රෝහ­ණට සහ සුනිල්ට ඇඩ්‍රස් නැති කළේ ජැක්සන් ද? | සිළුමිණ

රෝහ­ණට සහ සුනිල්ට ඇඩ්‍රස් නැති කළේ ජැක්සන් ද?

හෙළ සින­මාවේ පව­තින අර්බුද අත­රින් අලුත් තත්ත්ව­යක් මතුවී තිබේ. ඒ 2016 වසරේ තිර­ගත වූ ජැක්සන් ඇන්තනි අධ්‍ය­ක්ෂ­ණය කළ ‘ඇඩ්‍රස් නෑ‘ චිත්‍ර­ප­ටයේ එම නමින්ම හඳු­න්වන ගීතය පාදක කර­ගෙ­නය. මහා­චාර්ය සුනිල් ආරි­ය­රත්න රචනා කොට ගයාන් පෙරේරා ගැයූ මෙහි සංගීත අධ්‍ය­ක්ෂ­ණය ආචාර්ය රෝහණ වීර­සිං­හ­ගෙනි.

භාතිය සන්තුෂ් දෙප­ළට අයත් සරි­ගම ආය­ත­නය විසින් එම ගීතය තවත් අලුත් ගාය­ක­යෙක් ලවා ගායනා කර නැවත පටි­ගත කිරීමේ අර­මු­ණෙන් ‘ඇඩ්‍රස් නෑ‘ චිත්‍ර­ප­ටයේ නිෂ්පා­දක ජනිත මාර­සිං­හට රුපි­යල් හැට දහ­සක (60,000/=) මුද­ලක් ගෙවා එහි අයි­තිය ලබා ගෙන ප්‍රකට සිසිල් බීම දැන්වී­මක් සඳහා භාවිත කර තිබේ.

මේ පිළි­බ­ඳව දැන­ගත් ආචාර්ය රෝහණ වීර­සිංහ තමන්ගේ අනු දැනු­ම­කින් තොරව සිදුවූ මේ කට­යු­ත්තට එරෙ­හිව රුපි­යල් මිලි­ය­න­යක වන්දි­යක් (රු. ලක්ෂ දහ­යක්) භාතිය සන්තුෂ් පාර්ශ්ව­යෙන් ඉල්ලා දෙන ලෙස වත්මනේ ගීතය වෙනු­වෙන් පෙනී සිටින ඔස්කා ආය­ත­න­යට දන්වා ඇත.

එතැන් සිට කතාව ආචාර්ය රෝහණ වීර­සිං­හ­යන් පව­සන්නේ මෙලෙ­සයි. “මේ ගැන කතා කරන්න මහා­චාර්ය සුනිල් ආරි­ය­රත්න සහ මම ඔස්කා ආය­ත­න­යට කැඳවූ අව­ස්ථාවේ අපගේ පැත්තෙන් ප්‍රශ්නය විම­ස­න­වාට වඩා අපි මේ ප්‍රශ්නයේ පිට­ස්ත­ර­යන් දෙදෙ­නෙකු ලෙසයි අපිට සැල­කුවේ. එත­කොට අපිට තේරුණා අප මේ ඔස්කා සංවි­ධා­නයේ අධ්‍ය­ක්ෂ­ව­රුන් ලෙස සිටී­මෙන් ඵලක් නැහැ කියලා. අපි ඔස්කා සංවි­ධා­නයේ අධ්‍යක්ෂ තන­තුරු වලින් ඉවත් වුණේ ඊට පසු­වයි.

මීට අවු­රුදු පහ­කට ඉස්සෙල්ලා අපි මේ ගීතය කළේ එහි අධ්‍යක්ෂ ජැක්සන් ඇන්ත­නිගේ ආරා­ධ­න­යෙන්. නිෂ්පා­දක ලෙස ජනිත මාර­සිංහ ඉන්න බවක් මම දැන ගත්තේ චිත්‍ර­ප­ටයේ මංගල දර්ශ­නයේ ඔහුගේ නම තිරයේ දිස්වූ විටයි.“

* එත­කොට ඔබ දෙප­ළට දැන් රුපි­යල් ලක්ෂ දහ­යක මුදල දුන්නොත් ප්‍රශ්නය විස­ඳෙ­න­වාද?

“ලක්ෂ දහයේ කතාව දැන් අතී­ත­යට ගිය කතා­වක්. දැන් අපිට ඕන හඩ්සන් සම­ර­සිංහ කරපු දේ කිරීම. ඔහු පද රච­නය කළ විජේ­රත්න වර­කා­ගොඩ ගායනා කළ ‘රඟ­හල දැන් ඇත අඩ අඳුරේ‘ ගීතය සංගීත් විජේ­සූ­රිය අව­සර නැතිව ගායනා කරපු අසා­ධා­ර­ණය ජන­තාව දැන ගත්තා වගේ අපට කරපු අසා­ධා­ර­ණය ජන­තා­වට දැනුම් දෙන්නයි දැන් අපට ඕන. මේ කරපු දෙයින් නවීන, ප්‍රවීණ නිර්මා­ණ­ක­රු­වන් ගණ­නා­වක්ම අපට කතා කරලා ස්තුතිය පුද කළා.“

අන­තු­රුව අප මේ පිළි­බ­ඳව විම­සුවේ ‘ඇඩ්‍රස් නෑ‘ චිත්‍ර­ප­ටයේ අධ්‍යක්ෂ ජැක්සන් ඇන්ත­නි­ගෙ­නුයි. “මේ චිත්‍ර­ප­ටයේ ගීතය කරන්න සුනිල් සර්ටයි රෝහණ මහ­ත්ත­ය­ටයි ආරා­ධනා කළේ මම. මෙම චිත්‍ර­ප­ටයේ මට ඇවැසි ගීතයේ ස්වරූ­පය කොළඹ නග­රයේ එක් ජන­කො­ට­සක් භාවිත කරන භාෂා­වක් අනු­සා­ර­යෙන් ලිය­න්නයි මට ඕන වුණේ. එය ලියන්න සුනිල් සර් අදි­මදි කළාම ඒ ජන­කො­ටස භාවිත කරන වචන තිස්ප­හක් සුනිල් සර්ට දීල තමයි රචනා කරවා ගත්තේ.

සංගී­තය මැවී­මේ­දීත් ආචාර්ය රෝහණ වීර­සිං­හ­යන්ට මම රෙගේ සංගී­තයේ මම ඇලුම් කරන සංගීත ඛණ්ඩ හා ගීත සපයා තමයි මෙම ගීතය නිර්මා­ණය කර ගත්තේ.

මේ ගීත­යට අවශ්‍ය ගෙවීම් සියල්ල කළේ ‘ඇඩ්‍රස් නෑ‘ චිත්‍ර­ප­ටයේ නිෂ්පා­දක ජනිත් මාර­සිං­හම තමයි. සංගීත පටි­ගත කිරීමේ ගෙවී­මත් කළේ ඔහුම තමයි. හැබැයි මේ ගීතය ප්‍රති­නි­ර්මා­ණය සඳහා ඔහු ගත් ක්‍රියා­මා­ර්ගය මට දැනුම් දීමක් කරල නැහැ.“

උද­ය­කාන්ත වර්ණ­සූ­රිය අධ්‍ය­ක්ෂ­ණය කළ රන්කෙ­විට හා රන්කෙ­විට 2, ලේ කිරි කඳුළු චිත්‍ර­පට මෙන්ම මහා­චාර්ය සුනිල් ආරි­ය­රත්න අධ්‍ය­ක්ෂ­ණය කළ කුස බබා චිත්‍ර­පට වලට සහාය නිෂ්පා­ද­ක­ව­ර­යකු ලෙස දායක වූ ජනිත මාර­සිංහ පූර්ණ වශ­යෙන්ම නිෂ්පා­දක ලෙස දායක වූ චිත්‍ර­ප­ට­යක් වන්නේ ‘ඇඩ්‍රස් නෑ‘ චිත්‍ර­ප­ට­යයි. මීට අම­ත­රව ලාල් ප්‍රිය­දේව අධ්‍ය­ක්ෂ­ණය කළ චිත්‍ර­පට වන ‘මගෝ - ඩිගෝ - ඩයි‘, ‘කිව්වද නහී නොකි­ව්වද නහී‘, ‘මගේ යාළු මාළු‘ චිත්‍ර­පට ත්‍රිත්වය මෙන්ම නිශාන්ත වීර­සිංහ අධ්‍ය­ක්ෂ­ණය කළ ‘ජය ශ්‍රී ඇම­ති­තුමා‘ චිත්‍ර­ප­ටය ද ඔහුගේ පූර්ණ මූල්‍ය දාය­ක­ත්ව­යෙන් නිප­දවූ චිත්‍ර­ප­ටයි.

මේ පිළි­බ­ඳව අද­හස් දැක්වී­මෙන් වැළකී සිටී­මට මේ මොහො­තේදී තීර­ණය කළ බව පැවසූ ඔහු තමාගේ ෆේස්බුක් පිටුවේ තමා කරන ලද සට­හන මේ ලිපි­යට භාවිත කරන ලෙස ඉල්ලා සිටි­යේය.

එහි ඇති සට­හන මෙසේය.

“ඇඩ්‍රස් නෑ ගීතයේ පල­හි­ලව්ව මේ දව­ස්වල ෆේස්බුක් එකේ පුවත් මවන මාතෘ­කා­වක් වෙලා. විවිධ මාධ්‍ය මගේ ‘ස්ටේට්මන්ට්‘ ඉල්ලා සිටි­යත්, මම එයට ඉදි­රි­පත් වුණේ නැහැ. මොකද සමාජ මාධ්‍යයේ පළ­කි­රී­මෙන් නොව මෙය සාක­ච්ඡා­වෙන් සහ සම්මු­ති­යෙන් විසඳා ගත හැකි කාර­ණ­යක් බවට මම විශ්වාස කරන නිසයි.“

ගීත රචක මහා­චාර්ය සුනිල් ආරි­ය­ර­ත්න­ගෙන් මේ පිළි­බ­ඳව විම­සූ­විට ඔහු පැව­සුවේ ‘දැන් මේ ගැන කතා කළා ඇති‘ කියායි.

මේ ප්‍රශ්නය පිළි­බ­ඳව නීතිඥ අශෝක සේර­සිං­හගේ අද­හස මෙයයි. "2003 බුද්ධි­මය දේපළ පනත යටතේ කරන ලද නිර්මා­ණ­යක ලිඛි­තව අව­ස­ර­යක් නිර්මා­ණ­ක­රු­වන් ලබාදී නැත්නම් සිය­ලුම අයි­තිය සතු­වන්නේ නිර්මා­ණ­ක­රු­ව­න්ටයි.

නිර්මා­ණ­ක­රු­වෙකු ‘එක්ස්ක්ලු­සිටි රයිට්ස්‘ ලෙස තමාට අයිති සියලු අයි­තීන් නිෂ්පා­දක ආය­ත­න­ය­කට හෝ යම් පුද්ග­ල­යෙ­කුට පැව­රු­වොත් එතැන් සිට එම නිර්මා­ණය පිළි­බඳ සියලු අයි­තීන් එම පුද්ග­ල­යාට ලැබෙ­නවා. මීට වසර ගණ­නා­වක්ට පෙර සාගර පල­න්සූ­රිය කේයස් ලෙස රචිත ‘සුදෝ­සුදු‘ කාව්‍ය සංග්‍ර­හ­යට සිරි­ව­ර්ධන නම් ප්‍රකා­ශ­ක­ගෙන් රුපි­යල් සිය­යක මුද­ලක් ලබා කඩ­දා­සි­යක එය ලද බවට අත්සන් කර තිබුණා. වෙනත් පාර්ශ්ව­ය­කට මෙහි අයි­තිය කල­කට පසු ලබා ගැනී­මේදී අව­ස­රය ගත්තේ පල­න්සූ­රිය ගේ පවුලේ අය­ගෙන් නොවේ. අපි සිරි­ව­ර්ධන ගේ පවුලේ අයට රුපි­යල් විසි­ප­න්ද­හ­සක මුද­ලක් ගෙවා එම අව­ස­රය ඇවැසි අයට ලබා දුන්නා."

ගවේ­ෂ­ණ­යට අනුව සිදුවී ඇතැයි අනු­මාන කළ හැක්කේ මෙයයි. මහා­චාර්ය සුනිල් ආරි­ය­රත්න ඇඩ්‍රස් නෑ ගීතය රච­න­යට කිසිදු මුද­ලක් ලබා ගෙන නැත. ඊට හේතුව සහෝ­දර කලා­කරු ජැක්සන් ඇන්ත­නිගේ කෘති­යට උද­වුවක් හැටි­ය­ටය.

සංගීත අධ්‍යක්ෂ ආචාර්ය රෝහණ වීර­සිංහ ගීතය පටි­ගත කොට මැදි­රි­යෙන් එළි­යට එන අව­ස්ථාවේ චිත්‍ර­ප­ටයේ නිෂ්පා­ද­න­යට සම්බන්ධ අයකු විසින් සුළු මුද­ලක් අතට දී මුදල් ලබා­ගත් බවට යම් කඩ­දා­සි­යක ඔහුගේ අත්සන ලබා­ගෙන තිබේ. ජනිත මාර­සිංහ මෙම ගනු­දෙ­නුව කර ඇත්තේ එම කඩ­දා­සිය භාවිත කිරී­මෙන් විය යුතුය.

හිත­වත් කලා­ක­රු­වන්ට උදවු කිරීමේ අවස්ථා මහා­චාර්ය සුනිල් ආරි­ය­ර­ත්නගේ හා ආචාර්ය රෝහණ වීර­සිං­හගේ කලා දිවියේ අතො­රක් නැතිව අස­න්නට ලැබේ. එම ළබැඳි බව අදාළ කෘතී­න්ව­ලට නිෂ්පා­දක ලෙස දායක වන තැනැ­ත්තන් සූක්ෂම ලෙස තම වාණිජ අර­මුණු කෙරේ මෙහෙ­ය­වීම කන­ගා­ටු­දා­යක තත්ව­යකි. කෙනෙකු විසින් නිප­ද­වන ලද චිත්‍ර­පට නාමා­ව­ලි­යම ඔහුගේ චර්යා රටා­ව­ටම ගැළ­පෙන පරිදි නිර්මා­ණ­ය­වීම නම් එක් අත­කට දෛවයේ සර­ද­මක් වැනිය.

Comments