අපි කවුරුත් පුරුදුවෙලා ඉන්නේ උදේම නැඟිට්ට ගමන් රස උණුකිරි තේ එකක් බොන්න. තේ එක නොබිව්වොත් මට එදාට හරි නෑ... යන කියමන් ඕන තරම් අපට අහන්න ලැබිලා තියෙනවා. ඒත් මෑතක සිට මේ කිරිපිටි නැත්නම් රසකර බීපු කිරි වීදුරුව ගැන අපේ රටේ තරමක් ආන්දෝලනාත්මක කතා බහකට ලක්වුණා. ඒ නිසා ම ඒ ගැන කතා කරන්න හිතුවා. ඒ හරහා රසඳුනට අපි සම්බන්ධ කරගත්තේ ඔබට; අපට හුරුපුරුදු හිතවතියක්ව.
මාතෘ හා ළමා සෞඛ්ය උපදේශිකා; Baby Center Lanka අධ්යක්ෂිකා, සෙනෙහස පදනමේ නිර්මාතෘ, මාතෘ හා ළමා යෝග/ Spa ගුරු පුහුණු; සෞඛ්ය මාධ්යවේදිනියක් ලෙස කටයුතු කරන,ශ්යාමලි පතිරගේ.
උදේම වස විස මුසු වැඩකට නැති පිටිකිරි කෝප්පයක් බී දිනය ඇරඹීම හෙවත් සෞඛ්යයට අහිතකර බව හොඳින් දැන දැනත් දිනපතා තම සෞඛ්යයට අහිතකර ආහාරයක් නොගෙන සිටීමටවත් ශක්තියක් කොන්දක් නොමැති ජන කොට්ඨාසයක් වීම අපම ලජ්ජා විය යුතුයි.
වෙනත් රටවල එනම්; නවසීලන්තය, ඕස්ට්රේලියාව; යුරෝපා හා දියුණු ආසියාතික රටවල දියර කිරි හෝ කිරි ආහාර වර්ග පරිභෝජනය කළ ද කිරිපිටි පානය කරන්නේනෑ. අපේ ජනතාවට වඩා යහතින් ඔවුන් ජීවත් වනවා. අපේ රටේ තරම් බෝ වන රෝග බහුල රටක් තවත් නොමැති තරම්.
ලංකාවේ මිනිසුන්ට නැති වුණොත් වැසිකිළි යෑමත් බැරි තරමට ඇබ්බැහි කළ සීනි දාපු කිරි එක හා පාන් පිටි දිනපතා ආහාරය වී ප්රතිපත්ති සම්පාදනය කරන දේශපාලකයාගේ සිට දුප්පත් අසරණ ගොවියා දක්වා ලොකු බඩක් සමඟ ලොකු ලෙඩක් දීමට සමත් ය.
“දරුවාට පිටි එක ගන්නවත් සල්ලි නැහැ”
“පාන් කියා ගන්නවත් පණ නැහැ”
අපේ රටේ දුප්පත්කම කියාපාන භාවිතයට ගැනෙන ප්රසිද්ධ යෙදුම්.
මෙම ක්ෂණික කෑම බීම සංස්කෘතිය තුළ පවතින තාක් මෝඩ දුප්පත්කම ද ‘පණ නැතිකම ද සදාකල් පවතිනු ඇත.
කිරි පිටි යනු?
කිරිපිටි නිෂ්පාදනාගාරවල මුලින් ම සිදු කරන්නේ කිරිවල ඇති පෝෂක කොටස් ඉවත් කිරීමයි. (ඒවා බටර්/ චීස් නිෂ්පාදනයට යොදා ගනී)
අනතුරුව; පෝෂණය රහිත කිරිවලට ෆාම් තෙල් රසායනික, රසකාරක, කෘත්රිම ද්රව්ය එකතු කරයි. ඇතැම් සමාගම් යෝගට් නිෂ්පාදනයේදී මෙවැනි දෑ සිදු කරයි.
පසුව මෙයට කල් තබාගැනීමේ කාරක වැනි දේ එක් කර වියළීමට ලක් කර පිටිකිරි බවට පත් කරයි.
කිරිපිටිවල වස විස තිබේද?
නැව් ගණන් ලංකාවට ගෙනෙන බොහෝ මහා පරිමාණ ආනයනික කිරිපිටිවල වාණිජමය පරමාර්ථය වෙනුවෙන් පෝෂක කොටස් ඉවත් කර ඒ වෙනුවට බාල ආදේශක ඇතුළත් කරයි.
උදා: ප්රෝටීන කොටස් ඉවත් කර මෙලමයින් යෙදීම.
මේදය ඉවත් කර ෆාම් ඔයිල්
එක් කිරීම.
අප කොහොමද මේ කිරි පිටි වීදුරුවට ඇබ්බැහි වුණේ?
කිරිපිටි සමාගම් විසින් මහා බලසම්පන්න මැජික් අරිෂ්ඨයක් ලෙස බුද්ධි ඵලය අඩු මිනිසුන් සිටින රටවලට පතුරුවා හරී.
• කිරි එක බීපු ගමන් දරුවා මනා ප්රාඥයෙකු වනවා.
• වැඩිහිටි පුද්ගලයන්ගේ කැඩුණු අස්ථි පවා පිළිසකර වනවා.
• කුස තුළ දරුවා වැඩීමට සමහර පිටි පානය අවශ්යයි. එයින් විස්මකර්ම දරුවන් බිහිවනවා.
මේ සමාගම් බොරු ජාවාරම් ලෙස සමාජගත කිරීමේ ප්රභලත්වය හා දක්ෂතාවය කෙබඳු ද යත් කිරිපිටි නොමැතිව ජීවත් විය නොහැකි බවත්, දරුවකුට කිරිපිටි ලබා නොදුන හොත් නිසි වර්ධනයක් සිදු නොවැතැයි අසරණ මිනිස් සිත්වලට තදින් කාවද්දා ඉවරයි.
අපේ මිනිසුන් එක් වේලක් හෝ නොකා හිටියත් කිරි වීදුරුවක් බිව්වේ නැත්නම් ඇඟට පණ මදි කියන මට්ටමට මේ පිටිකිරි එක ඇබ්බැහි වෙලා.
කිරි අත්යවශ්ය ආහාරයක් ද?
ඔයාලා දන්නවාද? මේ ගැන කතා කරන මගේ ගෙදර පිටි/ සීනි බෝතල නෑ වගේ ම මගේ දියණියට දැන් අවු. 13ක්. එයා උපන් දා සිට කවදාවත් පිටි එකක් බීලා නෑ.
ක්ෂීරපායි සතුන් ගණයට අයිති වන අප ළදරු වියේදී පෝෂණයට මිස වැඩිහිටි අවස්ථාවේදී කිරිපානය අත්යවශ්ය නෑ. කිරිවලින් ලැබෙන ප්රෝටීන හා ජලය කැල්සියම් වෙනත් අපේ රටේ තියන පරිපූර්ණ ආහාර රටාව මඟින් පහසුවෙන් ලබාගන්න පුළුවනි.
වාණිජ වශයෙන් කිරි ආහාර නිෂ්පාදිත සමාගම් බොහෝ රටවල මිනිසුන් ඉලක්ක කරගෙන වෙළෙඳ මාෆියාව ඔස්සේ කියන්නේ කිරි අත්යවශ්ය බවයි.
කිරිවල කාබෝහයිඩ්රේට්, ප්රෝටීන්, මේදය, විටමින්, ඛනිජ ලවණ සුළුවෙනුත් වැඩිපුර ඇත්තේ ජලයයි.
මේ පෝෂක ලබාගත හැකි මාර්ග කිරිවලට අමතරව බොහෝ ඇත.
ඒ නිසා කිරි යනු කිසිසේත්ම මිනිසාට අත්යවශ්ය ආහාරයක් නොවන හෙයින් එයින් ලැබෙන සියලු පෝෂක වෙනත් ආහාර පාන මඟින් ලබාගත හැකියි.
රටේ - ඔබේ නිෙවසේ ආර්ථිකයට කිරිපිටි බලපාන අයුරු
කිරිපිටි ආනයනය සඳහා වාර්ෂිකව රුපියල් කෝටි 3000 - 4000 වැය වේ.
රටේ මුදල් මහා පරිමාණව පිටරටවලට ඇදී යෑමත් දේශීය කිරි ගොවියා, කර්මාන්තකරුවා, නිෂ්පාදකයා අඩපණ වීමත් ආනයනික කිරිපිටි ආනයනය නිසා සිදු වීමත්; රටේ බෝ නොවන රෝග රැසක් හිස එසවීම මූලාරම්භයක් වනවා.