පසුගිය කාලයේ ව්‍යාපාර අඩපණ වූ සියලුම ව්‍යාපාරිකයන්ට බැංකු හරහා සහනශීලි ඇප මත ණය ලබාදීමට කටයුතු යොදා ඇතැයි ශ්‍රී ලංකා මහ බැංකුවේ ජ්‍යෙෂ්ඨ නියෝජ්‍ය අධිපති ආචාර්ය නන්දලාල් වීරසිංහ මහතා සිළුමිණට කීය.
මේ වන විට බැංකු සතුව රුපියල් බිලියන 200ක මුදලක් ඒ වෙනුවෙන් ඇති බවත් ශ්‍රී ලංකා මහ බැංකුව විසින් එම ණය ලබා දීම සඳහා බැංකුවලට ආරක්ෂණ සහතිකයක් ලබා දෙන බවද ජ්‍යෙෂ්ඨ නියෝජ්‍ය අධිපතිවරයා කීය. කොරෝනා නිසා ව්‍යාපාර අඩපණ වී ණය ගෙවා ගැනීමට නොහැකි වූ ව්‍යාපාරිකයින්ට සහන කාලසීමාවක් ලබා දී ඇතැයිද විශේෂ සහන කාලසීමාව බැංකු හා සාකච්ඡා කර දෙපාර්ශ්වයේ එකඟතාවයෙන් 7%ක උපරිම පොලී මුදලක් යටතේ ලබා ගැනීමට හැකි වන බවද නියෝජ්‍ය අධිපතිවරයා කීය.
