ශ්රී ලංකාවේ ආර්ථික කටයුතු පහසුවෙන් හැසිරවීම පිණිස බැංකු සඳහා වන නව පනතක් ලබන වර්ෂයේදී බලාත්මක කිරීමට බලාපොරොත්තු වන බව ශ්රී ලංකා මහ බැංකුවේ අධිපති මහාචාර්ය ඩබ්ලිව්.ඒ.ඩී. ලක්ෂ්මන් මහතා ප්රකාශ කළේය. මේ වන විටත් පනත කෙටුම්පත් කිරීම ආරම්භ කර තිබෙන බවද ඔහු කියා සිටියේය.
යෝජිත පනතේ ප්රධාන අංග අතරට බලපත්රලාභි වාණිජ බැංකු සහ බලපත්රලාභි විශේෂිත බැංකු සඳහා එකම ආකාරයේ බැංකු බලපත්රයක් හඳුන්වා දීමත්, බැංකුවල විශාලත්වය හා ඒවායෙහි මෙහෙයුම්වල ස්වභාවය යනාදියට අනුකූලව බැංකු නියාමනයන්හි සමානුපාතිකත්වය ඇති කිරීමත් අන්තර්ගතය.
එමෙන්ම විදේශීය බැංකු ශාඛා ශ්රී ලංකාව තුළ උපසමාගම් ලෙස ලියාපදිංචි කිරීමත්, ඒවාට බාහිර බලපෑම්වලින් සිදු වන බලපෑමෙන් මුදාගැනීමත් සිදු කෙරෙනු ඇත. එසේම බැංකු ශාඛා සහ අනෙකුත් බැංකු ඒකක පිහිටුවීම සඳහා අනුමැතිය ලබාගැනීමේ ක්රියාපටිපාටිය විධිමත් කිරීමත් පාරිභෝගික තැන්පත් ආරක්ෂාව, තැන්පතු රක්ෂණය හා බැංකුවල යහපාලනය ශක්තිමත් කිරීමත් මේ නව පනතින් ශක්තිමත් කෙරෙන බව මහාචාර්යවරයා පෙන්වා දුන්නේය.