‘යහපාලන‘ රජය සමයේ මධ්යම සංස්කෘතික අරමුදල තුළ සිදුව ඇති ක්රියාවන් විමර්ශනය කිරීම සඳහා පත් කරන ලද කමිටු වාර්තාව බුද්ධශාසන, සංස්කෘතික කටයුතු අමාත්ය ධුරයද දරන අගමැති මහින්ද රාජපක්ෂ මහතා වෙත අදාළ කමිටුව වෙනුවෙන් එහි සභාපති විශ්රාමලත් මහාධිකරණ විනිසුරු ගාමිණී සරත් එදිරිසිංහ මහතා විසින් ජූලි 28 වැනිදා බාර දෙන ලදී. වසර 2016 – 2019 දක්වා කාලය තුළ මධ්යම සංස්කෘතික අරමුදලේ රුපියල් බිලියන 11ක දූෂණ හා අක්රමිකතා පිළිබඳව එම කමිටුව වාර්තාව තුළින් හෙළි කර තිබුණි. කමිටුවේ සෙසු සාමාජිකයන් වන හිටපු කැබිනට් අමාත්යාංශ ලේකම් ගෝඨාභය ජයරත්න සහ ජ්යෙෂ්ඨ නීතිඥ හරිගුප්තා රෝහණධීර යන මහත්වරු ද මෙහි වෙති.