»
»
»
»
»
»
 
 
 
* 2012 ජූලි 01 දින
* 2012 ජුනි 24 දින
* 2012 ජුනි 17 දින
* 2012 ජුනි 10 දින
* 2012 ජුනි 03 දින
* 2012 මැයි 27 දින
* 2012 මැයි 20 දින
* 2012 මැයි 13 දින
* 2012 මැයි 06 දින
* 2012 අප්‍රේල් 29 දින
* 2012 අප්‍රේල් 22 දින
* 2012 අප්‍රේල් 15 දින
* 2012 අප්‍රේල් 08 දින
* 2012 අප්‍රේල් 01 දින
* 2012 මාර්තු 25 දින
* 2012 මාර්තු 18 දින
* 2012 මාර්තු 11 දින
* 2012 මාර්තු 04 දින
* 2012 පෙබ. 26 දින
* 2012 පෙබ. 19 දින
* 2012 පෙබ. 12 දින
* 2012 පෙබ. 05 දින
* 2012 ජන. 29 දින
* 2012 ජන. 22 දින
 
 
   
රජෙකුට හිමි වූ මා දැන් රැජිනකි සතුටයි කිරුළ අපේ
 

රජෙකුට හිමි වූ මා දැන් රැජිනකි සතුටයි කිරුළ අපේ

 

මම මෙය ගැහැනුන් තිදෙනකු ගේ ගීයක් ලෙස නම් කරමි. ආදරය පිළිබඳ ඇසෙන සාම්ප්‍රදායික පදමාලා හතු පිපෙන්නාක් මෙන් බිහිවෙයි. මේ නිසාම ගීත අනුභූති තුළ ඒකාකාරී බවක් හටගනී. එහෙත් අතරින් පතර මිණිකැට ලෙසින් බිහිවෙන නව්‍යමය අනුභූති හේතුවෙන් සිංහල ගීත සාහිත්‍යය පුරන්වීම මඳකට නතර වෙයි. එපමණක් නොව ගීත සාහිත්‍යයක් ගැන කතාකිරීමට යමක් අප අතර ඉතිරි වෙයි. දයා ද අල්විස් ගේ මේ පදමාලාව ද කවිතා ගුණයෙන් හා ගේයතා ගුණයෙන් සපිරි අපූර්වතම පදමාලාවකි.

මෙහි මුණගැසෙන යුවතිය හෝ ගැහැනිය වරෙක ප්‍රේමයෙන් පරාජිත වූ තැනැත්තියකි. ඒ පරාජය තුළින් ඈ අප්‍රමාණ වූ වේදනා විඳින්නට ඇත. එහෙත් ඇය නැවතත් ජීවිතය අරඹන්නේ අලුත් ප්‍රේමයක ආස්වාදනීය හැඟීම් සමඟයි. ඒ ආස්වාදය උත්තරීතර ලෙස භුක්ති විඳිමින් සිටින අවස්ථාවක ඇය අමතක කර ඇය හුදෙකලා කළ පෙම්වතා ඈ සොයා එයි.

අහම්බෙන් ලැබුණු මේ ප්‍රේමාරාධනාව වෙනුවෙන් රචිකාව යොදාගන්නේ අපූරු උපමාලංකාරයකි. ඒ මඟින් මේ අනපේක්ෂිත ආරාධනාව ඇයට දැනුණු ආකාරය ඉදිරිපත් කරයි.

”අකලට වට මහ වරුසාවක් සේ

අසුබ දිනක ආ සුබ පැතුමක් සේ

මා හැරගිය ඔබ නොසිතූ විලසින්

ඇයි දෝ යළි ආවේ

මෙහි අපූර්වත්වය වන්නේ තමා අතහැර ගිය පැරණි පෙම්වතාට ඇය ද්වේශ නොකිරීමයි. ඇය ඔහු දෙස බලන්නේ උපේක්ෂාවෙනි. මේ මොහොතේ ඔහුගේ හැඟීම් තේරුම් ගැනීමට ඇය උත්සාහ කරයි. පැරණි පෙම්වතා පිළිබඳ සියුම් අනුකම්පාවක් ඇගේ සිතේ ඉතිරි වී ඇති බව හැඟෙයි. ඔහු දැන් උත්සාහ කරන්නේ අතීත ආදර නටබුන් අතර තවත් ප්‍රේම මන්දිරයක් තැනීමටයි. කෙටියෙන් පවසතොත් නටබුන් නැවත පිළිසකර කිරීමටයි.

පෙරදා මෙන් හද මල් පිපුණාදෝ

සතුටු කඳුළු නුවනග ගැලුවාදෝ

අතීත ආදර නටබුන් අතරේ

මන්දිර මැව්වාදෝ

එහෙත් නැවත ඔහු හමුවීම නිෂ්ඵල ය. තමා වරෙක හැරදමා ගිය ඔහුට මානසික දඬුවමක් දීම ඇයට අවැසි ය. ඒ නිසා තම අලුත් සහකාරයා රජකු බවත් ඒ ආදර ලෝකයේ තමා රැජිනක් බවත් ඇය කියාපායි. ඒ ප්‍රකාශයම ඔහු මානසික පසුබෑමකට ලක්කරවන්නකි. එය ඈ විසින් දෙනු ලබන සාධාරණ වූද මානුෂීය වූද දඬුවමකි.

පලක් නැතේ නොකරනු මැන සංකා

ඔබෙන් ලබනු කුමට ද අනුකම්පා

රජෙකුට හිමි වූ මා දැන් රැජිනකි

සතුටයි කිරුළ අපේ...

ඒ සතුටේ කිරුළ බිම තබන්නට ඇය සූදානම් නැත. තම අලුත් ජීවිතය ඇතුළත ඈ අභිමානයක් ගොඩනඟා ගනී. නැවත ඔහුගෙන් අනුකම්පාවක් අනවශ්‍ය බව ඇය කියා පායි. ඒ නිසා ඔහුට සෘජු පිළිතුරක් හෙට දවසේ දී දීමට ඈ සූදානම් ය.

පලක් නැතේ නොකරනු මැන සංකා

ඔබෙන් ලබනු කුමටද අනුකම්පා

විමසන වදනට පිළිතුරු දෙන්නම්

ළඟකදි ලබන දිනේ

මේ අනුභූතිය බොහෝ ස්ත්‍රීන් ලබා ඇත්තකි. නිර්මලා රණතුංග කෙසේ වෙතත්, දයා ද අල්විස් හා නන්දා මාලිනිය මේ අත්දැකීමෙන් පෝෂිත බව මගේ සිතුවිල්ලයි. මෙතරම් අව්‍යාජ පදමාලාවක් මෙන්ම තනු නිර්මාණයක් තුළ එබඳු ආධ්‍යාත්මික සංවේදනාවක් ගැබ්විය යුතුම ය.

අසූව දශකයේ දී මේ ගීතය කෙතරම් ජනප්‍රිය වූවා ද යත් බොහෝ තරුණියන්, තමන්ට කෙරෙන ප්‍රේමාරාධනාවලට පිළිතුරු සේ මෙහි අන්තර්ගත එක් වැකියක් ලියා යවනු දක්නට ලැබිණි.

”රජෙකුට හිමි වූ මා දැන් රැජිනකි

සතුටයි කිරුළ අපේ”

ජීවිතය රසබර වන්නේ මෙබඳු අපූර්ව සිදුවීම් නිසා ය. අසීරු වන්නේ එබඳු සිදුවීම් නිර්මාණගෝචර කරගැනීමයි. මේ කාන්තාරත්නයන් තිදෙනා ඒ අභියෝගය මනාව ජයගෙන තිබේ.

මට මේ ගීතයෙන් මැවෙන සිව්වැන්නෙක් සිටියි. ඒ ඇගේ පැරැණි පෙම්වතා ය. සුන්දර ප්‍රේමයකට පිටුපා ගිය ඔහු නැවත දහසක් සිහින මවමින් පැරණි ආදරවන්තිය වෙත පුනරාගමනය කරයි. එහෙත් ඔහු බලාපොරොත්තු වූ නම්‍යශීලී බව ඇයගෙන් නොලැබෙයි. කළ වරද ගැන පසුතැවිලි වෙමින් ඇය හමුවූ දින ඔහු කඳුළු පිරි දෑසින් බිම බලාගෙන ආපසු යන ආකාරය මා ඉදිරියේ මේ මොහොතේ මැවී පෙනෙයි.


කර්තෘට ලියන්න | මුද්‍රණය සඳහා