“මුලින්ම කිව යුතුයි, වාහන දුම් පරීක්ෂාව කියන්නේ ඉතාම අගය කළ යුතු වැඩක්. ඩ්රයිව්ග්රීන් ආයතනයේ මේ වැඩපිළිවෙල ඉතාම හොඳයි. හැම වාහනයක්ම දැන් දුම් පරීක්ෂණ ක්රියාවලියට යටත් නිසා වායුගෝලීය ගුණාත්මකභාවය සෑහෙන දුරකට දියුණු වෙලා කියලා මම හිතනවා. ඉස්සර නම් පාරෙ යන්න බැරි තරම් පාර පුරාම වාහන දුම. දැන් නම් එහෙම තත්ත්වයක් නැහැ” එම සමීක්ෂණයට සහභාගී වූ මාවතගම පදිංචි පළපුරුදු රියැදුරකු වන එස්. එම්. එස්. සෙනෙවිරත්න (51) පැවසීය.
මෙරට වාහන දුම් පරීක්ෂණ ක්රියාවලියේ මූලික අරමුණ වන්නේ වායු දූෂණය අවම කරගැනීමට දායක වීම ය. එහෙත් ඒ හරහා වාහන නඩත්තුව සම්බන්ධ වැදගත් තොරතුරු රැසක් ද පාරිභෝගිකයන්ට හිමිවන බව ඩ්රයිව්ග්රීන් සිදු කළ මෙම පාරිභෝගික ප්රතිචාර සමීක්ෂණයේදී හෙළිවී තිබේ.
මරදාන ප්රදේශයේ ව්යාපාරිකයකු වන තස්නීම් කියාඩ් (32) පෙන්වා දෙන ආකාරයට ඩ්රයිව්ග්රීන් දුම් පරීක්ෂාවකින් අනතුරුව හිමිවන වාර්තාව මගින් වාහනයේ අත්යවශ්ය නඩත්තු කටයුතු සිදුකිරීම සහ ඉන්ධන අපතේ යාම අවම කරගැනීම පිළිබඳ අගනා මාර්ගෝපදේශනයක් හිමි වේ.
“ඩ්රයිව්ග්රීන් හරහා දුම් පරීක්ෂාව සිදු කළ විට ලැබෙන වාර්තාව ඔස්සේ වාහනයේ යම් නඩත්තු අවශ්යතාවක් පවතිනවා නම් ඒ දේ වහාම කරගත හැකියි. මගේ වාහනය එක පාරක් දුම් පරීක්ෂණය අසමත් වුණා. මට ලැබුණු උපදෙස් අනුව මම වාහනයේ අලුත්වැඩියා සහ සීරුමාරු කටයුතු කරගත්තා. ඉන්පසු පරීක්ෂණය සමත්වුණා විතරක් නෙමෙයි මගේ වාහනයේ ඉන්ධන කාර්යක්ෂමතාවත් වැඩිවුණා. ” ඔහු ප්රකාශ කළේය. දිවයිනේ සුප්රකට සුපිරි වෙළෙඳසැල් ජාලයකට අනුයුක්තව සේවය කරන, ගාල්ල ප්රදේශයේ පදිංචි ජේ.ඒ.ආර්.එන්. පෙරේරා (56) ද ඩ්රයිව්ග්රීන් ආයතනයේ සේවාව පිළිබඳ මෙම සමීක්ෂණයට එක්විය.
“ඩ්රයිව්ග්රීන් ආයතනයේ සෑම ශාඛාවකින්ම පාහේ අපට එක හා සමාන සේවාවක් ලබාදෙනවා. වායු දූෂණය වැළැක්වීම සඳහා ඩ්රයිව්ග්රීන් ආයතනය ගෙනයන මේ වැඩපිළිවෙල ඉතාම ප්රශංසා කටයුතුයි” ඔහු විස්තර කළේය.
2008 වර්ෂයේදී ආරම්භ වූ ඩ්රයිව්ග්රීන් ආයතනයේ කළමනාකාරීත්වය භාරව CleanCo Lanka සමාගම කටයුතු කරන අතර, අති නවීන උපකරණ, අන්තර්ජාතික සහතික මෙන්ම දක්ෂ, කැපවුණු සහ සුහදශීලී කාර්ය මණ්ඩලයක් ද සමඟින් පාරිභෝගිකයන්ට උසස් සේවාවක් ලබාදීමට ඩ්රයිව්ග්රීන් සූදානමින් සිටී.