හොරු අල්ලන ඇමැතිවරයා වශයෙන් තමා මුළු මහත් රටම දන්නා බවත්, ඒ සඳහා අවශ්ය සාක්ෂි වශයෙන් සියලු දුරකතන ඇමතුම් පටිගත කර තමා සන්තකයේ තබාගත් බවත් එජාප පා.ම. රන්ජන් රාමනායක මහතා ‘සිළුමිණට’ පැවසීය.
නීතියට සම්බන්ධ පුද්ගලයන්, දේශපාලනයට සම්බන්ධ පුද්ගලයන්, ආරක්ෂක අංශවලට සම්බන්ධ පුද්ගලයන් මෙන්ම දේශපාලනඥයන් සමඟ තමා නිරන්තරයෙන් කතාබස් කරමින් අසාධාරණයට ලක් වූවන්ට සහන සැලසීම වෙනුවෙන් නොයෙක් තොරතුරු එක්රැස් කළ බවද ඒ මහතා සඳහන් කළේය.
කෝප් කමිටුවේ සාමාජිකයකු වශයෙන් තමා බොහෝ කරුණු සොයාගත් බවත්,
රාජ්යතාන්ත්රික මට්ටමේ සිට දුප්පත් සාමාන්ය ජනතාවගේ ගැටලු විසඳීමට තමා අවස්ථාව ගණනාවකදී කටයුතු කළ බවත්, මේ හේතුවෙන් මරණ තර්ජනවලට පවා මුහුණ දීමට සිදු වූ බවත් රන්ජන් රාමනායක මහතා පෙන්වා දෙයි. කුමන බාධක පැමිණියත් තමා දිගින් දිගටම ජනතාව වෙනුවෙන් කැප වී හොරු ඇල්ලීමේ ක්රියාවලිය සිදු කරන බවත්, තමා අත්අඩංගුවට ගැනීම මෙන්ම හඬපට අත්අඩංගුවට ගැනීම සැලසුම්සහගතව සිදු කළ එකක් බවත් හෙතෙම අවධාරණය කරයි.