රටේ සාමය පවත්වාගැනීම පිණිස පොලීසියට සහාය දීම සඳහා විශේෂ කාර්ය බළකායේ හා ත්රිවිධ හමුදාවේ සහාය ලබා දීමට කටයුතු කිරීමට සූදානම් බව ආරක්ෂක ලේකම් මේජර් ජනරාල් (විශ්රාමික) කමල් ගුණරත්න මහතා පවසයි.
විශේෂයෙන්ම රට පුරා සිදු වන සංවිධානාත්මක අපරාධ මැඬපැවැත්වීම සඳහා විශේෂ උපාය මාර්ග දියත් කිරීමේ වැදගත්කම ඒ මහතා පෙන්වා දෙයි.
ඒ යටතේ පොලීසියට ඇතැම් විට අපහසුතා මතු වන නීතිවිරෝධි ලෙස අනවසරයෙන් ඉඩම් අල්ලාගැනීම, වගුරු බිම් පිරවීම, කප්පම් ගැනීම, සංවිධානාත්මක කණ්ඩායම් විසින් පෞද්ගලික ඉඩම් බලහත්කාරයෙන් අත්පත් කරගැනීම, නීති විරෝධි වැලි ප්රවාහනය සම්බන්ධව දැඩි ක්රියාමාර්ග ගත යුතු බවද ලේකම්වරයා පවසයි. ඒ සඳහා අතිරේක සහාය ලබා දීම සඳහා විශේෂ කාර්ය බළකාය සහ ත්රිවිධ හමුදාව යෙදවිය හැකි බවද ඒ මහතා වැඩබලන පොලිස්පතිවරයා ඇතුළු ජ්යෙෂ්ඨ පොලිස් නිලධාරීන්ට උපදෙස් දී ඇත.