රාජ්ය යන්ත්රණයෙහි පවතින කාර්යක්ෂමතාව, ප්රමාදය සහ දූෂණ පිටු දැකීම අරමුණු කරගනිමින් සියලු රාජ්ය ආයතන එකම දත්ත ජාලයකට යොමු කිරීමට ජනපති ගෝඨාභය රාජපක්ෂ මහතා අදාළ නිලධාරීන්ට උපදෙස් දී තිබේ.
ඊ - පාලනයක් (e-governance) මඟින් රාජ්ය සේවා සැලසීම 1919 රාජ්ය තොරතුරු කේන්ද්රය වහාම යාවත්කාලීන කිරීම සහ රාජ්ය සේවයට දක්ෂයන්ගෙන් සැදුම්ලත් නිපුණතා සංචිතයක් ඇති කිරීම එමඟින් අපේක්ෂා කෙරේ.
සේවා ලාභියා, සේවා සපයන්නා ළඟට යනවා වෙනුවට අන්තර්ජාලය මඟින් අදාළ සේවා සහ අනුමැතීන් සපයන ක්රමවේදයක් කඩිනමින් සකසන්නැයි ද ජනාධිපති ගෝඨාභය රාජපක්ෂ මහතා අමාත්යාංශ ලේකම්වරුන් සහ තොරතුරු තාක්ෂණ නිලධාරීන් සමඟ පසුගියදා පැවැති සාකච්ඡාවේදී උපදෙස් ලබා දුන්නේය.
ඒ අනුව සියලු රාජ්ය ආයතන සතු දත්ත ශ්රී ලංකා තොරතුරු හා සන්නිවේදන තාක්ෂණ ආයතනයේ පූර්ණ මැදිහත් වීමෙන් එක් රැස් කෙරේ.
ජනතාවට වඩාත් සමීප සියලු ම රාජ්ය ආයතනවලට ප්රමුඛතාව දෙමින් ජාලගත කිරීම සිදු වේ.
නව ක්රමවේදය මඟින් තාක්ෂණය සහ අන්තර්ජාලය භාවිතයෙන් හැඳුනුම්පත් රියදුරු සහ ගුවන් බලපත්ර, උප්පැන්න විවාහ හා මරණ සහතික ලියාපදිංචි කිරීම සහ රජයේ ඉඩම් ඔප්පු ඇතුළු ක්ෂේත්ර රැසක සේවා කඩිනමින් ඉටුකර ගැනීමට හැකියි.
දත්ත එක් පද්ධතියකට ගැනීමෙන් කාලය අවම කර ආකාර්යක්ෂමතාව සහ දූෂණය වළක්වා ගත හැකි බව ජනාධිපතිවරයා පෙන්වා දුන්නේය. බදු අය කිරීමේ සිට විශ්රාම වැටුප දක්වා වූ ක්ෂේත්ර රැසක ක්රියාකාරකම් ස්වයංක්රීයකරණයෙන් (Automation) ඉටු කර ගැනීමට අවකාශය සැලසීම මෙහි මූලික අපේක්ෂාවයි.
දත්ත ඒක් රැස්ව තිබීමෙන් රටකට බලපාන ප්රධාන තීන්දු තීරණ ගැනීමේදී නිවැරැදි විශ්ලේෂණයක් කළ හැකි බව මෙහිදී ජනාධිපතිවරයා පෙන්වා දුන්නේය.
සාමාන්ය ජනතාව සිය අවශ්යතා ඉටුකර ගැනීමේදී රාජ්ය ආයතනවල සිදුවන ප්රමාදය සම්පූර්ණයෙන් වළකා ගැනීමට ද මින් හැකිවේ. 1919 රාජ්ය තොරතුරු කේන්ද්රය ඔස්සේ ජනතාවට තොරතුරු සන්නිවේදනය යළි සකස් කිරීම කෙරෙහි ද අවධානය යොමු කෙරිණි.
රටේ වේගවත් අභිවෘද්ධියක් වෙනුවෙන් ආයතන රැසක ප්රධානීන් ලෙස විෂයානුබද්ධ විද්වතුන් පත් කර ඇත. ඔවුහු බොහෝ දෙනෙක් වැටුප් රහිතව රට වෙනුවෙන් සේවයට කැප වී සිටිති. ඔවුන්ට රාජ්ය නිලධාරීන් උපරිම සහාය දිය යුතු බව ජනාධිපතිවරයා පෙන්වා දුන්නේය.
කඩිනමින් පණ ගැන්විය යුතු ආයතන රැසක ප්රධානීන් පත් කිරීමේදී අදාළ ක්ෂේත්රයේ දක්ෂතා ඇති අය පිළිබඳ තොරතුරු ගොනුවක් නොතිබීම බාධාවක් යැයි ජනාධිපතිවරයා පැවසීය.
රාජ්ය සේවයේ සිටින දක්ෂයන් ඉතා කඩිනමින් හඳුනාගෙන නිපුණතා සංචිතයක් බිහි කිරීමේ අවශ්යතාව අවධාරණය කෙරිණි. වහාම අදාළ පිරිස් හඳුනාගෙන සංචිතය සඳහා නිර්දේශ යොමු කරන ලෙස ද සියලුම අමාත්යාංශ ලේකම්වරුන්ට උපදෙස් දෙනු ලැබීය.
තොරතුරු තාක්ෂණය සහ සිය ක්ෂේත්රයන්ට අදාළව දේශීය සහ විදේශීය පුහුණුවීම් ලබාදීමට පියවර ගැනීමෙන් දක්ෂ රාජ්ය සේවකයෙක් සහ යහපත් රාජ්ය සේවාවක් නිර්මාණය කළ හැකි බව ජනාධිපතිවරයා පෙන්වා දුන්නේය.
එක්සත් අරාබි එමීර් රාජ්යයේ සංචාරයක් සඳහා පැමිණෙන ලෙස අබුඩාබි එමිරේට්හි ඔටුන්න හිමි කුමරු ෂේක් මොහොමඩ් බින් සයීඩ් අල් නහ්යන් මහතා ජනාධිපති ගෝඨාභය රාජපක්ෂ මහතාට ආරාධනා කර ඇත.
ඔටුන්න හිමි කුමරුගේ උණුසුම් ශුභාශිංසනයට එලෙසින්ම ප්රතිචාර පළ කළ රාජපක්ෂ මහතා ඇරයුම පිළිගත්තේය. මෙය දෙරට අතර අදහස් හුවමාරු කරගැනීමට හා පොදු අභිලාෂ සාකච්ඡා කිරීමට මහඟු අවස්ථාවක් වනු ඇත.
මේ අතර ජනාධිපති ගෝඨාභය රාජපක්ෂ මහතාගේ තිරසාර සංවර්ධන වැඩපිළිවෙළට එක්සත් ජාතීන්ගේ නේවාසික සම්බන්ධීකාරක හැනා සිංගර් මහත්මිය සිය ප්රසාදය පළ කළාය. ජනාධිපති කාර්යාලයේදී ජනාධිපතිවරයාට ඒ බැව් ඇය ප්රකාශ කළාය.
කාලගුණික විපර්යාස, රජයේ ආයතන ඩිජිටල්කරණය, දිළිඳු බව පිටුදැකීම, අතුරුදහන් වූවන් පිළිබඳ ගැටලුව කළමනාකරණය ඇතුළු කරුණු ගණනාවක් මෙහිදී සාකච්ඡා කෙරිණි.
අධ්යාපන ක්ෂේත්රය, තොරතුරු තාක්ෂණ විෂය ප්රවර්ධනය සහ රාජ්ය ආයතන ඩිජිටල්කරණය යන කටයුතුවලදී එක්සත් ජාතීන්ගේ සංවිධානයේ සහාය ලබාදීමට නියෝජිතවරිය මෙහිදී පොරොන්දු වූවාය.
මෙහිදී අතුරුදහන් වූ පුද්ගලයන් පිළිබඳව ගැටලුව කෙරෙහිද අවධානය යොමු කෙරිණි. අදාළ පවුල්වල ජීවනෝපායමාර්ග සංවර්ධනය වෙනුවෙන් ක්රමවේදයක් සකස් කිරීමට සැලසුම් කර ඇති බව ජනාධිපතිවරයා පෙන්වා දුන්නේය.
ජාතික බාලදක්ෂ ව්යාපාරයේ ප්රධාන බාලදක්ෂ පදවිය ශ්රී ලංකා බාලදක්ෂ සංගමය විසින් ජනාධිපති ගෝඨාභය රාජපක්ෂ මහතා වෙත පිරිනමන ලදි. බාලදක්ෂ සංගමයේ ප්රධාන අනුශාසක ධුරය ද ජනාධිපතිවරයාට පිරිනැමීම විශේෂත්වයකි.
රටට වැඩදායක සහ ගුණධර්මවලින් පෝෂණය වූ නිර්මාණාත්මක පුරවැසි පරපුරක් බිහිකිරීම බාලදක්ෂ ව්යාපාරයේ අරමුණ ඉවහල් වන බව ජනාධිපතිවරයා සඳහන් කළේය.
මේ පරමාර්ථය සපුරා ගැනීම සඳහා බාලදක්ෂ ව්යාපාරය සමඟ සහයෝගයෙන් ක්රියාකරන මෙන් අධ්යාපන අමාත්යාංශයට උපදෙස් ලබා දීමට ජනාධිපතිවරයා පියවර ගනු ලැබීය.
ශ්රී ලංකාවේ වත්මන් අධ්යාපන ක්රමය වෙනස් කොට ශිෂ්ය කේන්ද්රීය අධ්යාපන ක්රමයක් ස්ථාපනය කරන බවද ජනාධිපතිවරයා පවසයි. රටට අවශ්ය අභියෝග ජය ගැනීමට හැකි පුරවැසියන් බිහි කළ හැක්කේ එමඟින් පමණක් යැයි ද ඔහු අවධාරණය කළේය.
අද තිබෙන්නේ විභාග කේන්ද්රීය අධ්යාපන ක්රමයක්. එය වහාම ශිෂ්ය කේන්ද්රීය දිශාවට යොමු කළ යුතුයි. බාලදක්ෂ ව්යාපාරය මේ සඳහා දායක කරගන්නා ආකාරය ද ජනාධිපතිවරයා සඳහන් කරයි.
ශ්රී ලංකාව අන්තර්ජාතික දැනුම් කේන්ද්රස්ථානයක් බවට පත් කිරීමේ අරමුණ ඇතිව විදේශීය සිසුන්ට මෙරට විශ්වවිද්යාලවල අධ්යාපනය ලැබීම සඳහා වෙන් කර ඇති ප්රතිශත සීමාව ඇතුළත ගාස්තු අයකර විදේශීය සිසුන් බඳවා ගැනීම ප්රවර්ධනය කිරීමටත් විදේශ රැකියාවල නියුතු ශ්රී ලාංකිකයන්ගේ දරුවන් විදේශීය මුදලින් පාඨමාලා ගාස්තු ගෙවීමේ පදනම මත බඳවා ගැනීමටත් ලෝක විශ්වවිද්යාල ශ්රේණිගත කිරීම අනුව ලොව පිළිගත් විශ්වවිද්යාලවල ශාඛා මෙරට ආරම්භ කිරීමටත් රජය තීරණය කර තිබේ.
ඉකුත් 23 දා කැබිනට් තීරණ මාධ්ය සාකච්ඡාවේදී මෙම තොරතුරු අනාවරණය කෙරිණි. එහිදී තවත් කැබිනට් තීරණ රැසක් පිළිබඳව කැබිනට් මාධ්ය ප්රකාශක ඇමති බන්දුල ගුණවර්ධන මහතා මෙසේ සඳහන් කළේය.
2019/20 මහ කන්නයේ අස්වැන්න නෙළීම මේ වන විට ආරම්භ වී ඇති අතර වී මෙට්රික් ටොන් මිලියන 03ක පමණ අස්වැන්නක් ලැබෙනු ඇතැයි අපේක්ෂා කෙරේ. ප්රතිපත්තියක් ලෙස රජය විසින් සහල් ආනයනය නොකිරීම හේතුවෙන් සහල් මිල තරමක් ඉහළ ගොස් ඇති නමුත් එමඟින් ඇමෙරිකන් එක්සත් ජනපද ඩොලර් මිලියන 100ක පමණ විදේශ විනිමය ඉතිරි කර ගැනීමට හැකි වී ඇත.
එම තත්ත්වය විනිමය අනුපාතය ස්ථාවර වීමට මෙන්ම පොලී අනුපාතය අඩු වීමට ද බලපෑමක් සිදු කර ඇත. ඒ අනුව වී මිල ස්ථාවරව පවත්වාගෙන යාමේ සහ සාධාරණ මිලකට ගොවීන්ගෙන් වී මිල දී ගැනීම සඳහා පෞද්ගලික අංශයේ සහල් මෝල් හිමියන් පෙලඹවීමේ අරමුණින් 2019 /20 මහ කන්නයේ අතිරික්ත වී තොග මිල දී ගැනීම සඳහා රජය මැදිහත් විය යුතු බවට අමාත්ය මණ්ඩලය විසින් තීරණය කරන ලදී.
ඒ අනුව, පහත සඳහන් පියවර නොපමාව ක්රියාත්මක කිරීමට වැඩිදුරටත් තීරණය කරන ලදි.
ප්රමිතියෙන් යුත් (තෙතමනය පිළිබඳ නිර්ණායකයට යටත්ව) වී කිලෝවක් සඳහා රුපියල් 50/- ක අවම සහතික මිලක් නියම කළ අතර තෙතමනය සහිත වී කිලෝවක අවම සහතික මිල රුපියල් 45/- ක් වශයෙන් නියම කිරීමට ද කැබිනට් මණ්ඩලය තීරණය කළහ.
ශ්රී ජයවර්ධනපුර, වයඹ, රුහුණු, කොළඹ, සබරගමුව, පේරාදෙණිය, මොරටුව සහ ශ්රී ලංකා භික්ෂු යන විශ්වවිද්යාලවල යටිතල පහසුකම් සංවර්ධනය කිරීම කඩිනම් කිරීම ද ශ්රී ලංකාව තුළ උසස් අධ්යාපනය සඳහා විදේශ හා නේවාසික නොවන ශ්රී ලංකික සිසුන් ආකර්ෂණය කරගැනීමට වැඩසටහනක් සකස් කරගැනීමට ද කැබිනට් මණ්ඩලය නීති රීති අනුමත කර ඇත.