ගීත නිර්මාණකරුවන් 50,000කට ආසන්න පිරිසකට මාර්තු මස 01 වැනිදා සිට කර්තෘ භාගය ගෙවීමට රජය පියවර ගෙන තිබේ. ගුවන් විදුලි ආයතනවලින් රුපියල් 20ක් ද රූපවාහිනි ආයතනවලින් රුපියල් 100ක මුදලක් ද කර්තෘ භාගය ලෙස ගෙවිය යුතු බව තොරතරු සහ සන්නිවේදන තාක්ෂණ සහ උසස් අධ්යාපන, තාක්ෂණ සහ නවෝත්පාදන ඇමැති ආචාර්ය බන්දුල ගුණවර්ධන මහතා ‘සිළුමිණ’ ට පැවසීය.
බුද්ධිමය දේපළ අයිතිය යටතේ ගීතයේ අයිතිකරුවන්ට මෙම කර්තෘ භාගය ගෙවීම සිදු කරන අතර ගීත රචක, තනු නිර්මාණ ශිල්පී, ගායකයා ලෙස ගීතයේ අයිතිය කොටස්කරුවන් තිදෙනකු වෙත බෙදී යන බව ද ඇමැතිවරයා සඳහන් කළේ ය.