එ.ජා.ප අර්බු­දය කාටුන් ශිල්පීන්ට ඉල්ල­මක් වෙයි | සිළුමිණ

එ.ජා.ප අර්බු­දය කාටුන් ශිල්පීන්ට ඉල්ල­මක් වෙයි

ක්සත් ජාතික පක්ෂය යනු මෙරට කීර්ති­මත් දේශ­පා­ලන පක්ෂ­යකි. වසර 72 කට නොඅඩු ඉති­හා­ස­යක් ඇති එ.ජා.ප.ය අද පත්වී සිටින්නේ දැඩි අර්බු­ධ­කාරි තත්ත්ව­ය­කය. එ.ජා.ප ය ට අයත් කිසිදු අපේ­ක්ෂ­ක­ය­කුට ඉකුත් මහ මැති­ව­ර­ණ­යේදි මහ­ජන ඡන්ද­යෙන් පාර්ලි­මේ­න්තු­වට තේරී පත්ව­න්නට නොහැකි වීමෙන් එම පක්ෂය මෙරට ඡන්ද දාය­ක­යන් අතර ලබා තිබෙන අප්‍ර­සා­දයේ තරම කොප­ම­ණ­දැයි පැහැ­දිලි වේ. අපට සිතෙන අන්ද­මට නම් එය දිගු කලක් තිස්සේ පැවති පරි­හා­නි­යක අව­සන් ‍ඛේදජ­නක ප්‍රති­ඵ­ලය යි.

එ.ජා.ප ය වැනි දැවැන්ත දේශ­පා­ලන පක්ෂ­යක මෙවැනි අවා­ස­නා­වන්ත ඉර­ණ­මක් අත්වී­මට මුල් වු හේතු සාධක පිළි­බ­ඳව සොයා බැලී­මද එක්තරා අන්ද­මක ජාතික අව­ශ්‍ය­තා­වකි. අප එසේ කියන්නේ මෙරට පව­තින කවර හෝ දේශ­පා­ලන පක්ෂ­ය­කට වුවද අනා­ග­ත­යේදි එවැ­න්නක් සිදු විය හැකි බැවිනි.

එ.ජා.ප.ය. මීට පෙරද යම් යම් අව­ස්ථා­ව­ලදී අන්ත පරා­ජ­යන්ට මුහුණ දී තිබේ. 1956 සහ 1970යන වර්ෂ වල පැවැති මහ මැති­ව­රණ ඒ සඳහා උදා­හ­රණ ලෙස දැක්විය හැකිය. එ.ජා.ප.ය 1956 දී ආසන 08 ට බැස්සේය. 1970 දී ආසන 16 ට බැස්සේය. එහෙත් එම පරා­ජයේ සුන්බුන් අත­රින් නැඟී සිටි ෆිනික්ස් කුරුල්ලා මෙන් යළි ජන­තාව අතර ඉතා ශක්ති­මත් පද­න­මක් ගොඩ­නඟා ගැනී­මට එ.ජා.ප.ය.ට හැකි­විය.

කෙසේ වෙතත් මෙවර එ.ජා.ප.ය ලබා ඇති අප­කී­ර්ති­මත් පරා­ජය හමුවේ පක්ෂ­යට එවැනි ප්‍රාති­හා­ර­යක් පෑමට ඇති ඉඩ­කඩ ඉතා­මත් සීමි­තය. අප එසේ කියන්නේ 2020 මහ මැති­ව­ර­ණ­යෙන් තමන් ලබා ඇති අන්ත පරා­ජ­යත් සමඟ පක්ෂ­යට ලැබී ඇති එකම එක ජාතික ලැයිස්තු මන්ත්‍රි ධුර­යට පවා සුදු­ස්සකු පත් කර ගැනී­මට නොහැ­කිව තිබෙන බැවිනි. එය අති­ශ­යින්ම කන­ගා­ටු­වට කරු­ණකි.

එය එසේ වන්නට ඇත්තේ එ. ජා. ප යේ වත්මන් නායක කාර­කා­දීන්ගේ සිත් තුළ පක්ෂය පිළි­බ­ඳව ඇති ඇල්මට වඩා නාය­ක­ත්ව­යට ඇති කෑදර කම මුල් තැනක් ගෙන ඇති නිසා විය හැකිය. පක්ෂ­යට හෙන ගැසී ගියත් පක්ෂ නාය­ක­ත්ව­යට රැක ගැනීම එම නායක කාර­කා­දීන්ගේ අර­මු­ණයි. එය කව­ර­කුට වුවද පෙනෙන පැහැ­දිලි සත්‍ය­යකි.

අතී­තයේ විසු එ.ජා.ප නායක කාර­කා­දීන් ගේ අර­මුණ වූයේ ජන­තාව පක්ෂය වටා ඒක­රාශි කර­ගෙන පක්ෂය දින­වී­මය. පක්ෂය දිනූ විට පාක්ෂි­ක­යන්ද ජය­ග්‍ර­හ­ණය කරන බව එදා සිටි පක්ෂ නාය­කයෝ දැන සිටි­යහ. ඒ ඔවුන් තුළ තිබෙන පක්ෂ හැඟීම නිසාය.

දිවං­ගත ඩඩ්ලි සේනා­නා­යක, සර් ජෝන් කොත­ලා­වල සහ ජේ.ආර්. ජය­ව­ර්ධන වැනි කීර්ති­මත් නායක කාර­කා­දීන් ගේ ඒකා­යන අර­මුණ වූයේ පරා­ජි­තව ඇද වැටුණු එ.ජා.ප.ය යළි ඉහ­ළට ඔසවා තැබී­මය. පක්ෂය සුර­ක්ෂිත කර­වීම සඳහා ඔවුහු බොහෝ පරි­ත්‍යා­ග­යන් කර තිබු­ණහ. එහෙත් වත්මන් එ.ජා.ප නාය­ක­යන්ගේ ප්‍රධා­න­තම අර­මුණ පක්ෂය දින­වීම නොව තමන්ගේ පක්ෂ නාය­ක­ත්වය රැක ගැනී­මයි.

ඕනෑම දේශ­පා­ලන පක්ෂ­යක් වටා ජන­තාව පෙළ ගැසෙන්නේ නාය­ක­ත්වයේ ඇති ආක­ර්ෂ­ණය මතය. පක්ෂ නාය­ක­ත්වය දුර්වල වූ විට හෝ ඔහු කෙරේ ඇති විශ්වා­සය පළුදු වූ විට ජන­තාව එම පක්ෂය හැර දමා යාම අනි­වා­ර්යෙන්ම සිදු වන්නකි . අතී­තයේ දැවැන්ත දේශ­පා­ලන පක්ෂ­යක් වූ එ.ජා.ප.ය වර්ත­මා­නයේ මුහුණ දී ඇත්තේ ද ඊට සමාන සිදු­වී­ම­ක­ටය. එහෙත් නායක කාර­කා­දීන්ට ඒ ගැන වගේ වගක් නැත. ඔවුන්ට අවශ්‍ය පක්ෂ­යට හෙණ ගැසී ගියත් තමන්ගේ නාය­ක­ත්වය අඛ­ණ්ඩව රැක ගැනී­ම­ටයි. ඕනෑම පක්ෂ නාය­ක­යෙකු නිර­තු­රුව උත්සාහ කරන්නේ තම පක්ෂ සාමා­ජි­ක­යන් සංඛ්‍යාව එක­කින් හෝ වැඩි දියුණු කර ගැනී­මට වුවද වත්මන් එ.ජා.ප නාය­ක­ත්ව­යට එවැනි අව­ශ්‍ය­තා­ව­යක් නොමැති වීමද පක්ෂයේ පිරි­හී­මට මුල් වු තවත් ප්‍රබල හේතු­වකි.

වත්මන් එ.ජා.ප නාය­ක­යාට ජාත්‍ය­න්තර වශ­යෙන් ඉතා හොඳ සම්බ­න්ධතා ජාල­යක් තිබෙන බව වැඩි දෙනෙකු ගේ පිළි­ගැ­නී­මයි. අප­ටද ඒ ගැන කිසිදු සැක­යක් නැත. එහෙත් බර­ප­ත­ළම ප්‍රශ්නය වන්නේ එත­රම් විශිෂ්ට සම්බ­න්ධතා ජාල­යක් ඇති වත්මන් එ.ජා.ප නාය­ක­ත්ව­යට දේශීය ජන­තාව සමඟ ඇති සම්බ­න්ධ­තාව කෙරෙහි ඇති නොසැ­ල­කි­ල්ලයි.

ඉහත සඳ­හන් කරුණ මෙතෙක් කලක් පැව­තුනේ ඕපා­දූ­ප­යක් වශ­යෙනි. එසේ වුවද ඉකුත් මහ මැති­ව­ර­ණයේ ප්‍රථි­ඵල ලේඛ­නය අනුව ඒ බව ප්‍රසි­ද්ධි­යේම සනාථ වී තිබේ. ඒ අඩුම වශ­යෙන් එ.ජා.ප නාය­ක­යා­ට­වත් මෙවර පාර්ලි­මේ­න්තු­වට තේරි පත්වී­මට අවශ්‍ය අවම මනාප සංඛ්‍යාව පවා ලබා ගැනී­මට නොහැකි වී ඇති බැවිනි. අනෙක් අතට 2001 මහ මැති­ව­ර­ණ­යේදි මෙරට බහු­තර ජන­තාව එ. ජා. ප. යට ආණ්ඩු බලය ලබා දෙන ලද්දේ මන්ත්‍රී ධුර 109 ක ජය­ග්‍ර­හ­ණ­යක් අත්කර දෙමිනි. එහෙත් මෙරට ජන­තව විසින් බන්දේ­සි­යක තබා පිරි­න­මන ලද ආණ්ඩු බලය රැක ගැනී­මට එ.ජා.ප නාය­ක­ත්ව­යට නොහැකි විය. එ.ජා.ප ආණ්ඩු­වට වසර දෙක­හ­මා­රක් ගත­වී­ම­ටත් මත්තෙන් චන්ද්‍රිකා ජනා­ධි­ප­ති­නිය සතු විධා­යක බලය යොදවා විසු­රුවා හැරි­යාය.

තමන් හමුවේ පව­තින අන­තුර පිළි­බ­ඳව කල්තියා ඉව වැටුණු එස්. බී දිසා­නා­යක, රාජිත සේනා­රත්න සහ මහින්ද විජේ­සේ­කර එම ආණ්ඩුවේ ඇම­ති­ව­රුන් චන්ද්‍රිකා ජනා­ධි­ප­ති­නි­යට එරෙ­හිව දෝෂා­භි­යෝ­ග­යක් ගෙන එන ලෙස කරන ලද යෝජ­නා­වද එ.ජා.ප නාය­ක­ත්වය විසින් ඉවත දැමු­වේය. අන්ති­මේදි සිදු වූයේ චන්ද්‍රිකා මැති­නිය තමන් සතු විධා­යක බල­තල යොදා ගනි­මින් එ. ජා. ප ආණ්ඩුව විසු­රුවා හැරී­මය. එලෙස ආණ්ඩුව විසි­රුවා හැරී­මට පෙර එස්. බීලා සහ රාජි­තලා යෝජනා කළ පරිදි චන්ද්‍රිකා ජනා­ධි­ප­ති­නි­යට එරෙ­හිව දෝෂා­භි­යෝ­ග­යක් ඉදි­රි­පත් කළා නම් ජනා­ධි­ප­ති­නිය අක­ර්මණ්‍ය වන අතර එහි ඊළඟ ප්‍රති­ඵ­ලය වනුයේ චන්ද්‍රිකා මැති­නි­යට තම විධා­යක බල­තල ක්‍රියා­ත්මක කිරී­මට නොහැකි වීමයි. එවැනි තත්ත්ව­යක් ඇති වූවා නම් තමන් සතු ආණ්ඩු බල­යද සහි­තව 2005 ජනා­ධි­ප­ති­ව­ර­ණ­යට ඉදි­රි­පත් වීමට එ.ජා.ප නාය­ක­ත්ව­යට ඕනෑ තරම් ඉඩ තිබු­ණේය. එහෙත් නාය­ක­ත්වයේ බොළද කම නිසා එම අව­ස්ථාව ගිලිහී ගියේය.

එම සිද්ධි­යෙන් පවා පැහැ­දිලි වන්නේ එ.ජා.ප නාය­ක­ත්ව­යට ජාත්‍ය­න්තර සබ­ඳතා කොතෙ­කුත් තිබු­ණද මෙරට දේශ­පා­ලන ක්‍රියා­කා­ර­කම් පිළි­බ­ඳව ප්‍රායෝ­ගික දැනු­මක් නැති බවයි. දේශ­පා­ලන ක්ෂේත්‍රයේ ඇති වන සුළි කුණාටු සහ විවිධ චල­න­යන් පිළි­බ­ඳව විනි­විද දැකිය හැකි, දැක්මක් සාර්ථක දේහ­පා­ල­ඥ­ය­කුට අනි­වා­ර්යෙන්ම තිබිය යුතුය. එබඳු දැක්මක් නොමැති පක්ෂ නාය­ක­ය­කුට සිදු­වන්නේ දේශ­පා­ලන වැලි කතරේ අතර මංවී­ම­ටය. එ.ජා.ප.යේ වර්ත­මාන නාය­ක­ත්ව­ය­ටද සිදු වී ඇත්තේ 1994 සිට මේ දක්වා සිට මේ දක්වා වූ වසර 26 ම එලෙස හස­රක් නොදැන වල්මත් වීමට ගතවූ කාලය තුළ සිදුවූ විවිධ හැල හැප්පීම් වලින් ද පැහැ­දිලි වේ.

එහි ඇති අවා­ස­නා­වන්ත තත්ත්වය වන්නේ එ.ජා.ප ය වත්මන් නාය­ක­ත්වය යට­තට පත්ව ගතවූ වසර 26 ක කාලය පුරාම වල්මත් වි සිටී­මට සමස්ත එ. ජා. පාක්ෂි­ක­ත්ව­ය­ටම සිදු වීමයි. කල­කට ඉහත මේ රටේ දැවැන්ත දේශ­පා­ලන පක්ෂය බවට පත්ව තිබූ එ. ජා. ප. ය වර්ත­මා­නයේ මුහුණ පා තිබෙන තත්ත්වය අති­ශ­යින් ඛේද­ජ­න­කය. වර්ත­මා­නයේ එම පක්ෂ­යට ජාතික ලැයි­ස්තු­වෙන් හිමිවී ඇති එකම එක මන්ත්‍රී ධූර­යට පවා සුදු­ස්සකු පත්කර ගැනී­මට නොහැ­කිව එම පක්ෂයේ නායක කාර­කා­දින් විසින් කරනු ලබන හෙයින් මාරු­වෙන්ම අද එ. ජා. ප ය වැටී ඇති තත්ත්වයේ තරම පැහැ­දිලි වේ.

මේ වන විට මුළු­ම­නින්ම විහි­ළු­වක් බවට පත් වී ඇති එ.ජා.ප ය නිසා අද සුළු වශ­යෙන් හෝ ප්‍රයෝ­ජ­න­යක් , යහ­ප­තක් සිදූවි ඇත්තේ මෙරට පුවත් පත් වල සේවය කරන කාටූන් ශිල්පී­න්ට නැත­හොත් විවිධ නම් වලින් හැඳි­න්වෙන වෙබ් අඩවි සංස්කා­ර­ව­රුන්ට ය. ඒ මෙරට පම­ණක් නොව විදේ­ශ­යන්හි වෙසෙන ශ්‍රි ලාංකික ජන­තා­වගේ පවා හාස්‍ය රසය කුළු­ගැ­න්වෙන අන්දමේ රස­වත් මාතෘකා ඔවුන්ට එ.ජා.ප ය තුළින් ඕනෑ­ත­රම් සපයා ගත හැකි බැවිනි. එ.ජා.ප ය අද පත් වී සිටින මේ අවා­ස­නා­වන්ත තත්ත්වය අතී­තයේ විසු එ.ජා.ප නාය­ක­යන්ගේ ප්‍රෞඩ­ත්ව­යට පවා බල­වත් නිග­රු­වකි.

 

Comments