රත්නපුර දක්වා ඉදිවන ‘රුවන්පුර‘ අධිවේගී මාර්ගයේ වැඩකටයුතු මේ වසර තුළදීම ආරම්භ කිරීමටත් වසර 3ක් ඇතුළත මාර්ගයේ වැඩ කටයුතු නිම කරන ලෙසත් මහාමාර්ග අමාත්ය ජොන්ස්ටන් ප්රනාන්දු මහතා අදාළ සියලු නිලධාරීන්ට උපදෙස් ලබා දී ඇත.
අමාත්යාංශයේදී පසුගිය 3 වැනිදා සියලු නිලධාරීන් කැඳවා පෙර සැලසුම් කර තිබූ පරිදි මාර්ගය කඩිනමින් ඉදි කරන ලෙස දන්වා ඇත. අදියර 3ක් යටතේ ඉදිවන කොළඹ - පැල්මඬුල්ල ‘රුවන්පුර‘ අධිවේගී මාර්ගය, දක්ෂිණ අධිවේගී මාර්ගයේ කහතුඩුව අන්තර් හුවමාරු මධ්යස්ථානයේ සිට ගමන් අරඹනු ඇත.
එහි 1 අදියර යටතේ කහතුඩුව සිට ඉංගිරිය දක්වා කි.මි. 24.3ක් ඉදිකරනු ලබයි. දෙවන අදියර ලෙස ඉංගිරියේ සිට රත්නපුර දක්වා කි.මි.21ක් ඉදිකරන අතර රත්නපුර සිට පැල්මඩුල්ල දක්වා කි.මි.28.6ක් ඉදිකරනු ලබන්නේ ව්යාපෘතියේ තුන්වන අදියර ලෙසය.
සමස්ත මාර්ගය කිලෝ මීටර් 73.9ක් වන අතර පළමු අදියරට රුපියල් බිලියන 80ක් වැය වනු ඇත.