HNB ඇෂුවරන්ස් PLC (HNBA) සහ එහි පූර්ණ අනුබද්ධිත HNB ජෙනරල් ඉන්ෂුවරන්ස් ලිමිටඩ් (HNBGI) 2020 සඳහා එහි තේමාව වන '2020 හි ක්ෂේත්‍රයේ අතිවිශිෂ්ටයන්' යන්න එළිදැක්වීය. මතු විය හැකි වෙ‍ෙළඳ‍ෙපාළ අවස්ථා, අභියෝග සහ ප්‍රවණතා පිළිබඳ විවෘත ආකල්පයක් පවත්වා ගනිමින් සේවා විශිෂ්ටත්වය, පාර්ශව කරුවන් හට වටිනාකම් නිර්මාණය කිරීම, සේවක සතුට, ඩිජිටල් පරිවර්තනය, නවෝත්පාදන විශිෂ්ටත්වය සහ සමාජ භාරකාරත්වය යන තෝරා ගත් කාණ්ඩ 6ක් තුළ විශිෂ්ටයා වීමේ ගමනට සමූහය තම අවධානය යොමු කර ඇත.
“නව වසර, නව කාරණා” යන අභිප්‍රේරණ ප්‍රකාශය සැලකිල්ලට ගනිමින්, සමාගමක් ලෙස, පාරිභෝගික සේවය, සේවක යහපැවැත්ම සහ සමාජීය යහපැවැත්ම සම්බන්ධයෙන් තම පාර්ශව කරුවන්ගේ සියලු අවශ්‍යතා සපුරාලීමේ වැදගත්කම ද මෙම තේමාව මගින් අවධාරණය කෙරේ.
HNBA සහ HNBGI හි කළමනාකාර අධ්‍යක්ෂ සහ ප්‍රධාන විධායක නිලධාරි දීප්ති ලොකුආරච්චි මහතා අදහස් දක්වමින් පැවසුවේ “HNBA සමූහයට 2019 සාර්ථකව අවසන් කිරීමට හැකි වූ අතර, එම වසරේ අභියෝගාත්මක වෙළඳපළක් මධ්‍යයේ වුවත් විශිෂ්ට ප්‍රතිඵල සහ අනාගත වර්ධන අවස්ථා සලසා ගැනීමට ද හැකි විය. පසුගිය වසර කිහිපය සලකා බලන විට සියලු පාර්ශවකරුවන්ට ඉහළ ප්‍රතිලාභ ලබා දීමේ සිය පොරොන්දුව සමූහය ඉටු කර තිබේ.
'සියලුම පාර්ශ්වකරුවන්ට ඉහළම ප්‍රතිලාභ' ලබා දීමේ සමූහයේ දැක්ම මුල් කර ගත් '2020 හි ක්ෂේත්‍රයේ අතිවිශිෂ්ටයන්' යන තේමාව, තෝරා ගත් කාණ්ඩ 6ක් සම්බන්ධයෙන් විශේෂ අවධානයක් යොමු කරයි.
මේ මගින් අපගේ සෑම පාර්ශ්වකරුවකුටම අතිවිශිෂ්ට සේවාවක් සහ තිරසාර ප්‍රතිලාභ ලබා දීමට සමූහයට තවත් හැකි වනු ඇත.”
HNB ඇෂුවරන්ස් PLC ශ්‍රී ලංකාව තුළ ශීඝ්‍රයෙන් වර්ධනය වන රක්ෂණ සමාගමක් වන අතර එහි ශාඛාවන් 62ක් දැනට රට පුරා පවතී. HNBA, Fitch Ratings Lanka වෙතින් කෙරෙන ජාතික රක්ෂණ සමාගම් හී මූල්‍ය සවිය ශ්‍රේණිගත කිරීම අනුව A (lka) යන ශ්‍රේණිය ලබාගත් ජීවිත රක්ෂණ සමාගමක් වේ.
ශ්‍රී ලංකා රක්ෂණ නියාමකයා විසින් 2015 ජනවාරි මස හඳුන්වා දුන් සමාගම් වෙන් කිරීමේ නීතිය අනුව HNB General Insurance Limited සමාගම එහි මෙහෙයුම් ඇරඹුවේ ය. HNBGI යනු සාමාන්‍ය රක්ෂණ සේවාවන් වන මෝටර් රථ, මෝටර් රථ නොවන සහ ටකාෆුල් රක්ෂණ විසඳුම් සලසා දෙන HNB Assurance PLC හී සම්පූර්ණ හිමිකාරිත්වය ඇති පරිපාලිතයක් වේ.
HNBA, LMD විසින් නම් කරන ලද ශ්‍රී ලංකාවේ හොඳම සමාගම් 100 ඇතුළතත් ශ්‍රී ලංකාවේ හොඳම වෙළඳ නාම 100 ඇතුළතත් ඇගයුම් ලබා තිබෙන අතර අන්තර්ජාතික තලයේ වෙළඳ නාම විශිෂ්ටත්වය, ඩිජිටල් අලෙවිකරණය, මානව කළමනාකරණ විශිෂ්ටත්වය සඳහා සම්මාන ද එහි වාර්ෂික වාර්තා සඳහා ශ්‍රී ලංකා වරලත් ගණකාධිකරණ ආයතනය විසින් සහ දකුණු ආසියානු ගණකාධිකාරී වරුන්ගේ සංගමය විසින් ලබා දෙන නොයෙකුත් සම්මානත් ජය ගත් සමාගමකි.
