ප්රවීණ ලේඛක සහ ජ්යේෂ්ඨ මාධ්යවේදී චන්ද්රසිරි දොඩන්ගොඩ ගේ දෙවර්ෂ පූර්ණ ගුණ සමරුව නිමිතිකර ගනිමින් ඔහුගේ සාහිත්ය, පුවත්පත් මෙහෙවර අගයනු වස් නවක ලේඛක ලේඛිකාවන්ට නිසි ඇගයුමක් ලබා දෙන අරමුණෙන් චන්ද්රසිරි දොඩන්ගොඩ අනුස්මරණ පදනම සංවිධානය කරන ලද ‘චන්ද්රසිරි දොඩන්ගොඩ අනුස්මරණ සාහිත්ය ප්රණාම සමස්ත ලංකා සාහිත්ය නිර්මාණ තරගාවලිය 2019’ හි ජයග්රාහී නිර්මාණ සඳහා සම්මාන, සහතිකපත් සහ ත්යාග ප්රදානෝත්සවය පෙබරවාරී 18 වැනි දා සවස 3.00 ට කොළඹ 07 මහවැලි කේන්ද්රීය ශ්රවණාගාරයේදී පැවැත්වේ. මෙහි දෙසුම් මහාචාර්ය රෝහණ ලක්ෂ්මන් පියදාස, ආචාර්ය රත්න ශ්රී විජේසිංහ, ප්රවීණ ලේඛිකා අනුලා ද සිල්වා, ජ්යේෂ්ඨ මාධ්යවේදී සුන්දර නිහතමානී ද මැල්, ප්රතිභාපූර්ණ සිනමාවේදී ජයන්ත චන්ද්රසිරි යන මහත්වරුන්ගේ ප්රධානත්වයෙන් පැවැත්වීමට නියමිතය. මෙහිදී චන්ද්රසිරි දොඩන්ගොඩ රචිත අවසන් නව කතාව වන ‘අල්තීනුගේ කතාවස්තුව’, ‘බිඳුණු පුරහද’ අවසාන කාව්ය සංග්රහය’ සමඟ චන්ද්රසිරි දොඩන්ගොඩ සාහිත්ය ප්රණාම 2019 සමස්ත ලංකා සාහිත්ය නිර්මාණ තරගාවලියේ ජයග්රාහී නිර්මාණ වන විමුක්තිය සොයා නව පොත ද සුදු සාරිය සහ තවත් පොත් කෙටි කතා සංග්රහයද ‘මුදල් මම වෙමි’ කාව්ය සහ ගීත සංග්රහය ද දොරට වැඩුම සිදුවේ. මෙහි සභා ආමන්ත්රණය ප්රවීණ සාහිත්යවේදී බණ්ඩාර ඇහැළියගොඩ හොබවන අතර සංගීත විශාරද ශෂිකා නිසංසලා. සංගීත විශාරද සමන් ලෙනින් ගීත ගායනයෙන් දායක වෙති.