ශ්රී ලංකා ඉන්ෂුවරන්ස් මෝටර් තාක්ෂණික නිලධාරීන්ට මෝටර් බයිසිකල් ලබාදීම 2020 ජනවාරි 17 වන දින ශ්රී ලංකා ඉන්ෂුවරන්ස් ප්රධාන කාර්යාලයේදී සිදු කරන ලද අතර මෙම අවස්ථාව සඳහා ශ්රී ලංකා ඉන්ෂුවරන්ස් සභාපති ජගත් වැල්ලවත්ත මහතා, ප්රධාන විධායක නිලධාරී චන්දන එල් අලුත්ගම මහතා සහ ආයතනයේ ඉහළ කළමනාකාරීත්වය සහභාගී විය.
ශ්රී ලංකාවේ මෝටර් රථ රක්ෂණ වෙළෙඳපොළ ප්රමුඛයා ලෙස සේවාව සපයන ප්රමුඛ පෙළේ සන්නාමයක් වන ශ්රී ලංකා ඉන්ෂුවරන්ස් මෝටර් ප්ලස් ශ්රී ලංකාවේ විශාලතම මෝටර් තාක්ෂණික නිලධාරී ජාලයට හිමිකම් කියන අතර රට පුරා ප්රදේශවලට අනියුක්තව සේවය කරමින් පාරිභෝගිකයන්ට පුළුල් ආවරණයක් සැපයීම සිදුකරයි.
මෝටර් තාක්ෂණික නිලධාරීන් සඳහා මෝටර් බයිසිකල් ලබාදීමත් සමග ඔවුනට අනතුරු සිදුවී ඇති ස්ථානය කරා ඉක්මනින් ළඟා වීමට හා ඉක්මනින් තක්සේරුව සිදුකිරීමට හැකියාව ලැබෙන අතර, පාරිභෝගිකයන්ට තක්සේරුව ලැබෙන තෙක් අනතුර සිදුවී ඇති ස්ථානයේ රැඳී සිටීමට සිදුවන කාලය අවම කරයි.
මෙම අවස්ථාවේදී අදහස් දක්වමින් සභාපති ජගත් වැල්ලවත්ත මහතා මෙසේ සඳහන් කළේය: ‘අප අපගේ සේවා ප්රමිතීන් ඉහළ නැංවීමට සහ අපගේ පාරිභෝගිකයින්ට සුවිශේෂ පාරිභෝගික සේවාවක් ලබා දීමට අඛණ්ඩව උත්සාහ කරමින් සිටිමු.”