පරිවර්තන ක්ෂේත්රයේ අතිමහත් ජයග්රහණයක් අත්කරගනිමින් JW.ORG වෙබ් අඩවිය හරහා මේ මාසයේ සිට සිංහල, දෙමළ, හා ශ්රී ලංකා සංඥා භාෂාව ඇතුළු භාෂා 1, 000කට වඩා වැඩි ගණනකින් ලිපි, වීඩියෝ හා වෙනත් තොරතුරු දැන් ඩවුන්ලෝඩ් කරගත හැකියි. මේ පිළිබඳ අදහස් දක්වන JW.ORG ශ්රී ලංකා සංගමයේ මාධ්ය කමිටු සාමාජික සුදත් ප්රනාන්දු මහතා සඳහන් කළේ මෙය සැබවින්ම අතිශය වැදගත් කඩඉමක් බවයි. ‘‘විශේෂයෙන්ම මෙම වෙබ් අඩවිය සඳහා අවශ්ය සියලූ තොරතුරු ලොව පුරා වෙසෙන සාමාජිකයින් විසින් සිදු කරනු ලබන අතර ඔවුන් මේ කටයුත්ත සිදු කරන්නේ ස්වෙච්ඡාවෙන් වීම විශේෂත්වයක්. එමෙන්ම භාෂා විශාල සංඛ්යාවකට පරිවර්තනය වු වෙබ් අඩවියක් පවත්වාගෙන යෑම සැබවින්ම භාරධූර කටයුත්තක්. ලෝකයේ වඩාත් පරිශීලනයක් සහිත විකිපීඩියා සහ ෆේස්බුක් වැනි වෙබ් අඩවි අබිබවාලමින් JW.ORG ඉදිරියට පැමිණීම පිළිබඳ අතිශය සතුටට පත් වෙනවා. විකිපීඩියා සහ ෆේස් බුක් මේ වන විට පිළිවෙළින් භාෂා 280කින් සහ 43කින් පමණ ලබා ගත හැකියි. ශ්රී ලංකාව තුළ JW.ORG වෙබ් අඩවියේ තොරතුරු භාෂා 5කින් සන්නිවේදනය කිරීම අප විසින් අරඹා තිබෙනවා. සිංහල, දෙමළ, ඉංග්රීසි, චීන සහ සංඥා භාෂාව මෙම භාෂා 5 අතරට අයත් වෙනවා. ජනතාව අතරට ගොස් ඔවුගේ හදවතෙහි නොමැකෙන මතක සටහනක් සනිටහනු කිරීමට අප සමත් වී ඇති බවට මෙය මැනවින් සාක්ෂි දරනවා’’.
වත්තල ප්රෙද්ශයේ පිහිටි ශ්රී ලංකා පරිවර්තන කාර්යාලය විසින් සිංහල භාෂාවෙන් වීඩියෝ, පටිගත කළ හා ලිඛිත ප්රකාශන රැසක් පරිවර්තනය කෙරේ.