නොද­රු­වෙකු කෙලෙසා 17 වස­ර­කට හිරේ ගිය කිරින්දේ සල්ලා­ලයා | Page 2 | සිළුමිණ

නොද­රු­වෙකු කෙලෙසා 17 වස­ර­කට හිරේ ගිය කිරින්දේ සල්ලා­ලයා

බාල­ය­ව­ස්කාර පිරිමි දරු­වෙකු රවටා ඔහුට ලිංගික අත­වර කළ ලැගු­ම්හල් හිමි­යෙ­කුට හම්බ­න්තොට මහා­ධි­ක­රණ විනි­සුරු තාමර තෙන්න­කෝන් දැඩි දඬු­වම් පැමි­ණවූ පුව­තක් පසු­ගිය 22 දින හම්බ­න්තොට මහා­ධි­ක­ර­ණ­යෙන් වාර්තා විය. ලැගු­ම්හල් හිමියා කාලා­න්ත­ර­යක් තිස්සේ එවැනි අප­රාධ කර­ගෙන ගොස් තිබුණු බව හෙළි විය.

බාල­ව­ය­ස්කාර දරු­වන් ඔහු සිය ලංගික ආශා සපු­රා­ගැ­නී­මට යොදා ගත්තේය. සිය ලැගු­ම්හ­ලට එන විදේ­ශි­ක­යන්ට ද බාල වය­ස්කාර දරු­වන් රවටා විකු­ණීම කර­ගෙන ගියේය. හැම ගහ­ටම කොට කොටා ගියත් කෙසෙල් ගසට කෙටූ දව­සට හොට පැට­ලෙ­නවා යැයි අපේ කිය­ම­නක් තිබේ. මේ ලැගු­ම්හල් හිමි­යාට ද වුණේ එවැ­න්නකි. මේ සට­හන තබන්නේ එවැනි නින්දා සහ­ගත අප­රාධ නැවැ­ත්වීම සඳහා සමාජ පෙල­ඹු­මක් ඇති කර­වීමේ අපේ­ක්ෂා­වෙනි.

මීට වසර 09කට පෙර තිස්ස­ම­හා­රාම කිරින්ද ප්‍රදේ­ශයේ පදිං­චිව සිටි සිතුම් පාසල් යන වයසේ පසු වු බාල­ව­ස්කාර දරු­වෙකි. පුංචි සිතුම් හාම­දාම වාගේ හව­සට කිරින්ද සිය නිවස ආස­න්නයේ වු පිට්ට­නි­යට සිය යහ­ළු­වන් හා ක්‍රීඩා කර­න්නට ගියේය. පිට්ට­නි­යට යාබද පිහි­ටියේ දෙස් විදෙස් පිරිස් වෙත නවා­තැන් සප­යන ලැගු­ම්හ­ලකි. ලැගු­ම්හල් හිමියා ද පිට්ට­නි­යට සෙල්ලම් කිරී­මට පැමි­ණෙන කුඩා දරු­වන් සමඟ ඇයි හොඳ­යි­යක් පව­ත්වා­ගෙන ගියේය. ඒ, ඒ දරු­වන්ට ටොෆි, චොක­ලට් ආදිය ද ලබා දෙමිනි.

ලැගු­ම්හල් හිමියා විටින් විට විවිධ කට­යුතු සඳහා යැයි පව­ස­මින් සෙල්ලම් කරන්න පිට්ට­නි­යට එන කුඩා දරු­වන් සිය ලැගු­ම්හ­ලට රැගෙන ගියේය. අප කළ සොයා බැලී­ම­කදී ගම්මු කීවේ ලැගු­ම්හල් හිමියා කුඩා දරු­වන් රැගෙන යන අයුුරු තමන් දැක ඇති බවය. ලැගු­ම්හ­ලට එන විදේ­ශි­ක­ය­න්ගෙන් මුදල් ලබා­ගෙන ඔවුන්ගේ ලිංගික ආශා සඳහා කුඩා පිරිමි දරු­වන් යොද­වන බව ද ගම්මු අපත් සමඟ කීහ. ඒ හේතුව නිසාම ලැගු­ම්හල දෙසට දරු­වෙකු යන්නේ නම් ඒ පිළි­බඳ ගම්මුන් පසු වුයේ දැඩි විම­සි­ල්ල­කිනි.

වර්ෂ 2010 උදා වූයේය. නව වසර ආර­ම්භ­යත් සමග තිස්ස­ම­හා­රාම, කිරින්ද ඇතුළු අවට ලැගු­ම්හල් ද විදේ­ශි­ක­ය­න්ගෙන් පිරී පැව­තිණි. එදා ජන­වාරි 25 දා ය. සුපු­රුදු පරිදි සිතුම් සිය යහ­ළුන් සමඟ එදින සවස පිට්ට­නි­යට ගියේ බෝල ගස­න්න­ටය. පිට්ට­නියේ සෙල්ලම් කර­න්නට පැමිණි දරු­වන් දෙස ලැගු­ම්හල් හිමියා උකුසු ඇස් ලා සිටියේ කාටත් හොරාය. ටික වේලා­වක් සෙල්ලම් කර­මින් සිටි ළමයි එකා දෙන්නා සිය නිවෙ­ස්ව­ලට යන්නට ගියහ. සිතුම් සහ තවත් කීප දෙනෙක් ඒ වන විටත් පිට්ට­නියේ වූහ. එම අව­ස්ථාවේ පිට්ට­නිය අස­ලට පැමිණි ලැගු­ම්හල් හිමියා සිතුම්ට තමන් අස­ලට එන ලෙස හිසින් සංඥා කළේය. කිසි­වක් නොදත් කොලු පැටියා වැඩි­හි­ටියා සිටි දෙසට දිව ගියේය.

“ දරුවෝ පොඩි වැඩක් තියෙ­නවා... එන්නකෝ පොඩි උද­ව්වක් දෙන්න...” ලැගු­ම්හල් හිමියා පුංචි සිතුම් සිය ලැගු­ම්හ­ලට රැගෙන ගියේය. ඒ සියල්ල අස­ල්වැසි කාන්තා­වක් බලා සිටි­යාය. ඒ වග නොදත් ලැගු­ම්හල් හිමියා සිතුම් ලැගු­ම්හල තුළට රැගෙන ගියේය.

අස­ල්වැසි කාන්තාව ද නිකම් හිටියේ නැත. ඇය වහා ඒ පිළි­බඳ සිතුම්ගේ මවට කිය­න්නට සිතුම්ගේ නිව­සට ගියේය. “නංගි අන්න හෝටල් කාරයා උඹේ දරුවා එක්ක­ගෙන ගියා දැක්කා. ඉක්ම­න­ටම ගිහින් බල­පන්“ යැයි ඇය පැව­සු­වාය.

ඒ සමඟ ලැගු­ම්හල දෙසට සිතුම්ගේ මව දිව­ගි­යාය. ඒ යන විට සිතුම් ලැගු­ම්හ­ලෙන් පිට­තට පැමි­ණෙ­මින් සිටි­යේය.

“කොහේද උඹ ගියේ... මොකද වුණේ. කිය­පිය ඇත්ත”

කිය­න්න­ටත් බැරි, නොකි­යත් බැරි අහ­න්න­ටත් බැරි යමක් ඒ වන විටත් සිතුම්ට සිදු වී හමා­රය. මවගේ ප්‍රශ්න වැල හමුවේ නිරු­ත්තර වු සිතුම් බිම බලා­ගෙන අම්මා වැලඳ ගත්තා විනා කිසි­වක් කීවේ නැත. දරුවා රැගෙන නිව­සට පැමිණි සිතුම්ගේ අම්මා නැව­තත් දරුවා ළඟට ගෙන සිදු වුයේ කුම­ක්දැයි විමසු විට දරුවා එකක් නෑර සිදු වු සිය­ලුම දෑ මවට පැව­සුවේ තමන්ට සිදු වු දේ පිළි­බඳ කිසිදු බරක්-පත­ලක් නොදැ­නය.

“මට හෝටලේ මාමා කිව්වා තව මන් වගේ අය ඉන්නවා නම් එක්ක­ගෙන එන්න කියලා. සල්ලියි කෑමයි දීලා සල­ක­නවා කිය­ලත් කිව්වා.” යැයි දරුවා මවට පැව­සීය. දරුවා කිය­මින් සිටියේ අම්මා කෙනෙ­කුට අසා සිටිය නොහැකි තරමේ කතා­වකි. අම්මා සිතුම් දෑතින් අල්ලා වැලඳ ගත්තාය. ඉන් නොනැ­ව­තුණු සිතුම්ගේ අම්මා සිතුම් ද රැගෙන කෙළින්ම ගියේ තිස්ස­ම­හා­රාම පොලී­සි­ය­ටය.

පොලී­සි­යට ගිය සිතුම්ගේ අම්මා හඬ­මින්ම ස්ථානා­ධි­ප­ති­ව­ර­යාව ඇම­තු­වාය.

“අනේ මහ­ත්තයෝ... අර හෝට­ල්කා­රයා මගේ දරු­වට ලිංගික අත­වර කරලා. පැමි­ණි­ල්ලක් දම­න්නයි ආවේ...”. පොලිස් නිල­ධා­රීහු සාව­ධාන වූහ.

තිස්ස­ම­හා­රාම පොලි­සිය පැමි­ණිල්ල සට­හන් කර­ගැ­නී­මෙන් පසු සැක­කාර ලැගු­ම්හල් හිමියා අත්අ­ඩං­ගු­වට ගෙන තිස්ස­ම­හා­රාම මහේ­ස්ත්‍රාත් අධි­ක­ර­ණ­යට ඉදි­රි­පත් කිරී­මට පිය­වර ගත්තේය. ඉන් පසු සැක­ක­රුට එරෙ­හිව පැවති මුලික නඩු විභා­ග­යෙන් පසු නිති­පති වරයා විසින් සැක­ක­රුට එරෙහි හම්බ­න්තොට මහා­ධි­ක­ර­ණය හමුවේ අධි චෝදනා 04ක් යටතේ නඩු පව­රන ලදි. ඒ අනුව පැවති නඩු විභා­ගය අව­සා­නයේ සැක­කාර ලැගු­ම්හල් හිමියා චෝදනා හත­රෙන් චෝදනා දෙක­කට වැර­දි­කරු බවට ඔප්පු විය. පසු­ගිය 22 වන දින හම්බ­න්තොට මහා­ධි­ක­ර­ණය හමුවේ නඩුව කැඳ­විණි. ඒ සැක­කාර ලැගු­ම්හල් හිමි­යාට දඬු­වම් පැමි­ණ­වීම සඳ­හාය.

එහිදී සැක­කාර ලැගු­ම්හල් හිමියා වෙනු­වෙන් පෙනී සිටි නීතිඥ තැන සැක­ක­රුට දඬු­වම් පැමි­ණ­වී­මට මත්තෙන් අධි­ක­ර­ණය හමුවේ කරුණු ගෙන­හැර දැක්වීම සිදු කළේය. නීති­ප­ති­ව­රයා වෙනු­වෙන් පෙනී සිටි රජයේ අධි­නී­තීඥ ගයාන් පෙරේරා අධි­ක­ර­ණය හමුවේ කරුණු දැක්වීය. එහිදී අධි­නී­තීඥ ගයාන් පෙරේරා පැව­සුවේ එම සිදු වීම කිසි­සේත් සුළු කොට තැකිය හැකි කාර­ණ­යක් නොවන බවත්, සමා­ජයේ තවත් මෙවැනි සිදු­වීම් ඇති නොව­න්නට සැක­ක­රුට උප­රිම දඬු­වම් පැමි­ණ­විය යුතු බවත්ය.

ඉදි­රි­පත් වු සිය­ලුම කරුණු කාරණා සැල­කි­ල්ල­ට­ගත් හම්බ­න්තොට මහා­ධි­ක­රණ විනි­සුරු තාමර තෙන්න­කෝන් සැක­ක­රුට දඬු­වම් නියම කළේ අධි­ක­රණ ශාලාවේ වාඩි වී සිටි සැක­ක­රුගේ ඥාතීන් හඬා වැටෙ­මින් සිටි­ය­දීම ය.

සැක­ක­රුට එරෙ­හිව නඟා තිබු චෝදනා 4න් දෙක­කට සැක­කරු නිවැ­ර­දි­කරු බව ප්‍රකාශ කළ මහා­ධි­ක­රණ විනි­සු­රු­ව­රයා චෝදනා දෙක­කට සැක­කරු වැර­දි­කරු බව ප්‍රකාශ කෙළේය. ඒ අනුව සැක­කරු පළමු චෝද­නාව සඳහා වැර­දි­කරු බවට ප්‍රකාශ කළ මහා­ධි­ක­රණ විනි­සු­රු­ව­රයා එම චෝද­නා­වට වසර දෙකක බර­ප­තළ වැඩ ඇතිව සිර දඬු­ව­මක් සහ රුපි­යල් 25000/=ක දඩ මුද­ලක් නියම කළේය. දඩ මුදල නොගෙ­වන්නේ නම් සැක­ක­රුට තවත් වසර දෙකක සිර දඬු­ව­මක් ද නියම කෙරිණි.

දෙවන චෝද­නාව සඳහා ද සැක­කරු වැර­ද­කරු වීම හේතු­වෙන් වසර 15ක බර­ප­තළ වැඩ ඇතිව සිර දඩු­ව­මක් නියම කෙරුණි. ඊට අම­ත­රව රුපි­යල් 50,000/=ක දඩ මුද­ලක් ද නියම කරන ලදි. රුපි­යල් 50,000ක දඩ මුදල නොගෙ­වන්නේ නම් නියම කෙරුණු දඬු­ව­මට අම­ත­රව තවත් වසර 05ක සිර දඩු­ව­මක් ද නියම විණි.

එමෙන්ම අග­ති­යට පත් වු බාල­ව­ය­ස්කාර පිරිමි දරු­වාට රුපි­යල් ලක්ෂ 10ක වන්දි මුද­ලක් ගෙවන ලෙසට ද විනි­සු­රු­ව­රයා වැර­දි­ක­රුට නියෝග කළේය. එම වන්දි මුදල නොගෙ­වන්නේ නම් තවත් වසර 05ක සිර දඬු­ව­මක් ද නියම විය. චුදි­තගේ වසර 17ක් වු දඬු­වම් කාලය ගෙවා දැමී­මෙන් පසු සැක­කරු බන්ධ­නා­ගා­රය මඟින් මුදා හැරිය යුත්තේ සැක­කරු අදාළ වන්දි මුදල් සහ දඩ මුදල් ගෙවා ඇති ද යන්න පිළි­බ­ඳව හම්බ­න්තොට මහා­ධි­ක­රණ රෙජි­ස්ටාර් වරි­ය­ගෙන් තහ­වුරු කර­ගැ­නී­මෙන් පසුව බවට ද මහා­ධි­ක­රණ විනි­සු­රු­ව­රයා බන්ධ­නා­ගාර නිල­ධා­රින්ට නියෝග කළේය. එලෙස දඩ වන්දි සහ සිර දඬු­වම් නියම වූයේ තිස්ස­ම­හා­රාම කිරින්ද ප්‍රදේ­ශයේ පදිංචි වීර­ක්කො­ඩිගේ ප්‍රසන්න නැමති 45 හැවි­රිදි තිදරු පියෙ­කු­ටය.

පැමි­ණිල්ල වෙනු­වෙන් රජයේ අධි­නි­තීඥ ගයාන් පෙරේරා සමඟ තිස්ස­ම­හා­රාම පොලී­සියේ කොස්තා­පල් සඳ­රු­වන් පෙනී සියේය.

අනුන්ගේ දරු­වන් පම­ණක් නොව තම­න්ගේම දරුවා වුව ද සිය කාමා­ශාව සංසි­ඳු­වා­ගැ­නී­මට යොදා­ගන්නා මිනිස්සු වෙති. සමා­ජය සාර­ධර්ම අතින් අගා­ධ­ය­කට වැටෙ­මින් තිබේ. මේ නඩු තීන්දුව සමාජ ප්‍රති­සං­ස්ක­ර­ණ­යක් වෙනු­වෙන් නීති­යෙන් ලබා­දුන් අති­ශය වැද­ගත් තීන්දු­වකි. එහෙත් මේ තීන්දුව ලැබෙන්නේ අප­රා­ධය සිදු වී වසර දහ­ය­කට ආසන්න කාල­යක් ගත­වී­මෙන් අන­තු­රු­වය. එදා ඒ අපා­චා­ර­යට ලක් වූ දරුවා මේ වන විට යෞව­න­යෙකි.

මේ යථා­ර්ථය තේරු­ම්ගැ­නීම වැද­ගත්ය. සමස්ත නීති පද්ධ­ති­යේම ප්‍රායෝ­ගික ප්‍රති­සං­ස්ක­ර­ණ­යක අව­ශ්‍ය­තාව රටට අවශ්‍ය බව මේ නඩු­වල යටි­පෙළ හරහා ප්‍රකාශ වනු පෙනේ.

Comments