ජයන්ත චන්ද්‍රසිරි

ජයන්ත චන්ද්‍රසිරි ලාංකේය ටෙලි නළු කලාවේ එදා මෙදා පහළ වූ අග්‍රගණ්‍ය අධ්‍යක්ෂවරයා ලෙස මම මින් වසර ගණනාවකට ඉහත හඳුන්වා ඇත්තෙමි. සරස්වතී, මෝරා, ඔත්තුකාරයා, අත් හරහා වේදිකාවේ පෙරළි කරමින් ටෙලි නළුවට ප්‍රවිෂ්ට වී ඉක්බිතිව “වෙද හාමිනේ” සිට “සතර දෙනෙක් සෙන්පතියෝ” දක්වා ඔහුගේ ෂඩ් ටෙලි නිර්මාණ මගේ මතය සමර්ථනය කරනු ඇත.

විස්තර »

විශිෂ්ට සිනමාකරුවකු සේ ආචාර්ය ලෙස්ටර් ජේම්ස් පීරිස්ව හඳුනා ගත හැකි ආකාර ගණනාවකි. ඉන් එක් ආකාරයක් වන්නේ විචාරක - රසික සම්භාවනාවටත්, ගෞරවයටත් නන් අයුරින් පාත්‍ර වූ නවකතා ද, කෙටිකතා ද සිනමාවට නැඟීම පිණිස ඔහු දක්වන උනන්දුව යි. ප්‍රශස්ත නවකතා හෝ කෙටිකතා ඇසුරෙන් ප්‍රශස්ත සිනමා පට නිර්මාණය කළ හැකි යැයි තිර ලෙසම පැවසිය හැකි නොවේ. එහෙත් ලෙස්ටර් එකරුණ බැහැර කරන්නට සාකල්‍යයෙන් ම සමත් වූ සිනමා කරුවෙකි. 

විස්තර »

ඇතැමුන් ප්‍රකට වන්නේ උපන් ප්‍රදේශයේ ප්‍රසිද්ධ නාමය නිසාය. ඇතැම් ප්‍රදේශ ප්‍රකට වන්නේ එහි උපන් යුග පුරුෂයන් නිසා ය. කොග්ගල මලලගම ප්‍රකට වූයේ මහ ගත්කරු මාර්ටින් වික්‍රමසිංහයන් නිසා ය. ‘මඩොල් දූව‘ ප්‍රකට වූයේ එතුමන්ගේ ‘මඩොල් දූව‘ යොවුන් නවකතාව නිසා ය. කලක් ළමා කතාවක් ලෙස ද වර්තමානයේ යොවුන් නවකතාවක් ලෙස ද සලකන ‘මඩොල් දූව‘ නවකතාව නො කියවූවෙක් මෙරට නැති තරම් ය. භාෂා දහයකට පමණ පරිවර්තනය වූ ‘මඩොල් දූව‘ නවකතාව දෙස් විදෙස් ළමා පරපුරක ජනපි‍්‍රය නවකතාවකි.    

විස්තර »

එස්. එම්. ජයතිලක

අපේ පාරම්පරික චිත්‍ර කලාවේ මානව රූප ආශ්‍රිත චිත්‍ර මිස භූමි දර්ශන වැනි චිත්‍ර ආශ්‍රිත විෂයයක් දක්නට නැත. ඊට හේතු වන්නට ඇත්තේ චිත්‍ර කලාව පිටුපස පැවැති බෞද්ධාගමික පසුබිමයි. මේ හේතුව නිසා බෝසත් චරිත – බුද්ධ චරිත නිරූපණය පිණිස බොහෝ කොට පාරම්පරික චිත්‍ර ශිල්පීහු මානව රූප භාවිත කළහ. හේවුඩ් ආයතනය යනුවෙන් හැඳින්වුණු එවක රජයේ ලලිත කලායතනයේ ඩිප්ලෝමා සහතික ලත් එස්.එම්.ජයතිලක මහතා එංගලන්තයේ රෝයල් ඩ්‍රෝයිං සොසයිටි වෙතින් ගෞරව සහතිකයක් ද දිනාගෙන සිටී. 1971 – 72 මීරිගම ගුරු විදුහලේ ගුරු පුහුණුව ද, 1974 – 75 කාල සීමාව තුළ රජයේ ගුරු විදුහලින් ද චිත්‍ර කලාව ප්‍රගුණ කර ඇත.

විස්තර »

නිකොලායි නෙක්රසෝව් (1821 - 1877)

(Nikolai Nekrasov)

ක්‍රි.ව. 1821 දී රුසියාවේ කමෙනෙස්ක්පොදොල්ස්ක් පළාතේ නෙමිරෝවෝ ගමේ ජන්ම ලාභය ලද නිකොලායි නෙක්රසෝව් ගේ පියා හමුදා නිලධාරියෙක් වූයේ ය. කෙටි කලකින් ම විශ්‍රාම ගිය ඔහු යරොස්ලාව් පළාතේ ග්‍රෙෂ්නෙවෝ නම් වූ තම වත්තේ පදිංචි වූයේ පවුලේ අයත් සමඟ ය. නෙක්රසෝව් කවියා ගේ ළමා කාලය ගෙවුණේ එහි ය. ඔහු ප්‍රාථමික අධ්‍යාපනය ලැබුවේ ද මේ නිවසේ දී ම ය. පසුව වයස අවු. 11 දී යරුස්ලාව් ජිම්නාස්ටික් පුහුණු මධ්‍යස්ථානයට බැඳුණේ ය. ඉනුත් පසුව පියාගේ බලකිරීම මත පීටර්ස්බ්‍රර්ගයට ගොස් යුද හමුදා පුහුණු ආයතනයට බැඳුණේ ය.

විස්තර »

පියල්. ඔයාට යන ගමන් අපේ උපාසකම්මා ටවුමෙ පන්සල ළඟින් බස්සගෙන යන්න පුළුවන් නේ ද?”මගේ දිවා අහර බඳුන රැගෙන කාමරයට ආ සුජාතා ඇවිටිල්ලක ස්වරයෙන් විමසුවා ය. මෙදින රජයේ නිවාඩු දිනයකි. එහෙත් පසු දින කාර්යාලයෙහි පැවැත්වීමට නියමිත විශේෂ සාකච්ඡා වටයක පූර්ව සංවිධාන කටයුතු සඳහා උදෑසනින් එහි යාමට මම සැරසෙමින් සිටියෙමි. මේසය මත වූ ටයිම්පීස් ඔරලෝසුව හතේ කනිසම දක්වයි. “අද පෝය නිවාඩුව යැ”යි මට නිකමට කියැවිණ. “දන් නැද්ද. අනේ? උපාසකම්මා හතර පෝයට ම සිල් ගන්න මනුස්සයනෙ. අද මාසෙ පෝය ලු.” “ඇයි? අද පාරෙ බස් නැද්ද?”“අද බස් ස්ට්‍රයික් එකක් ලු. 

 විස්තර »