පසුගිය හතර වැනිදා කොළඹ මරීනෝ හෝටලයේදී පැවැති ජාත්යන්තර කාන්තා ව්යවසායකත්ව සමුළුවේදි (ICSE), මහා පරිමාණ ව්යාපාර කාණ්ඩය යටතේ අංක එකේ ව්යවසායකත්ව කාන්තාව ලෙස ස්ප්රින් ඇන්ඩ් සමර් හැදූ ශ්යාමලි විජේගුණවර්ධන හිමි කරගත්තාය.
ජාත්යන්තර කාන්තා පදනම සමඟ කොළඹ ව්යාපාර කළමනාකරණ පාසල විසින් මෙම අවස්ථාව සංවිධානය කර ඇත්තේ, ව්යාපාර අවස්ථා හඳුනා ගන්නා, ලාභ ලැබීමම මූලිකත්වය සහ අවදානම ගෙන කටයුතු කරන, සමාජ ගැටලුවලට පිළියම් යෙදූ හෝ නව්යකරණයන් හදුන්වාදීමට හැකි කාන්තාවක් හඳුනාගැනීම වෙනුවෙනි. පසුගිය දෙසැම්බර් 03 වැනි දින ආරම්භ කොට දෙදිනක් පුරා පැවැති මෙම සමුළුවට 300 කට අධික පිරිසක් සහභාගි වූ අතර, කාන්තා ව්යවසායකයන්ගේ ජාතික සහ කලාපීය අත්දැකීම් ගවේෂණය කරමින් තිරසාර සංවර්ධන අරමුණු ක්රියාත්මක කිරීමේ ක්රියාවලියේදී වෘත්තිකයන්ට සහ කළමනාකරණ ආයතනවලට අදාළ භූමිකාව තුළ සිදු කළ හැකි සාධකයක් ද හඳුනා ගන්නා ලදී.
සීමාසහිත ස්ප්රින් ඇන්ඩ් සමර් ෆැෂන් කලෙක්ෂන් පුද්ගලික සමාගමේ නිර්මාතෘ ශ්යාමලි විජේගුණවර්ධන මහත්මිය දිනාගත් තම සම්මානය පිළිබඳව සඳහන් කළේ “මෙවැනි සම්මානයකට ඉල්ලුම් කිරීමේ අභිලාෂය වූයේ ශ්රී ලාංකික කාන්තාවන්ගේ සැඟවුණු කුසලතා ඔප් නැංවීම සඳහා ඔවුන් දිරිමත් කිරීමේ කාර්යය මෙයින් සිදුවන බව ඉතා හොඳින් වැටහුණු නිසාය යනුවෙනි.