දේපළ වෙ‍ෙළඳාම් ක්ෂේත්‍රයේ මෙරට ප්‍රමුඛයින් වන ප්‍රයිම් සමූහයේ ප්‍රධානතම සහ සුපිරිතම නිවාස ව්‍යාපෘතිය වන Prime Grand - Ward Place මෙරට විශිෂ්ටතම අධි සුඛෝපභෝගී නිවාස සංකීර්ණය ලෙස තෙවන Asia Property Awards හිදී අභිෂේක ලබයි. මෙම සම්මාන උලෙළ බැංකොක් හි ඇතීනී හෝටලයේදී පසුගිය නොවැම්බර් 22 වනදා පැවැත්විණ. මේ සඳහා ආසියානු පැසිෆික් කලාපයේ දේපළ වෙළදාම් ක්ෂේත්‍රයේ ප්‍රමුඛ ආරාධිතයින් 500කට අධික පිරිසක් සහභාගි වූහ. මෙම සම්මාන උළෙලට සමගාමීව දේපළ වෙළදාම් ක්ෂේත්‍රයේ ප්‍රමුඛයින් සඳහා PropertyGuru Asia Real Estate Summit යනුවෙන් දෙදින සමුළුවක් ද පැවැත්විණ.
සුපිරි ජීවිතයක් ගත කිරීම සඳහා බොහෝ දෙනා අපේක්ෂා කරන කොළඹ 7, වෝඩ් පෙදෙසෙහි අංක 64 දරණ ලිපිනයේ පිහිටි Prime Grand - Ward Place අධි සුඛෝපභෝගි නිවාස ව්‍යාපෘතිය වඩා ගෞරවනීය දිවි පැවැත්මක සංකේතයකි. කොළඹ 7 හි පිහිටි උසම ගොඩනැගිල්ල ලෙස ඉදිවන මෙම නිවාස ව්‍යාපෘතිය 2021 දෙසැම්බර් මාසයේ නිම කිරීමට අපේක්ෂිත ය. මේ වනවිට මෙහි ඉදිකිරීම් සිදුවන අතර එහි 31 වන මහල ඉදිවෙමින් පවතී. Prime Grand - Ward Place හි ඉදිකිරීම් සිදුකරනු ලබන්නේ ප්‍රමුඛතම ශ්‍රී ලාංකික ඉදිකිරීම් සමාගමක් වන MAGA ඉංජිනියරින් සමාගම විසිනි. එම සමාගමෙහි දක්ෂ ඉංජිනේරුවරුන් සහ ඉදිකිරීම් කාර්ය මණ්ඩලයේ කාර්යක්ෂමතාව නිසා අපේක්ෂිත සැලසුම් ගත කාලයට වඩා මාස 3කට පෙර මෙහි ඉදිකිරීම් නිම කෙරෙමින් පවතියි.
