ටොෆි, චොකලට් රස විඳින කවුරුත් ඩේන්ටි නිෂ්පාදන රස විද ඇතුවාට සැක නැහැ. විසි පස් වසරක් පුරා රටට රස බෙදන ඩේන්ටි නිරතුරු අලුත් නිෂ්පාදන වෙළෙඳපොළට හඳුන්වා දී තිබෙනවා.
රස ගුණ සපිරි අනර්ඝ ඩේන්ටි නිෂ්පාදන ජය ගෙන ඇත්තේ මෙරට රස කැවිලි වෙළෙඳපළ පමණක් නොවෙයි. දේශයට අභිමානයක් ගෙන දෙමින් මෙම නිෂ්පාදන මේ වනවිට රටවල් ගණනාවක් වෙත අපනයනය කෙරෙන අතර ඒ නිසා ම අප රටට සැලකිය යුතු විදේශ විනිමය ආදායමක් උපයා ද‍ීමට ද ඩේන්ටි නිෂ්පාදන සමත්කම් දක්වා තිබෙනවා.
ඩේන්ටි ආයතනය පසුගියදා සිය නවතම නිෂ්පාදනය ද වෙළෙඳපොළට හඳුන්වා දුන්නා. 
එය කැපූ පොල් යොදා ගනිමින් නිෂ්පාදනය කරන ලද ශ්‍රී ලංකාවේ පළමු රස කැවිලි නිෂ්පාදනය ලෙස හඳුන්වා දීමම විශේෂත්වයක්. ෙඩ්න්ටි සමාගම මේ අපූරු රසබර රසකැවිලි නිෂ්පාදනය නිල වශයෙන් හඳුන්වා දෙනු ලැබුවේ එම සමාගම මඟින් වාර්ෂිකව පවත්වනු ලබන කුසලතා සම්මාන උලෙළේදීය.
ඩේන්ටි සමාගම විසින් මෙම අනර්ඝ රස කැවිලි විශේෂය තම සමාගම සතු සුවිශේෂ සන්නාම නාමයක් වන ‘මයිලේඩි’ නාමය යටතේ වෙළෙඳපළට නිකුත් කළ අතර ‘කොකනට් ඉක්ලෙයාර්’ ටොෆියක් වන එය මේ වනවිට ඉතා වේගයෙන් වෙළෙඳපොළ තුළ ජනප්‍රිය වී තිබෙනවා.
මොරටුව ගොරකාන රන්මල් සංචාරක නිකේතනයේදී පැවැති එම උලෙළේ ප්‍රධාන ආරාධිතයින් ලෙස ඩේන්ටී සමාගමේ නිර්මාතෘ සභාපති, විද්වත් වෘත්තිකයෙකු වූ මහාචාර්ය අයාල් ජයතිලක, සම සභාපතිනි නිල්මිණි ගුණරත්න, විධායක අධ්‍යක්ෂ සිල්වෙස්ටර් පෙරේරා සහ අලෙවි අධ්‍යක්ෂ නිශාන්ත මෙන්ඩිස් යන මහත්ම මහත්මීහු සහභාගි වුණා.
2020 නව වසරක උදාවත් සමඟ සම්භාවනීය ඩේන්ටි පවුලේ විශිෂ්ටතම අලෙවි නියෝජිතයින් රැසක් 2019 වසරේ දී සිය විශිෂ්ට වූ ක්‍රියාකාරිත්වය වෙනුවෙන් කුසලතා සම්මානයෙන් පිදුම් ලැබුවේ මෙම රාත්‍රියේදීය.
මීට වසර 35 කට පෙර 1984 වසරේදී එක් යන්ත්‍රයකින් රත්මලානේ කඳවල දී නිෂ්පාදන ක්‍රියාවලිය අරඹා 2020 වසරේදී 36 වැනි වියට පිය ඔසවන ඩේන්ටී සමාගම මේ වනවිට නවීන තාක්ෂණයෙන් යුත් කර්මාන්ත ශාලා සංකීර්ණ ද්විත්වයකට හා අංගසම්පූර්ණ ගබඩා සංකීර්ණයකට හිමිකම් කීමට සමත්ව තිබීමත් ආඩම්බරයට කරුණක්.
පූර්ණ වශයෙන් ම දේශීය සමාගමක් වන සීමාසහිත ඩේන්ටී සමාගම ISO 9001 – 2000 ජාත්‍යන්තර තත්ත්ව සම්මානයට හිමිකම් කියනු ලබන අතර, සිය ශක්තිමත් ක්‍රියාකාරිත්වයත්, සම්ප්‍රදායි ප්‍රවර්ධන කටයුත්තකි. පුද්ගල සාර්ථකත්වය, කණ්ඩායම් හැඟීම සහ ඵලදායි සහයෝගීතා ඇගැයීම් වස් ඩේන්ටී අලෙවි කුසලතා සම්මාන උලෙළ නොකඩවා වාර්ෂිකව පවත්වනු ලබනවා. මෙවර සම්මාන රාත්‍රියට දිවයින පුරා විසිර සිටින 130 ක් පමණ වූ බෙදාහැරීම් ජාලයේ ජාතික පද්ධතියේ අලෙවි නියෝජිතයින් සහභාගි වූ අතර ඉන් 42 කටම කුසලතා සම්මාන ප්‍රදානය කෙරුණා.
මෙහිදී සමස්ත අලෙවි නියෝජිත ජාලය නියෝජනය කරමින් 2019 වසරේ හොඳම අලෙවිය සඳහා හය දෙනෙකුට ද වැඩිම අලෙවිය සඳහා හත් දෙනෙකුට ද, නිෂ්පාදන වර්ග පහක් සඳහා හොඳම අලෙවිය සඳහා පහළොස් දෙනෙකුට ද මෙන්තෝල් ටොෆි හොඳම අලෙවිය වෙනුවෙන් තවත් හත් දෙනෙකුට ද ඇතුළුව වසරේ විශිෂ්ටතම අලෙවි නියෝජිතයන් රැසකට සම්මාන හිමි විය.
මීට අමතරව 2019 වසරේ හොඳම අලෙවි කණ්ඩායම හා 2019 වසරේ දෙසැම්බර් මාසයේ හොඳම අලෙවි කණ්ඩායම ද සම්මානයට පාත්‍ර වූ අතර ඒ මයුර මලල්ගොඩ මහතාගේ නායකත්වයෙන් යුත් කණ්ඩායමයි. පාරිභෝගික නිෂ්පාදන රාශියකට දායක වූ සමාගමේ නවතම නිෂ්පාදනයව‍ූ ‘මයිලේඩි’ සන්නාම නාමයෙන් වෙළෙඳපොළ ට ඉදිරිපත් කළ නවතම කොකනට් ඉක්ලෙයාර් (Coconut Éclair) ටොෆි නිෂ්පාදනය වෙළෙඳපොළට හඳුන්වාදීම සිදු කෙරුණේ ඩේන්ටී සභාපති අයාල් ජයතිලක සහ අලෙවි අධ්‍යක්ෂ නිශාන්ත මෙන්ඩිස් යන මහත්වරුන්ගේ ම‍ූලිකත්වයෙනි.
ඩේන්ටී සමාගමේ අලෙවි අධ්‍යක්ෂ නිශාන්ත මෙන්ඩිස් මහතා නවතම නිෂ්පාදනය ගැන අදහස් දක්වමින්, චොකලට් හා දියර කිරි හා කැපූ පොල් (ඩෙසිකේටඩ් කොකනට්) ආශ්‍රිත නිෂ්පාදනයක් වූ කොකනට් ඉක්ලෙයාර් ටොෆිය සම්පූර්ණයෙන් ම දේශීය නිෂ්පාදනයක් වන අතර කැපූ ස්වාභාවික පොල් යොදා ගනිමින් නිෂ්පාදනයක් වෙළෙඳපොළට ඉදිරිපත් කැරෙන ප්‍රථම අවස්ථාව මෙම අවස්ථාව වන බැවින් ශ්‍රී ලාංකික සියලු පාරිභෝගිකයිනට මෙය නැවුම් අත්දැකීමක් වනු ඇති බව සඳහන් කළා.
තරගකාරී වෙළෙඳපොළ තුළ මුල් තැන සිටින ඩේන්ටී ආයතනය ඉකුත් 2019 වර්ෂයේදී රුපියල් බිලියන 2.4 ක ආදායම් ඉලක්කයක් සපුරා ගෙන ඇති අතර ඉදිරි 2020 වසරේදී රුපියල් මිලියන 250 ක අලෙවි ප්‍රවර්ධනය ඇතිකර ගැනීමේ සාර්ථක ඉලක්කයක් කරා ළඟාවීමට සැලසුම් පිළියෙල කර ඇති බව ද ඔහු පැවසුවා.
මෙම අලෙවි කුසලතා සම්මාන ප්‍රදානයට සහකාර අලෙවි කළමනාකාර චාල්ස් ද සිල්වා, නන්දන දිසානායක, පරිපාලන විධායක ජීවන්ත, ප්‍රධාන ගණකාධිකාරි ජගත් ප්‍රනාන්දු, ගිණුම් විධායක චමින්ද හේවාමානගේ, තාක්ෂණ විධායක නිලංග පෙරේරා, නිශාන් නන්දන සහ අලෙවි කළමනාකාර සහකාර මධුෂිකා යන මහත්ම මහත්මීහු ඇතුළු විශාල පිරිසක් සහභාගි වූහ. සන්නිවේදන කටයුතු අලෙවි ප්‍රවර්ධන කළමනාකාර කපිල වීරසිංහ මහතා විසින් සිදු කළ අතර මෙම සම්මාන උලෙළේදී දිවංගත කළමනාකාර අධ්‍යක්ෂ ධම්මික ගුණරත්න මහතාගේ දස වැනි ගුණසමරුව වෙනුවෙන් ඔහුගේ පුත් ගුවන් නියමු රශ්මින් ගුණරත්න මහතා වෙත සිහිවටනයක් ද ප්‍රදානය කිරීමට කටයුතු යොදා තිබුණා.
• ගාමිණී රූපානන්ද
