|
||||||||||||||||||||||||
බිගුනි, නුඹ ගුම්සර වුවද පෙරකළ හිසරද ඇතුළු සිත තුළ අභිනව වේය කුසුමක් විකසිත......
නෙතින් වදනින් හසරැල්ලෙන් පෙති එකින් එක පිබිදෙන......
ඇතුළු සිත සිරගෙයද අත්හැර කුසුම බිඳ බිඳ එසවේ ය ඉහළට .....
තලා පෙති බිඳ දමනු කෙලෙසක මා දෑත රැහැනින් බැඳ මේ වසන්තය.....
එරාධිනි හසිනි ලංකා
පේරාදෙණිය සරසවිය
ඉක්බිති ව නික්මුණේ ය ඔහු
මට කහවණු උවමනා නැත
මම...
ඇය - ඉකිබින්දාය.
කහවණු ද දෝලා ද නොව
ඉක්බිතිව නික්මුණේය ඔහු
කාන්තී මල්ලිකා පෙරේරා
මේ අපගෙ රටයි රැකගව් උරුමේ!
උතුර නැගෙනහිර දකුණේ
බුදුරැස් දළදා මැදුරේ
ජයසිරිමා බෝසමිඳුට
සතුරු බලය මුලසුන් කොට
සටනින් සටනට ජයගෙන
ලෙය පුද දෙව් රට රැකුමට
බුදුරැස් විහිදෙන නන් අත
ආචාර්ය පණ්ඩිත කොස්ගොඩ සිරි සුධම්ම ස්ථවිර
අම්මේ මේ නුඹට...!
|
|
|
සුපිරි වෙළඳසැළෙක
දැන්වීමකි
අප වෙතින් රුපියල්
ලක්ෂ පහකට වැඩියෙන්
භාණ්ඩ මිලදී ගන්නා
සෑම අයකුට ම
පිරිසිදු ඔක්සිජන් වායුව පිරවූ
සිලින්ඩරයක් නොමිලේ
අමරපාල වැලිකන්න
දිනනු බැරි ආදරය
ලෝකය ම දිනන්නට දිරිය දුන් ආදරය
ලෝකය ම දකින්නට එළිය දුන් ආදරය
පලා ගියදා හඳේ දුක රන්දා
බලා ඉන්නද යළි එතැයි සිතලා...
නුවන් යුග විරසක වෙලා
කඳුළු කැට නුඹ රැගෙන ගිය හින්දා
සිත ම සිර වී ගොළු වෙලා
සුසුම් රැළි නුඹ රැගෙන ගිය හින්දා
ලොව ම දිනුවත් කිමද ඉන් ඵල
දිනනු බැරි නම් නුඹේ සිත කිසිදා..
සවන් බිහිරි ව වැළැපිලා
නුඹේ හඬ මට දුර ඈත හින්දා
හද වෙණෙහි තත් විසිරිලා
ලියූ ගී වෙන හදක් සතු හින්දා
ලොව ම දිනුවත් කිමද ඉන් ඵල
නුඹේ ආදර සිත දිනනු බැරිදා..
චතුරි අනූකා දොඩම්පෙ
රතු පලස යට
කළු තාර පලස මත
තැබූ නිරුවත් දෙපා
රිදුම් දී...
වැටුණු උණු කඳුළු කැට
පැල්ලම්...
යනෙන රතු පලස යට
දනිමි ඇති බව
අදත්...
බන්දුසිරි ජයලත් රූපසිංහ
හමුවීමක් හා පැතුමක්
සසර ගමනේ
ඇවිදිනා මම
දුටුවෙමි,
මා යන මගට
සමාන්තර වූ
මගෙක යන්නා වූ
ඔබ
ඇතිවිය හැඟිමක්
භවයෙන් භවය
හමුවුවෙක් ලෙසට
ළංවිය හදවතට
යළි නොයනා
ලෙසට
බලා සිටියෙමි
ඔබ මා පසුකර
යන අයුරු
නොපෙනි යන තෙක්ම
බලා ඉන්නෙමි
සසරෙහි කවදා හෝ
හමුවන තෙක් ඔබ
මානි ගාල්ලගේ
ඔබ
නිල්ල දිලෙන විල් ජලයේ
-පිපි මානෙල් කුසුම ඔබයි
පෝදා නිල් ආකාසේ
-දිදුලන සඳ වතිය ඔබයි
සුවදෙන මඳනල පිස එන
-සුවැඳැති මේ කුසුම ඔබයි
මේ ජීවන ගමන් මගේ
-මගෙ හද පැතු මැණික ඔබයි
හිමගිර මට සීතල නැත
-ඔබ උණුසුම ළඟ වේනම්
කතරද මට කෙම් බිමක්ය
- ඔබ මා ළඟ ඉන්නව නම්
මිහිපිට මට සුරපුරක් ය
- ඔබ මා හා රැඳෙනව නම්
මගෙ සිත සොඳ පුදසුනක් ය
-ඔබ එහි රැඳි මල වේ නම්
කඳුහෙල් මග හමුවුනොතින්
-පියගැට පෙළ ඇතිවේවා
රුදුරු වන සතුන් ඔබ එන මඟ
-යන මඟ නොම ඒවා
පිපාසයට දිය සලසන
-උල්පත් තැන තැන වේවා
පහන් තාරකා පායා
-මග සලකුණු ඇතිවේවා
වෛද්ය
ජයරුවන් බණ්ඩාර
ද සොයිසා කාන්තා රෝහල
ගෙට ගෙවදීම
කිරි මුට්ටිය හිනැහෙයි
පෙණ පිඬු පිඹ පිඹ
ඇස්වල සතුට උතුරයි
පවුලේ සැමගේ
අලුත් සායම් සුවඳින්
සිත් කුල්මත් කරවයි
සෙත් පිරිත් නද
ගෙනෙයි ආසිරි පැතුම්!
පොදි පොදි
තුටු රැළි ගලා එයි
වෙහෙස නිවී
සිත් පැසවයි
නෑදෑයන්ගේ
එච්.එම්. කපිල
ජයවිලාල් හේරත්
නො ලියවුණු වැකිය
හැර දමා යන වගක්
නොදැනෙන්න ගියා නම්
මේ ගලන දුක් ගඟෙන්
එකම එක බිඳක් වත්
ඔබෙ කොපුල් තෙමාගෙන
ගලන්නට ඉඩ නොදී
හිම කඳක් වගෙ ඔහේ
වැතිරී ඉන්න තිබුණා
සමන්ගුණ හේරත්
සපුන් සමඟින්
කිරි බීම
|
|
නා සපුන් හා මිතුදම්
කිරි පොවා ධම් පැතූයෙන්
කුලුණු ගුණ එහි නැතියෙන්
මේ තුඹස දැන් බිඳලමි
දිනක ක්රෝධයේ විෂ දළ
විෂ හනුව හා එක් කළ
බරනිඳුගෙ ගෙල අත්හළ
පනිදුන්ය පෙර මිතු කල
පෙර දිනක මිතු දම් කළ
ගුණෙන් යුත් කිරි පිදු කල
අමතක ව හද සුළ කල
විෂ ඛේට නෙතු මත හල
සියලු රසඳුන් මතක ගල් කොට
සත් හිසින් පනිඳුන්ව නැඟ සිට
අවුළු පත් මධුවිත් ද විසි කොට
දෂ්ට කළ ඔහු මිතුරු සුරතට
බුදුහු කල සිට පැවති මිතුදම්
එහි පද රුත් පසිඳ දෙසුයෙන්
බුදුහු වදනින් බිනූ මිතුදම්
දියත්තක ඇඳි රුවක් බඳුයෙන්
අවිදු අඳුරේ දිවි සයුර ඉම
නෙක ප්රලාපෙන් අවන්හල් පිස
සපුන් සමඟින් ගෙවූ රෑ රැස
අඳුරු දෙනෙතක් පැවසි නෙක දොස
උපුල් සේනාධිරිගේ
වෙනස
විරහ දුක දැක
සිතා එහි ළතැවුල
පදරාත් සඳැස් ගැළපී
ලියැවුණු දහසක්
විරහ කවි පද...
විරහ දුක දැණුනු සඳ
නොලියවුණු අරුමය
තරින්දි වීරසිංහ
| |
 |