ශ්රී ලංකාවේ සංචාරක කර්මාන්තය දියුණු කිරීම පිණිස අදාළ ව්යාපෘති 7ක් වෙනුවෙන් යූරෝ මිලියන 4.9ක ආධාර ලබා දීමට යුරෝපා සංගමය එකඟ වී ඇතැයි සංචාරක ඇමැති ප්රසන්න රණතුංග මහතා පවසයි.
අදාළ මූල්ය ප්රතිපාදන ලබා දෙන්නේ සංචාරක ප්රවර්ධන අධිකාරිය විසින් ලබා දෙන යෝජනා මාලාවන්ට බව පෙන්වා දුන් ඇමැතිවරයා ඒ අනුව සංචාරක මාර්ගෝපදේශ සැකසීම,
ශරීර සුවතා ක්රියාකාරකම් සංචරණය, සුළු හා මධ්ය පරිමාණ සංචාරක ව්යාපාරිකයන්ට සහන සැලසීම, සමාජ හා ආරක්ෂණ වැඩසටහන් හා ප්රජා සංචාරක කර්මාන්තය නංවාලීම ඇතුළු කරුණු අඩංගු වන බව පෙන්වා දුන්නේය.
අදාළ ප්රදානයන් හැකි ඉක්මනින් ලබා දීමට යුරෝපා සංගමය එකඟ වී ඇතැයිද කී ඇමැතිවරයා ශ්රී ලංකාව හැකි ඉක්මනින් සංචාරකයන් සඳහා විවර කිරීම කෙරෙහිද විශේෂ අවධානයක් යොමු කර ඇති බවද පෙන්වා දෙයි.