නී රෝගි පැහැපත් සුන්දර සමක් කියන්නේ හැම තරුණියකගේම හීනයක්. ඒත් සම අධික ලෙස වේළී ඉරි තැලෙනවා, කසනවා නම් ඒ නිසා සමේ සොඳුරු බව මැකී යන්න පටන් ගන්නවා. මේ දිනවල පවතින දැඩි උණුසුම එක්ක බොහෝ අය වියළි සමකින්, කොරළ ඇති වීමෙන් දැඩි පීඩාවට අපහසුවට පත් වෙලා. කොරළ කියන්නේ ශරීරයේ අධික උෂ්ණත්වය වගේම ශරීරයට අවශ්‍ය ආහාර සහ පෝෂක නොලැබීම නිසා වයස් භේදයකින් තොරව ඇති වන ගැටලුවක්.
බොහොමයක් කොරළ රෝගී තත්ත්ව පාරම්පරිකව එන්නත් පුළුවන්. නැතිනම් කලින් කිව්වා වගේම තමන්ගේ නොසැලකිලිමත්කම නිසා ඇති වෙන්නත් පුළුවන්. කොහොම වුණත් සමෙහි තෙතමනය රඳා පවත්වා ගනිමින් නිරතුරුව පිරිසුදුව සිටීම ඉතා වැදගත්. සමෙහි තෙතමනය රඳවා ගන්න නම් ඔබ ජලය වතුර ලීටර් තුනක්වත් පානය කළ යුතුමයි.
වැඩිහිටි පුද්ගලයෙක් අවම වශයෙන් තමන්ගේ සිරුරේ බර තිහෙන් බෙදුවාම එන අගයේ ප්‍රමාණයටවත් වතුර පානය කළ යුතුයි. උදාහරණයකට අපි හිතමුකෝ ඔබේ බර 60kg කියලා. එතකොට එය තිහෙන් බෙදුවාම ලැබෙන්නේ 2යි. ඒ කියන්නේ දවසක ලීටර් දෙකක්වත් අවම වශයෙන් ජලය පානය කළ යුතුයි. එය පුංචි උදාහරණයක් විතරයි. ඔබේ ශරීරයේ වතුර ප්‍රමාණය අඩු වෙනවා කියන්නේ ඔබේ සමේ වියළීමත් වැඩි වෙනවා.
ඔබේ සිරුරට ගැළපෙන මොයිස්චරයිසර් ක්‍රීම් එකක් සහ සන් බ්ලොක් ක්‍රීම් එකක් තෝරා ගන්න. අව්වට යනවා නම් විනාඩි විස්සකට කලින් අනිවාර්යයෙන් ම සන් බ්ලොක් එක ආලේප කරන්න. පැය දෙකකට වතාවක් නැවත ආලේප කරන්නත් අමතක කරන්න එපා. මොකද ඕනෑම ආලේපනයක ක්‍රියාකාරිත්වය රඳාපවතින කාල සීමාවක් තියෙනවා.
හැකි තරම් සබන් භාවිතය අඩු කිරීමත් වැදගත්. සමහර සබන්වල තිබෙන සංඝටක සම වියළීමකට ලක් කරනවා වගේම ස්වභාවික තෙතමනය නැති කරනවා. හැකි නම් බොඩි වොෂ් එකක් පාවිච්චි කරන්න. කිසිම වෙලාවක ස්නානය සඳහා උණුසුම් ජලය භාවිත කරන්න එපා. සම වියළෙන්න වගේම තවත් විවිධාකාර රෝග ඇති වීමට එය එක් හේතුවක්. උණුසුම් ජලය නිසා හිසකෙස් වුණත් ගැලවී යන්න පටන් ගන්නවා. නිතරම යටිපතුල් මැද පිරිසුදු කරගන්න, බේබි ක්‍රීම් වැනි ආලේපනයක් ආලේප කර හොඳින් සම්බහානය කරන්න. ඒ වගේම මතක තියාගන්න ඕනි කාරණාව තමයි දියවැඩියා රෝගී තත්ත්වයකින් පෙළෙන කෙනෙක් නම් සමේ ඉරිතැළුණු හම කොටස් කපන්න හොඳ නැහැ.
හැකි තරම් සමේ තෙත් ගතිය සුරකින ආහාර පාන වර්ග ලබා ගන්නත් අමතක කරන්න එපා. බාර්ලි ඇට, සව්, කස කසා ඇට බොන්න. හැකි නම් කොමඩු කැබැල්ලක්, පිපිඤ්ඤා වැනි ඇඟ නිවෙන, සිසිල් කරන ආහාර පාන එකතු කරගන්න. යෝගට් එකක්, අලි ගැට පේර ගෙඩියකින් කොටසක් ආහාරයට අරගෙන ඉතිරි වුණොත් පොඩි කරලා පැක් එකක් වගේ කොරල තියෙන තැන්වලට ආලේප කරලා සාමාන්‍ය ජලයෙන් විනාඩි විස්සකින් විතර සෝදන්න.
ඒ වගේම කෝමාරිකා මදයත් සුරලා අරගෙන මුහුණේ ගාන්න. මේ දේවල්වලට ඔබේ සම ආරක්ෂා කරන්න පුළුවන්. ඔලිව් තෙල් ආලේප කිරීමත් සමට හිතකරයි. ඒ වගේම මතක කියාගන්න ශීත කළ ජලය, වර්ණ යෙදු පැණි බීම පානයෙන් හැකි තාක් වළකින්න. ගොඩක් උෂ්ණ ආහාර නම් සුදුසුම නැහැ.
සමේ රෝම කුප ඉවත් කරන කොටත් සම වියළෙනවා වගේම සමට හානි වෙනවා. ඒ නිසා රූපලාවණ්‍ය ශිල්පිනියකගේ උපදෙස් මත වැක්ස් කරන්න. සහ ඔබේ සමට ගැළපෙන ආලේපන තෝරා ගන්න. මතක තියා ගන්න ආලේපන ගල්වන කොට රෝම කූප ඇති පැත්තට ආලේප කරන්න.
විශේෂයෙන්ම දැඩි උෂ්ණත්වය පවතිද්දී සිල්ක් ඇදුම් ඇඳීමෙන් වළකින්න. හැකි තරම් දහදියට ඔරොත්තු දෙන කපු ඇඳුම් අඳින්න පුළුවන් නම් එය ඔබට පහසුවක් ගෙනේවි…
