ශ්‍රී ලංකාවේ ප්‍රමුඛතම අභ්‍යන්තර අලංකරණ සැලසුම් සකස්කොට ස්ථාපිත කරන සමාගමක් ලෙස සැලකෙන ලීමා ක්‍රියේෂන්ස් පෞද්ගලික සමාගම අඛණ්ඩව දෙවන වරටත් සන්නාම විශිෂ්ටත්වය සඳහා වන ඉහළම සම්මානය, දකුණු ආසියානු ව්‍යාපාරික විශිෂ්ටත්ව සම්මාන උලෙළේදී දිනා ගනු ලැබීය. 2011 වසරේ සිට දේශීය සහ ජාත්‍යන්තර වශයෙන් ලීමා සමාගම සම්මානයට පාත්‍ර වූ 18 වැනි අවස්ථාව මෙය වේ.
2017 වසරේදී ප්‍රථම වරට මෙම සම්මානය දිනාගැනීමත් සමග, බංග්ලාදේශය හා ඉන්දියාව සමග ව්‍යාපාරික කටයුතු ආරම්භ කිරීම සඳහා ලීමා සමාගමට දොරගු‘ විවර විය. දීර්ඝ කාලයක් තිස්සේ පවත්වාගෙන එනු ලබන කීර්තිමත් ව්‍යාපාරික නාමය යටතේ බංගලාදේශයේ තම ව්‍යාපාරික කටයුතු ආරම්භ කිරීම සඳහා මූලික අඩිතාලම දැමීමටත් ඉන්දියාවේ සොලිඩ් සර්ෆේස් ක්ෂේත්‍රයේ ප්‍රමුඛතම සමාගම ලෙස සැලකෙන ඩර්ලැක්ස් සමාගම සමග ඒකාබද්ධ ව්‍යාපාරයක් ආරම්භ කිරීමටත් ලීමා සමාගමට හැකි විය.
දැනට ශ්‍රී ලංකාවේ 9001-2015 තත්ත්ව සහතිකය හිමි එකම අභ්‍යන්තර අලංකරණ සමාගම වන ලීමා සමාගමේ විශේෂත්වය වන්නේ සෑම ව්‍යාපෘතියකම ආරම්භයේ සිට අවසානය දක්වාම වෘත්තීය සහ නිර්මාණශීලී අභ්‍යන්තර අලංකරණ ශිල්පී කණ්ඩායමක් සහ විශේෂඥ තාක්ෂණික කණ්ඩායමක් මගින් පාරිභෝගිකයා වෙත තම සේවාව සැපයීමයි.
