ලොව සුපතළ KIA කොරියා මෝටර් රථ සමාගමේ නවතම SUV මෝටර් රථය වන Seltos මෙරටට හඳුන්වා දෙන ලදි.
අශ්වබල 140ක් උත්පාදනය කරන ලීටර් 1.4 ක ටර්බෝ ආරෝපිත පෙට්රල් එන්ජිමකින් සමන්විත Seltos රථය වේග 07ක ද්විත්ව ක්ලච් ඔටෝමැටික් ට්‍රාන්ස්මිෂන් තාක්ෂණයෙන් යුක්තය. මෙම රථය ඇතුළත පුළුල් ඉඩකඩකින් යුක්තව අතිනවීන පහසුකම්වලින් පරිපූර්ණ වන ලෙස නිෂ්පාදනය කර තිබේ.
ශක්තිමත් සෘජු පෙනුම සහ ඉහළ ග්‍රවුන්ඩ් ක්ලියරන්ස් ගුණාංග හේතුවෙන් Seltos රථය එම පන්තියේ අනිකුත් SUV මෝටර් රථවලට වඩා ඉදිරියෙන් සිටින අතර එහි සුවපහසු අභ්‍යන්තරය උසස් තාක්ෂණයෙන් අනූන වන ලෙස නිර්මාණය කර තිබේ. ඉදිරිපත් කර තිබෙන අතර මෙම රථය ඉදිරිපස සහ පසුපස ස්කිඩ් ප්ලේට්ස් සහ බ්ලැක් වීල් ආර්ච් ක්ලැඩිං, අඟල් 17 ක ඇලෝයි රෝද, ඉලෙක්ට්‍රික් ස්ටැබිලිටි කන්ට්‍රෝල්, හිල් ස්ටාර්ට් ඇසිස්ට් කන්ට්‍රෝල් සහ A.B.S වැනි ගුණාංගවලින් සමන්විත වන නිසා ප්‍රමාණය සහ පන්තියට සාපේක්ෂව ඉහළ off-road ධාවන හැකියාවෙන්ද යුක්ත වේ.
Kia මෝටර්ස් (ලංකා) සමාගමේ කළමනාකාර අධ්‍යක්ෂ, මහේන් තම්බයියා මහතා අදහස් දක්වමින්, Kia Seltos මෝටර් රථයට වඩාත් ආකර්ෂණීය වන්නේ එය නව පරම්පරාවේ බලාපොරොත්තු සපුරාලන පරිදි නිර්මාණය කර තිබීම නිසාම නොවෙයි. නවීන විලාසිතාවෙන්, නවීන තාක්ෂණයෙන් යුක්තවීම නිසාද වඩාත් ආකර්ෂණීය වී තිබෙනවා. මෙය නියම ප්‍රමාණයෙන් සහ වෙ‍ෙළඳපොළේ වඩාත් ආකර්ෂණීය මිල ගණන්වලින් යුක්තයි.
