දුම්රිය නියෝජ්ය ගමනාගමන අධිකාරිවරයා ලෙස කටයුතු කළ වජිර එස්. පොල්වත්තගේ මහතා දුම්රිය නියෝජ්ය සාමාන්යාධිකාරි (වාණිජ) ලෙස පත් කර ඇත.
1985 වසරේ සැප්තැම්බර් 1 වැනිදා දුම්රිය උප නියාමකවරයකු ලෙස සේවයට බැඳුණු ඒ මහතා ප්රධාන නියාමකවරයකු ලෙස හා පසුව සහකාර ප්රවාහන අධිකාරි ධුරයට උසස් වීම් ලැබුවේය. ඒ මහතා දුම්රිය නියෝජ්ය වාණිජ අධිකාරිවරයා ලෙසටද උසස්වීම් ලැබූ අතර පසුව නියෝජ්ය ගමනාගමන අධිකාරිවරයා ලෙස පත් විය. කොළඹ ආනන්ද මහා විද්යාලයේ ආදි සිසුවකු වන පොල්වත්තගේ මහතා නියෝජ්ය ගමනාගමන අධිකාරිවරයා ලෙස කටයුතු කරද්දී මඟීන්ගේ ඉල්ලීම් සම්බන්ධව විශේෂ අවධානයක් යොමු කළ අයෙකි. නියාමකවරයකු ලෙස සේවයට බැඳී දුම්රිය නියෝජ්ය සාමාන්යාධිකාරිවරයා ලෙස පත් වූ පළමු නිලධාරියා වන්නේ පොල්වත්තගේ මහතා ය.