මහනුවර අවට පසුගිය සතිය ඇතුළත සිදුවූ සුළු භූ කම්පන හතර ප්රදේශය ආශ්රිතව සිදුවිය හැකි මීට වඩා විශාල භූ කම්පනයක පෙර නිමිත්තක් වීමට ඉඩ ඇති බවත් වික්ටෝරියා වේල්ල ආශ්රිත භූමිකම්පා පිළිබඳව මීට අවුරුදු 25කට පෙර භූ විද්යා මහාචාර්ය පී. ඩබ්ලිව්. විතානගේ මහතා මේ ගැන අනතුරු ඇඟවූ බවත් අතුල සේනාරත්න පවසයි.
වික්ටෝරියා වේල්ල හා ජලාශය අසල අනවසරයෙන් හාරන හුණුගල් වළවල් හා අවට සිදුවන බෝර දැමීම් හෝ ජලයේ තෙරපීමක් මෙම භූ කම්පන හතර සඳහා හේතුවිය හැකි බවද ඔහු පෙන්වා දෙයි.
ඒ අනුව මේ ගැටලුව පර්යේෂණ මඟින් නිරාකරණය වන තුරු මහනුවර හා නුවරඑළිය ප්රදේශයේ මහවැලි ජලාශ අසල හුණුගල් වළවල් කැණීම් හා කළුගල් කැඩීම් වහාම නැවැත්වීමට අදාළ බලධාරින් පියවර ගත යුතු බවද මහාචාර්යවරයා රජයට දන්වා සිටී.