බුල­ත්සිං­හ­ලත් දැන් ස්මාර්ට් | Page 2 | සිළුමිණ

බුල­ත්සිං­හ­ලත් දැන් ස්මාර්ට්

පාලින්ද නුවර රජ කළ වීදි­ය­බ­ණ්ඩාර රණ ශූරයා දිය­ව­ල­කඩ (දිව­ල­කඩ) සට­නින් පැරද පලා­ය­මින් සිටි­යදී අත­ර­ම­ඟදී හමු වූ පිරි­ස­ක­ගෙන් ‘‘බොලත් සිංහ­ලද’’ යැයි ඇසූ බවත් එතැන් පටන් එම ප්‍රදේ­ශය බුල­ත්සිං­හල වූ බවත් පව­තින ජන­ප්‍ර­වා­ද­යකි.

1964 සිට ආදා­යම් පාලක කොට්ඨා­ස­යක් (ඩීආර්ඕ) වශ­යෙන් පැවති බුල­ත්සිං­හල ප්‍රාදේ­ශීය ලේකම් කොට්ඨා­ස­යක් බවට පත් වී ඇත්තේ 1992 දීය. ඉංගි­රිය, අය­ගම, පාලි­න්ද­නු­වර, අග­ල­වත්ත සහ මදු­රා­වල යන ප්‍රාදේ­ශීය ලේකම් බල ප්‍රදේ­ශ­ව­ලින් මායිම් වී පවතී. වර්ග කි.මි. 212ක භූමි ප්‍රමා­ණ­ය­කින් යුක්ත වේ.

ස්වාභා­වික ආපදා අව­දා­නම් කොට්ඨා­ස­යක් වශ­යෙන් හඳු­නා­ගෙන තිබෙන බුල­ත්සිං­හල ජන­ග­හ­නය 72000ක් පමණ වන අතර සමාන්‍ය පවුල් වශ­යෙන් ගත් විට 17 000 පමණ වේ. ජන­ග­හ­න­යෙන් 8%ක් දෙමළ වන අතර මුස්ලිම් ජන­තාව 2%ක් පමණ වේ.

කළු ගඟේ සහ කුඩා ගඟේ බල­පෑම හේතු­වෙන් වස­ර­කට වරක් ගංව­තුර ආප­දා­ව­කට මුහුණ දීමට නිර­න්ත­රව සූදා­න­මින් සිටින බුල­ත්සිං­හල වැසියෝ මෑතක සිට නාය­යෑම් අව­දා­න­ම­ටද මුහුණ දී සිටිති. ප්‍රදේ­ශයේ ප්‍රධාන ආර්ථික වගාව ලෙස තිබූ රබර් වගාව ඉවත් කර තේ වගා­වට පිවි­සී­මත් ඒ සදහා ඉඩම් සකස් කිරී­මත් නිසා නාය­යෑම් අව­දා­නම ඇති වූවා යැයි වැසියෝ අද­හස් කරති. මේ වන විට නාය­යෑම් අව­දා­න­මට ලක් වී සිටින පවුල් 700ක් පමණ ඉවත් කිරී­මට කට­යුතු කරනු ලැබ ඇත. ජල පෝෂිත ප්‍රදේශ බහුල වුවත් වර්ෂාව අඩු වන කාල­යට පානීය ජල අව­ශ්‍ය­තා­වද පව­තින ගැට­ලු­වකි.

ප්‍රධාන ආර්ථික භෝගය වූ රබර් වගා­වෙන් ඉවත් වූ වැසි­යන් මේ වන විට කුඩා ගෙවතු පවා තේ වගා­වට යොදා­ගෙන තිබීම දැකිය හැකිය. හැම පවුල් ඒක­ක­ය­ක­ටම පාහේ අඩු වශ­යෙන් අක්කර බාග­යක පම­ණ­වත් තේ ඉඩ­මක් හිමි වන අතර මේ නිසා වැඩි දෙනාගේ යහ­පත් ආර්ථික තත්ත්ව­යක් පෙන්නුම් කරයි. 60%කගේ පමණ ආදා­යම් මාර්ගය තේ වගා­වයි.

බුල­ත්සිං­හල ප්‍රදේ­ශීය ලේකම් කොට්ඨා­ශයේ වතු 13කි. දෙමළ ජන­තාව සම්පූර්ණ වශ­යෙන්ම පදිංචි වී සිටින්නේ එම වතු ආශ්‍රී­ත­වය.

එවන් පසු­බි­මක ප්‍රාදේ­ශීය ලේකම් කාර්යා­ල­යෙන් ඉටු වන්නේ මහඟු ජනතා මෙහෙ­යකි. ඒ උපතේ සිට මර­ණය දක්වාම ඔවුන්ගේ අව­ශ්‍යතා සැල­සෙන්නේ එම­ඟින් හෙයිනි. එසේ වුවද විවිධ භූ විස­මතා සහිත පිහි­ටීම් නිසා ගම­නා­ග­මන දුෂ්ක­ර­තා­ව­ලට මුහුණ දෙන ඔවුහු තම අව­ශ්‍යතා සඳහා කාර්යා­ල­යට පැමි­ණියේ අප­හ­සු­වෙනි. එසේ පැමි­ණි­යද තම කාර්ය කර­ගැ­නී­මට වරු ගණන් පෝලි­ම්වල ගත කිරී­මට සිදු විය. එහෙත් බොහෝ විට ඔවුන්ට ආපසු යන්නට සිදු වූයේ තම අව­ශ්‍ය­තාව ඉටු නොවුණ වාතා­ව­ර­ණ­යක් තුළය.

දැනට වස­ර­කට පමණ පෙර බුල­ත්සිං­හල ප්‍රාදේ­ශීය ලේක­ම්ව­රයා වශ­යෙන් පත් වී එන පී.ආර්.ප්‍රසාද් පෙරේරා නම් වූ තරුණ ලේක­ම්ව­ර­යාට ජන­තාව පෝලි­ම්වල රැඳී සිටි­මින් විඳින දුෂ්ක­ර­තාව පිළි­බඳ ඇති වන්නේ නොස­තු­ටකි. දිනෙන් දින දැනුම තාක්ෂ­ණය දියු­ණු­වෙ­මින් පව­තින ලෝක­යක ඒවා නිසි ලෙස භාවි­ත­යට නොගෙන තව­මත් අනු­ග­ම­නය කරන්නේ ප්‍රාථ­මික ක්‍රම නොවේ­දැයි හේ තම­න්ගෙන්ම ප්‍රශ්න කළේය. ඒ සඳහා වැඩ පිළි­වෙ­ළක් සැක­සිය යුතු යැයි ඔහු කල්පනා කළේය.

ප්‍රාදේ­ශීය ලේකම් එම කාර්යා­ලයේ ප්‍රධා­නියා වුවත් ජන­තාව සමඟ ඍජුව කට­යුතු කරන්නේ කාර්යා­ලයේ නිල­ධාරි පිරි­සය. ඒ නිසා මේ කට­යු­ත්තේදී නිල­ධා­රීන්ගේ දාය­ක­ත්වය අත්‍ය­ව­ශ්‍ය­මය. රජයේ කාර්යාල පිළි­බඳ ජන­තාව තුළ පව­තින්නේ නොස­තු­ටකි. රාජ්‍ය නිල­ධා­රින් පිළි­බඳ ජන­තා­වගේ ආක­ල්පද සුබ­වාදී නොවේ. ඒ නිසා ඔහුගේ පළමු පිය­වර වූයේ තම නිල­ධා­රීන්ගේ ආකල්ප වර්ධ­නය කිරී­මය.

ඒ පිළි­බඳ අද­හස් දක්වන ප්‍රාදේ­ශීය ලේකම් ප්‍රසාද් පෙරේරා මහතා

‘‘මම මේ කාර්යා­ල­යට ඇවිත් වස­රක් පමණ වෙනවා. බදදා දව­සට කාර්යා­ලය පිරෙන්න සෙනඟ එනවා. සම­හර අය ආපසු යන්නේ අවශ්‍ය කාර­ණය ඉටු කර­ගෙන නොවෙයි. අපේ නිල­ධා­රි­නුත් පීඩා­වට පත් වෙනවා. බොහෝ අය විවිධ දුෂ්ක­රතා මැද තමයි එන්නේ. වැඩි දෙනෙක් ආපසු යන්නේ සතු­ටෙන් නොවන බව මම නිරී­ක්ෂ­ණය කළා. ඒ සඳහා විධි­මත් වැඩ පිළි­වෙ­ල­කට යා යුතු­යැයි මා තීර­ණය කළා.

සාම්ප්‍ර­දා­යික රාජ­කාරි රටා­ව­කට පුරුදු වී සිටින නිල­ධාරි පිරිස පළ­මු­වෙන්ම ආක­ල්ප­මය වශ­යෙන් වෙනස් කළ යුතුව තිබුණා. ඒ සඳහා විවිධ කණ්ඩා­යම් හැදුවා. වග­කිම් පැව­රුවා. සම­හර විට ටිකක් තදින් ඉන්නත් සිදු වුණා. දැඩි පාල­න­යක් ද කියල නිල­ධා­රින්ට හිතුණ වේලා­ව­ලුත් තියෙන්න ඇති. හැබැයි අද වන විට හැම දෙනාම තේරුම් අරන් තියෙ­නවා ඒ සියල්ල නිවැ­රැදි බව. දැන් හැමෝම සතු­ටින් වැඩ කර­නවා.

බොහෝ ප්‍රශ්න විසඳා ගැනී­මට අයිටී (IT) තාක්ෂ­ණ­යෙන් හැකි බව අපි කල්පනා කළා. අපි ඒ ගැන මුලින්ම කතා කළේ 2019 මාර්තු මාසයේ පැවති E - කවයේ දී. අප්‍රි­යෙල් මාසයේ ඉඳ­ලම ඒක ක්‍රියා­ත්මක කළා. ඒ සඳහා ආය­ත­න­යේම ඉන්න පරි­ග­ණක තාක්ෂ­ණය දන්න අය­ගෙන් වෙනම ඒක­ක­යක් හැදුවා.

පළ­මු­වෙන් අපි අව­ධා­නය යොමු කළේ ආපදා කළ­ම­නා­ක­ර­ණය පැත්ත­ටයි. කළු ගඟ, කුඩා ගඟ සහ නාය යන ප්‍රදේ­ශ­වල ඉන්න අයගේ තොර­තුරු රැස් කළා. කුකුළේ ගඟේ ජල මට්ටම ඉහළ යන විට එසැ­ණින්ම අපි අදාළ ජන­තා­වගේ දුර­ක­තන අංක­ව­ලට එස්එ­ම්එස් එකක් යව­නවා. මෙහිදී අපේ ග්‍රාම නිල­ධා­රින් ඉතා විශාල වැඩ කොට­සක් ඉටු කළා. ඒ ක්‍රමය ඉතා ජන­ප්‍රිය වුණා.

අද සමා­ජයේ 35% වන පිරි­සක් ෆේස්බුක් බල­නවා. එන්න එන්නම ඒ පිරිස වැඩි වෙනවා. ඒ නිසා සති­ය­කට දව­සක් බදාදා දිනයේ සවස 5 සිට 7 දක්වා මම ඍජු­වම ෆේස්බුක් ඔස්සේ පිළි­තුරු දෙන්න අත්හදා බැලී­මක් කළා. ඒ පිළි­බඳ ජනතා ප්‍රති­චා­රය ඉතා යහ­පත්.

දැන් ජන­තාව යම් යම් කාරණා සඳහා කාර්යා­ල­යට ඉල්ලුම් පත්‍ර බාර දීල එතැන රැඳී ඉන්න වුව­මනා නෑ. වැඩේ ඉවර වූ ගමන් එස්එ­ම්එස් එකක් යව­නවා. ඔවුන්ගේ කාල­යත් ඉතිරි වෙනවා. කාර්යාල පෝලි­මත් නැති වෙනවා.

ආදා­යම් සහ­ති­ක­යක් නිකුත් කරන්න ප්‍රාදේ­ශිය ලේකම් තම කාර්යා­ලයේ සිටිය යුතුයි. නමුත් අපි තාක්ෂ­ණය භාවිත කරලා ප්‍රාදේ­ශීය ලේකම් ඉන්න තැනට එය යවලා අනු­මත කර­වා­ගෙන අදාළ නිල­ධා­රියා මඟින් නිකුත් කර­නවා.

ලංකා­වේම උපත්, මරණ සහ­තික දැන් අපි අපේ කාර්යා­ල­යෙන් නිකුත් කර­නවා. කාර්යා­ල­යට එන්න පළ­මු­වෙන් එය ලබා­ගත හැකිද යන්න වයි­බර් ඔස්සේ දැන­ගත හැකි ක්‍රම­යක් ද සකස් කර තියෙ­නවා.

අපේ ෆේස් බුක් පේජ් එක ප්‍රාදේ­ශීය ලේකම් කාර්යා­ල­ව­ලින් වැඩිම ෆලෝ­වර්ස්ලා (Followers) ප්‍රමා­ණ­යක් ඉන්න පේජ් එක බවට පත්වෙලා තියෙ­නවා.

තාක්ෂ­ණය දන්න අයෙ­කුට නම් කිව්ආර් කෝර්ඩ් එකෙ­නුත් අපේ තොර­තුරු දැන­ගත හැකියි. අපේ ලෙටර් හෙඩි­න්ස්වල පවා දැන් කිව්ආර් කෝර්ඩ් එකක් තියෙ­නවා.

මේ ප්‍රදේ­ශයේ වැඩි වශ­යෙන් තියෙන්නේ ඉඩම් ගැට­ලුයි. ඒවාට ජංගම සේවා 35ක් විතර තිබ්බා. විස­ඳී­මට අවු­රුදු 10ක් පමණ ගත ­විය හැකි ඉඩම් ප්‍රශ්න මේ කාලය තුළ විසඳා අව­සන් කළා. අපේ ප්‍රග­තිය සිය­යට 2000යි.

අපි අභ්‍ය­න්තර හරිත සංක­ල්පය යටතේ බල­ශ­ක්තිය, කසළ, ගෙවත්ත යන අංශ කළ­ම­නා­ක­ර­ණය කළා. කාර්යා­ලයේ ගෙවත්තේ මල් පැල­යක් පවා හිට­වන්නේ නිය­මිත ක්‍රම­වේ­ද­ය­කට භූමි සැලැ­ස්ම­කට අනු­වයි.

කසළ ගැනත් එහෙ­මයි. ගෙද­රින් කෑම ගෙනෙන නිල­ධා­රීන් ඉතිරි ඉඳුල් පවා ආපසු ගෙන යනවා. කිසිම උත්සව අව­ස්ථා­ව­ක­වත් කිරි පැකට්, වතුර බෝතල් භාවිත කරන්නේ නෑ. රජ­යත් දැන් ඒ වැඩ පිළි­වෙළ අනු­ග­ම­නය කර­නවා. අපි ඊට මාස 10කට කලින්ම ඒක පට­න්ගත්තා.

එක පැත්තක් පම­ණක් භාවිත කළ කඩ­දා­සි­යක් ඉවත දමන්නෙ නෑ. අනෙක් පැත්ත තවත් වැඩ­කට භාවිත කර­නවා. භාවිත කළ නොහැකි කඩ­දාසි වෙනම එකතු කර කඩ­දාසි සංස්ථා­වට යව­නවා.

සාමාන්‍ය ටියුබ් ලයිට් වෙනු­වට එල්ඊඩී බල්බ් භාවිත කළා. කාර්යා­ලයේ වායු සමී­ක­රණ භාවිත කරන්නේ උදේ 10ත් සවස 2ත් අතර කාලයේ පම­ණයි. අපට තියෙන යහ­පත් පාරි­ස­රික තත්ත්වය යටතේ එය අසීරු දෙයක් නොවෙයි. විදුලි බල්බ­යක් වුණත් දල්වන්නේ එතැ­නට ඒ මොහොතේ අවශ්‍ය නම් පම­ණයි.

විදුලි පංකා කැර­කෙන වේගය අංක 3 තිබු­ණත් අංක 5ට සමාන ප්‍රමා­ණ­වත් වායු ධාරා­වක් ලැබෙන බව අපි නිරී­ක්ෂ­ණය කළා. ඒ අනුව කට­යුතු කළා. 52,000ක්ව තිබූ විදුලි බිල 39, 000ට අඩු කළා.

ප්‍රාදේ­ශීය ලේකම් කාර්යා­ලයේ සේවය ලබා­ගැ­නී­මට පැමිණ සිටි කිහිප දෙනෙක්ද සිළු­මි­ණට අද­හස් පළ කළා.

චන්දන ප්‍රියන්ත (48) - බටේ­ග­ල්ලෙන

‘‘දැනට කාලෙ­කට ඉස්සර ප්‍රාදේ­ශිය ලේකම් කාර්යා­ල­යට වැඩක් කර­ගන්න එනවා නම් දව­සම වෙන් කරලා එන්න ඕනෑ. ඒ ආවත් එදාම කර­ගන්න කොහෙත්ම ලැබෙන්නෙ නෑ. ඒ හින්දා අපට විසඳා ගත යුතුව අත්‍ය­ව­ශ්‍යම ප්‍රශ්න තිබු­ණත් අපි කාර්යා­ල­යට ආවේ නෑ. ඒත් බුල­ත්සිං­හල ප්‍රාදේ­ශීය ලේකම් කාර්යා­ලය අලු­තින් පට­න්ගත් මේ වැඩ­පි­ළි­වෙළ නිසා අවු­රුදු 14ක් තිස්සේ පැවැති මගේ ඉඩ­මක මුල් අයි­තිය පිළි­බඳ ප්‍රශ්න­යක් එක දව­සින් විස­ඳ­ගන්න හැකි වුණා. ගම­ටම ඇවි­ල්ලාම වැඩේ කර දුන්නා. මේ කාර්යා­ලයේ ක්‍රියා­ත්මක කරන ස්මාට් වැඩ­පි­ළි­වෙළ ඒ සඳහා ඉතාම ඉව­හල් වුණා. අපි දැන් ඉන්නේ තාක්ෂ­ණික ලෝක­ය­කයි. එයට අනු­ගත වීම අත්‍ය­ව­ශ්‍යයි. ග්‍රාම නිල­ධා­රි­න්ටත්, සංව­ර්ධන නිල­ධා­රි­න්ටත් දැන් ලොකු පහ­සු­වක් වෙලා.’’

 

පොල්ව­ත්තගේ නන්දා­වතී (67) - ගම්ප­ළ­කන්ද

‘‘මේ ගමේ අයට ඉඩම් ප්‍රශ්න තමයි ගොඩක් තියෙන්නේ. ඒවා විස­ඳ­ගන්න අවශ්‍ය ලිපි ලේඛන මොන­වාද කියල දැන­ග­න්නත් කාර්යා­ල­යට එන්න වෙනවා. ඒක­ටත් දව­සක් ගත වෙනවා. නමුත් මේ කාර්යා­ලයේ අලුත් ස්මාට් වැඩ­පි­ළි­වෙල නිසා ඒ තොර­තුරු එස්එ­ම්එස් එකක් මඟින් දැන­ගත හැකි වෙලා තියෙ­නවා. අපි නම් ඔය තාක්ෂ­ණය ගැන දන්නේ නෑ. ඒ වුනාට අපේ දරු මුනු­පු­රන් ළඟ ඕන තරම් පෝන් තියෙ­නවා. ඒ අය ලවා අපි ඒ පහ­සු­කම ලබා ගන්නවා. අවු­රුදු 45ක් තිස්සේ පදිංචි වී සිටි මගේ ඉඩම නිර­වුල් කර­ගන්න ජංගම සේවය මඟින් හැකි වුණා. ඒ තොර­තුරු හුව­මාරු කර­ගන්න ස්මාට් සේවාව ප්‍රයෝ­ජ­න­වත් වුණා’’

වසන්ත ආරි­ය­වංශ (56) - දෙල්මෑල්ල

‘‘ගෙදර වුව­ම­නා­ව­කට කොස් ගසක් කපා ගන්න ගියාම ඉස්සර සති­ය­කි­න්වත් කර­ගන්න බෑ. මම ගිය සදුඳා උදේ 9.00 ට විතර ඉල්ලුම් කළා. 10.15 ට එස්එ­ම්එස් එක ආවා අනු­ම­තයි කියලා. හිතා­ග­න්න­වත් බැරි කාර්ය­ක්ෂ­ම­තා­වක්. අලුත් තාක්ෂ­ණය රාජ­කා­රි­යට යොදා­ගැ­නීම නිසයි එය සිදු වුණේ. දැන් ඉන්න තරුණ නිල­ධා­රීන් පවා පුදුම සුහ­ද­තා­වක් තියෙ­නවා. ඒ ගැන ගමේ මිනිස්සු වශ­යෙන් අපි හරිම සතු­ට­කින් ඉන්නේ’’

ප්‍රාදේ­ශීය ලේකම් ප්‍රසාද් පෙරේරා මහතා කියන්නේ මේ වැඩ­පි­ළි­වෙළ තම තනි වැඩක් නොවන බවයි.

“සිය­ලුම ගෞර­වය ග්‍රාම නිල­ධා­රින් ප්‍රධාන අපේ නිල­ධා­රීන්ට හිමි විය යුතුයි. ඒ අය ඇත්ත­ටම හොඳයි. ඒ අය තුළ හොඳ හැකි­යා­වන් පව­ති­නවා. ඒ අයව නිවැ­ර­දිව මෙහෙ­ය­වීම පම­ණයි මා කළේ.

අද රාජ්‍ය සේව­යට තාක්ෂ­ණය භාවි­ත­යට ගැනීම ගැන රජ­යෙන් අද­හස් ප්‍රකාශ වෙනවා. අපි මුලින්ම ඒ කඩ­ඉම ජය­ගත්තා නේද කියලා දැන් ඒ අය සතුටු වෙනවා. බුල­ත්සිං­හල ප්‍රාදේ­ශීය ලේකම් කාර්යා­ලයේ අපිට පොඩි ගැම්මක් තියෙ­නවා දැන් අපි යා යුතු තැනට යමින් සිටි­නවා කියා.

‘Nothing Beyond The Innovation- නව්‍ය­ක­ර­ණ­යට වඩා කිසි­වක් නැත’ යන්න දැන් අපේ ආදර්ශ පාඨය බවට පත්වෙලා’’

Comments