කොරෝනා වයිරසයේ ලෝක ව්යාප්තිය නිසා ජපන් යෙන් අගය ඉහළයාම හේතුවෙන් ජපානයෙන් ආනයන කරනු ලබන මෝටර් රථවල මිල ශීඝ්ර ලෙස ඉහළ යනු ඇතැයි ලංකා වාහන ආනයනකරුවන්ගේ සංගමයේ සභාපති ඉන්දික සම්පත් මෙරෙන්චිගේ සිළුමිණට කීය.
මේ දිනවල පවත්නා ලෝක ආර්ථික අර්බුදය මෙන්ම කොටස් වෙළෙඳ පොළ පහළ යාම් නිසා ආයෝජකයන් ජපන් යෙන් හරහා ආයෝජනය කර ඇති හෙයින් ජපන් යෙන් එකක අගය 1.63 සිට 1.78ක් පමණ දක්වා ඉහළ ගොස් ඇති බවද ඒ මහතා පැවසුවේය. මේ නිසා වාහනයක් ආනයනය කිරීමේදී වාහනයේ මිල, රක්ෂණය, නැව් ගාස්තු (CIF PRICE) ඉහළ යාම නිසා සැලකිය යුතු ලෙසින් මෙරට වාහන මිලද ඉහළ යනු ඇතැයි හෙතෙම පෙන්වා දුන්නේය.
ඒ අනුව සුසුකි වැගන් ආර් මෝටර් රථයක් රුපියල් 170,000 කින්ද ටොයොටා පැසෝ මෝටර් රථයක් රුපියල් 160,000 කින්ද, ටොයොටා විට්ස් මෝටර් රථයක් රුපියල් 240, 000 කින්ද, ටොයොටා ඇක්සියෝ මෝටර් රථයක් රුපියල් 375,000 කින්ද, ටොයොටා ප්රිමියෝ මෝටර් රථයක් රුපියල් 400,000 කින්ද, අශ්වබල 1500ට වැඩි දෙහුමුන් මෝටර් රථද රුපියල් ලක්ෂ 4කින් පමණ ඉහළ යනු ඇතැයි කියති. ඒ සමඟම අනෙක් මෝටර් රථ මෙන්ම ද්විත්ව කාර්ය වෑන් රථ මිලද ඒ අනුව ඉහළ යනු ඇතඑ.