ජාති­වාදී නියෝ­ජ­න­යට මූලි­කම හේතුව මැති­ව­රණ ක්‍රම­යයි | Page 2 | සිළුමිණ

ජාති­වාදී නියෝ­ජ­න­යට මූලි­කම හේතුව මැති­ව­රණ ක්‍රම­යයි

මෙරට හත්වෙනි ජනා­ධි­පති පත්කි­රීමේ ඡන්දය නිමා­වට පත්වී දින කිහි­ප­යක් ගතවී ඇතත් තව­මත් ඒ ඡන්ද උණු­සුම ජන­තාව තුළින් පහව ගොස් නැති බව ඉතාම පැහැ­දිලි කරු­ණක්. ජනා­ධි­ප­ති­ව­ර­යකු පත් වී ඉතා කෙටි කාල සීමා­වක් තුළ මේ රටේ අති විශාල දේශ­පා­ලන, ආර්ථික, සමා­ජීය හා ආග­මික යන සියලු ක්ෂෙත්‍ර­යන්හි විශාල පරි­ව­ර්ත­න­යක් කිරීම ජනාධිපතිවරයාට පක්ෂ විපක්ෂ සිය­ලුම ජන­තාව තුළ අති­වි­ශාල ප්‍රසා­ද­ය­කට ලක්වී­මට කරු­ණක් විය.

මේ වෙන­සට තුඩු­දෙන ජනා­ධි­පති මැති­ව­ර­ණය සම්බ­න්ධ­යෙන් නැවත විෂ්ලේ­ෂ­ණය කළ­හොත් විස්මිත සහ­ගත කරු­ණක් සම්බ­න්ධ­යෙන් මෙහිදී අව­ධා­නය යොමු කළ ­හැ­ක. ඒ කුමක් ද යත් සිංහල ජන­තා­වගේ අති­ම­හත් ජන­තා­වක් එකම ස්ථාන­ය­කට පැමිණ සාකච්ජා කිරී­ම­කින් අන­තු­රුව තම ඡන්ද අයි­තිය පාවිච්චි කළාද යන්න තරම් විස්මිත ආකා­ර­යෙන් එකම පුද්ග­ල­යෙකු වෙනු­වෙන් ඡන්දය පාවිච්චි කර­ති­යෙ­නවා.

මෙය රටේ වෙසෙන සිංහල ජන­තා­ව­ගෙන් අති මහත් බහු­ත­රය එක් ස්ථාන­ය­කට පැමිණ තීර­ණය කර ගෝඨා­භය මහ­තාට ජන්දය දුන්නා හා සමා­නයි. ඇයි මම එවැනි සඳ­හ­නක් කළේ කියලා පැහැ­දිලි කළ­හොත්; මෙහිදි අපි සිංහල ජන­තාව කියන්නේ කවුද කියලා හඳු­නා­ගත යුතුයි. ඒ, මේ ර‍ටේ වෙසෙන සිංහල බෞද්ධ­යන් සහ ‍බෞද්ධ නොවන අනෙ­කුත් ජන­තා­වයි. හුඟ­දෙ­නෙක් මේ ප්‍රශ්නය වැරදි විදි­හට අර්ථ­ක­ථ­නය කර­නවා 69 ලක්ෂ­ය­කට අධික ඡන්ද ප්‍රමා­ණ­යක් ඡන්ද ප්‍රමා­ණ­යක් ලැබී තිබුණා.

එය සිංහල බෞද්ධ ඡන්ද කියලා පම­ණක් අර්ථ කථ­නය දැක්වීම වැර­දියි. බෞද්ධ නොවන සිංහ­ල­යන්ගේ අති බහු­ත­ර­යත් ජන්දය ලබා දීලා තියෙන්නේ ගෝඨා­භය රාජ­පක්ෂ මහ­තාට. ‍බෞද්ධ නොවන සිංහ­ල­යන් බහු­ත­රය ඉන්න වෙන්න­ප්පුව, නාත්ත­ණ්ඩිය, හලා­වත, කටාන, ජාඇල, වත්තල සහ මීග­මුව වැනි ආසන සලකා බලද්දි වත්තල සහ මීග­මුව ආස­න­ව­ලදි සිංහ­ල­යන් බහු­ත­ර­යක් හිටි­යත් සිය­යට 30%කට අධික ව සිංහල නොවන ජන්ද දාය­ක­ය­නුත් ඉන්නවා. ඒ නිසා ඒ ආසන දෙක හා තවත් ක්‍රිස්ති­යානි කතෝ­ලික ඡන්ද එකතු කළාම සිංහ­ල­යන් වැඩි ආස­න­යක් වන දෙහි­වල ආස­නය එජා­ප­යට ජය­ග්‍ර­හ­ණය කර­න්නට හැකිවී තිබුණා.

කෙසේ වෙතත් ද්‍රවිඩ සහ මුස්ලිම් ජන­තාව එකතු කළ විට සිය­යට තිස්ප­හක් පමණ ඉන්නවා. සම­ස්ත­යක් ලෙස සලකා බැලු­වාම ආගම නොබලා අති­ම­හත් බහු­ත­රය ඡන්දය ලබා­දිලා තිය­නවා. එය තව­දු­ර­ටත් ඔප්පු කර­න්නට පුළු­වන්, එජාප අපේ­ක්ෂ­කයා ජය­ගත් ප්‍රාදේ­ශීය ආසන කිහි­ප­යක් සලකා බැලි­මේදී. ගාල්ල ආස­නය එජාප ඡන්ද ඉතා සුළු ප්‍රමා­ණ­ය­කින් ජය­ගත්තා. කවු­රුත් දන්නා කාර­ණ­යක් තමයි, ගාල්ල ආස­නයේ 35% මුස්ලිම් ඡන්ද තිබෙ­නවා. වයඹ පළා­තෙන් මාව­නැල්ල ආස­නය සලකා බැලී­මේදි 30% පමණ ඉන්නේ මුස්ලිම් ජන­තාව.

වයඹ පළාතේ ජය­ගත් එකම අාස­නය වන්නේ පුත්ත­ලම. එහි­දීත් වැඩි 50% ඉන්නේ මුස්ලිම් ජන­තාව. අනෙ­කුත් පළා­ත්වල එජා­පය ජය­ගත් ආසන සලකා බැලු­ව­හොත් සිංහල ජන­තාව බහු­ත­ර­යක් සිටි­නවා. සිංහල නොවන ජන­තාව සිටින විශාල ආසන සංඛා­ව­කින් සජිත් ප්‍රේම­දාස මහතා ජය­ගත්තා. ගම්පොල, නාව­ල­පි­ටිය, උඩු­නු­වර, මහා නුවර, නුවර එළිය යන ආසන කිහි­ප­යත් ජය­ගත්තා. ඒව­ගේම මධ්‍යම කදු­ක­රයේ විශේ­ෂ­යෙන් මධ්‍යම පළාතේ සහ ඌව පළාතේ; එයි­නුත් නුව­ර­එ­ළිය දිස්ත්‍රි­ක්කයේ ඉන්දි­යානු සම්භ­ව­ය­කින් යුතු දෙමළ ජන­තාව බහු­ර­යක් සිටි­නවා. එහිදී නුව­ර­එ­ළිය ජය­ගත්තේ සජිත් ප්‍රේම­දාස මහතා.

ඒව­ගේම කොළඹ නග­රයේ ඇතැම් ආසන කිහි­ප­ය­කුත් එජා­පය ජය­ගත්තා. සම­ස්ත­යක් ලෙස ගත්තාම කොළඹ නග­රයේ සිංහ­ල­යන් සිය­යට 30% වඩා නැහැ. මේ සියලු ආස­න­වල සම­ස්ත­යක් ගත්තොත් සිංහ­ල­යන් 75 %වඩා අඩුයි. මේ සෑම ප්‍රදේ­ශ­යක ම 75% වඩා සිංහ­ලයො ඉන්න කිසිම ආස­න­යක් එජාප ජය­ගත්තේ නැහැ .මෙය හොඳ ප්‍රව­ණ­තා­වක් කියලා මම කිසි­සේත් කියන්නේ නැහැ . රටේ ඉදි­රිය ගැන මෙන්ම ජාතික සම­ඟිය, දෙස බැලු­වත් කුමන ආකා­ර­ය­කි­න්වත් මෙය හොඳ ප්‍රව­ණ­තා­වක් කියලා කිය­න්නට අමා­රුයි. ජාතීන් ලෙස බෙදී වෙන්වී ඡන්දය දීම කිසි­සේත්ම සතුටු විය හැකි කරු­ණක් නොවෙයි.

පෞද්ග­ලි­කව මේ තත්ත්වය පිළි­බඳ ව මගේ ප්‍රසා­ද­යක් නොමැති වීමට හේතුව, ජනා­ධි­පති ඡන්ද­යේදි ප්‍රධාන අපේ­ක්ෂ­ක­යන් දෙදෙ­නාම සිංහල අපේ­ක්ෂ­ක­යෝ‍ ­දෙ­දෙ­නෙක් වීම. නමුත් ඒ දෙදෙනා අතර තර­ගය පැවැ­ති­යත් ප්‍රව­ණ­තාව අනුව ඡන්දය ලබාදී ඇති ආකා­ර­යට උතුරු නැගෙ­න­හිර පළාත් දෙකින් නැගෙ­න­හිර පළාතේ සිංහ­ල­යන් ඉන්න පළාත් දෙකක් තියෙ­නවා. ඒ දෙකම එනම් සේරු­වා­විල සහ දිගා­ම­ඩුල්ල දිස්ත්‍රික්ක ගෝඨා­භය මහ­තාට හිමි­වුණා. එහි සිංහ­ල­යන් වැඩි­යෙන් සිටි­නවා. ත්‍රිකු­ණා­මල ආස­නයේ සිංහ­ල­යන් සිටි­නවා. ඒ ආස­නයේ ඡන්දය දෙපා­ර්ශ්ව­යට ම බෙදී තිබුණා.

පොතු­විල් පානම ආස­නය තුළත් 15% පමණ ඉන්නේ සිංහල ජන­තාව; බහු­ත­රය දෙමළ ජන­තා­වයි සිටි‍න්නේ. දස­ද­හ­ස­කට අධික සංඛ්‍යා­වක් සිංහල ඡන්ද තිබු­ණත්; ද්‍රවිඩ සහ මුස්ලිම් ඡන්ද අති­වි­ශාල ප්‍රති­ශ­ත­යක් තිබෙ­නවා. එහිදී ඡන්ද දස­ද­හ­සින් 90% පමණ ඡන්දය ලබා­දුන්නේ ගෝඨා­භාය මහ­තාට. නමුත් එහිදී දෙමළ, මුස්ලිම් ඡන්ද ඉතා සුළු පිරි­සයි එතු­මාට ලැබුණේ. නමුත් මෙහිදී සමා­ජ­ගත වුණ තවත් මිත්‍යා­වක් තියෙ­නවා; උතුරු නැගෙ­න­හිර ‍සියලු­දෙනා ම ගෝඨා­භය මහ­තාව ප්‍රති­ක්ෂේප කළා කියලා. එය මා දකින්නේ වැරදි මත­වා­ද­යක් කියලා.

උතුරු නැගෙ­න­හිර වුවත් ත්‍රිකු­ණා­ම­ලය දිස්ත්‍රි­ක්කය, දිගා­ම­ඩුල්ල, අම්පාර දිස්ත්‍රි­ක්කය පොතු­විල් ආස­නය ඒ මහතා ජය­ගත්තා. උතුරු පළාතේ සියලු ආස­න­ව­ලත් නැගෙ­න­හිර පළාතේ සිය­යට 5% සිට 15% ක් පමණ ප්‍රමා­ණ­ය­කුත් ඡන්දය දිලා තිය­නවා ගෝඨා­භය මහ­තාට. උදා­හ­ර­ණ­යක් ලෙස කයිට්ස් 40% පමණ ඡන්ද ලබා දි තිය­නවා කෙසේ හෝ උතුරු නැගෙ­න­හිර දෙමළ සහ මුස්ලිම් ජන­තාව එයින් අති­ම­හත් බහු­ත­රය සජිත් ප්‍රේමදාස මහ­තාට ඡන්දය ලබා දි තියෙ­නවා මෙයින් පෙනි­ය­නවා උතුරු නැගෙ­න­හිර හැරුණ කොට සජිත් ප්‍රේම­දාස මහතා ජය­ගත් ආසන වන්නේ නුවර එළිය දිස්ත්‍රි­ක්කය. ආසන 16ක් ජය ගත්තේ ගෝඨා­භය මහතා;ඒ ‍නුවර­එ­ළිය සහ උතුරු පළාතේ දිස්ත්‍රික්ක දෙකයි නැගෙනහිර දිස්ත්‍රික්ක දෙකයි.

සජිත් ප්‍රේම­දාස මහතා මෙහිදි තව­දු­ර­ටත් මතක් කළ­යුතු කාර­ණා­වක් වන්නේ මහ­නු­වර දිස්ත්‍රි­ක්කයේ මාතලේ දිස්ත්‍රි­ක්කය, බදුල්ල දිස්ත්‍රි­ක්කය, සබ­ර­ග­මුව, කෑගල්ල, රත්න­පුර දිස්ත්‍රි­ක්ක­යත් දකුණු පළාතේ මාතර වැනි දිස්ත්‍රි­ක්ක­ව­ලත් ඉන්දිා­යානු සම්භ­ව­ය­කින් යුතු දෙමළ ජන­තාව ඉන්නවා. ඒ අයගේ බහු­තර ඡන්ද සංඛ්‍යා­වක් ලැබෙන්නේ පැහැ­දිලි ලෙසම සජිත් ප්‍රේම­දාස මහ­තාට. නමුත් ආසන වශ­යෙන් දිනා­ගැ­නී­මට අප­හසු අවස්ථා රැසක් තිබුණා. ගාල්ල දිස්ත්‍රි­ක්කයේ ගාල්ල මැති­ව­රණ බල­ප්‍ර­දේ­ශය ජය­ග්‍ර­හ­ණය කළේ මුස්ලිම් ඡන්ද ප්‍රති­ශ­තය වඩා වැඩි නිසා. බහු­ත­ර­යක් එකම තැන­කට පැමිණ ඡන්දය ලබා දුන්නේ ගෝඨා­භය මහ­තාට කියන මතය සනාථ කිරීම සඳ­හායි මා මේ කරුණු පැහැ­දිලි කිරීම සිදු කළේ.

ඉන් අන­තු­රුව අපි සලකා බලමු සුළු ජාතින් ගෙන් ඡන්ද ප්‍රමා­ණය ලැබෙන්නේ ඉතා සුළු ප්‍රමා­ණ­යක් වීමත් එහිම අනෙක් පැත්ත වන සජිත් ප්‍රේම­දාස මහතා සිංහල ජාතිය නියෝ­ජ­නය කරන අපේ­ක්ෂ­ක­යෙකු වුවත් බහු­තර මුස්ලිම් සහ දෙමළ ජන්ද ප්‍රති­ශ­ත­යක් ලැබෙන්නේ එතු­මාට වීමත් ගැන. උතුරු නැගෙ­න­හිර පම­ණක් නොවෙයි කොළඹ නග­රය පම­ණක් නොවෙයි; මීග­මුව, වත්තල, ගාල්ල, මාව­නැල්ල ඡන්ද නිසයි ඔහු ජය­ගත්තේ. මේ ප්‍රව­ණ­තා­වට අපි කැමැති වුවත් නැතත් එයයි සිදු­වුණේ. නමුත් මෙය සිදු නොවිය යුතු තත්ත්වක්. සතු­ටු­විය යුතු ‍ප්‍රවණ­තා­ව­ක් නොවෙයි. මෙයින් උග­ත­යුතු පාඩම් රැසක් තිබෙ­නවා. අව­සාන ප්‍රති­ඵ­ලය ලෙස සිංහල ජන­තාව බහු­ත­ර­ය­කගේ ඡන්ද­යෙන් ගෝඨා­භය මහතා ජය­ග්‍ර­හ­ණය කිරී­මෙන් අන­තු­රුව ජනා­ධි­ප­ති­ව­ර­ණය අව­සන් වුණා.

මීළ­ඟට පැමි­ණෙන්නේ මහ මැති­ව­ර­ණ­යයි. පාර්ලි­මේන්තු මැති­ව­ර­ණය ලබන වසරේ මැයි මාසය පමණ වන­විට පැවැ­ත්වී­මට නිය­මි­තයි. එතැ­න­දිත් ඡන්ද­යේදි මේ ප්‍රව­ණ­තාව සිදු­වු­ව­හොත් කුමක්ද සිදු­වන්නේ කියන කාර­ණාව පිළි­බ­ඳව අපි අව­ධා­නය යොමු­කළ යුතුයි. දිස්ත්‍රික්ක දහ­ස­ය­කම බෝනස් ආස­නය පොදු ජන පෙර­මුණ පක්ෂ­යට ලැබෙන බවට විවා­ද­යක් නැහැ. මේ වන විට දිස්ත්‍රික් දහ­ස­යක් ජය­ග්‍ර­හ­ණය කරලා ඒවන විට සිදු­වන ප්‍රව­ණ­තාව අනුව සම­හර විට නුව­ර­එ­ළිය දිස්ත්‍රි­ක්කයේ බල­තු­ල­නය වෙනස් වෙලා එතැ­න­දිත් අත­රේක ආස­නය ‍පොදු ජන එක්සත් පෙර­මු­ණට හිමි විමේ ඉඩ­කඩ වැඩියි. ද්‍රවිඩ ජන­තාව ප්‍රධාන වශ­යෙන් සැදු­ම්ලත් වෙන්නේ වතු කම්කරු සංගම් වලින්. පව­තින හොඳ දේශ­පා­ලන වට­පි­ටා­වත් සමඟ ඉදිරි මැති­ව­ර­ණ­ය­කදී මේ ඡන්ද ප්‍රති­ශ­ත­යත් පොදු ජන පෙර­මු­ණට වැඩි­විය හැකියි. ප්‍රධාන වෙන­සක් මෙත­නදි තියෙ­නවා; එනම් උතුරු නැගෙ­න­හිර සිංහල ජන­තාව සිටින ආසන දෙක හැරු­ණු­කොට අනෙක් දිස්ත්‍රික් මට්ට­මින් ගත්විට බෝනස් ආස­නය හිමි­වන්නේ ද පොදු­ජන පෙර­මු­ණ­ටයි.

ඒ පැවැ­ත්වී­මට නිය­මිත මැති­ව­ර­ණ­ව­ලදී ප්‍රාදේ­ශීය වශ­යෙන් ඉදි­රි­පත් වන ජාතීන් අනුව ඉදි­රි­ප­ත්වන අපේ­ක්ෂ­ක­යන්ට සහ මුස්ලිම් පක්ෂ සහ දෙමළ පක්ෂ නියෝ­ජ­නය කරන පක්ෂ වලට ප්‍රාදේ­ශීය අපේ­ක්ෂ­ක­යන් ජය­ග්‍ර­හ­ණය කිරී­මට හැකියි. එක්සත් ජාතික පක්ෂයේ සහ පොදු ජන පෙර­මුණේ මුස්ලිම් සහ දෙමළ පක්ෂ නියෝ­ජ­නය කරන පක්ෂ වශ­යෙන් ඡන්ද ප්‍රති­ශ­ත­යක් මේ ආකා­ර­යට ලැබු­ණත් පාර්ලි­මේන්තු මැති­ව­ර­ණ­ය­කදි ‍මේ තත්ත්වය වෙනස් විය හැකිය. සර­ලම තේරුම එජාප ඡන්ද ප්‍රති­ශ­තය වලින් විශාල ප්‍රමා­ණ­යක් ද්‍රවිඩ සහ මුස්ලිම් පක්ෂ වලට යනවා. ඊට අම­ත­රව ජාතීන් අනුව මේ බෙදීම කොත­රම් දුරට සාර්ථක ද කියන කාර­ණාව ඉතා වැද­ගත්.

ශ්‍රී ලංකාව බෙදී­ගිය ජාතීන් ඉන්න රටක්; සිංහල ජාති­ක­යන් පමණ ක් නොවෙයි, සිංහල ජාතිය පම­ණක් නොවෙයි, දෙමළ ජාතීන් අත­රත් මුස්ලිම් ජාතීන් අත­රත් මේ බෙදීම තියෙ­නවා. එයින් අද­හස් කරන්නේ ඉන්දි­යානු සම්භ­ය­කින් යුතු මධ්‍යම කදු­ක­රයේ ඉන්න සිංහ­ල­යන් ඉන්නවා; ඉන්ප­සුව යාප­නය ද්‍රවි­ඩ­යන් වශ­යෙන් ඉන්න කොට­සක් ඉන්නවා; නැගෙ­න­හිර ඉන්නවා මුක්කුවා නීතිය බල­ප­ව­ත්වන ද්‍රවිඩ ජාති­ක­යන්.

ඒ වගේම වෙනත් කණ්ඩා­යම් ඉන්නවා; විවිධ කුල සහ විවිධ ජන­ක­ණ්ඩා­යම් ඉන්නවා. ‍ශ්‍රිලාංකීය ජාතිය බෙදි­ගිය ජාති­යක් කියන්නේ මුස්ලිම් ජාති­කයෝ. මෑතක සිට ප්‍රව­ණ­තා­වක් තියෙ­නවා; අන්ත­ර්ජා­තික මුස්ලිම් අන්ත­වා­දීන් සමඟ සබ­ඳතා පව­ත්වන ලද කණ්ඩා­යම් ඉන්නවා. ඒවා­යෙන් පෝෂ­ණය ලබන කොටස් පක්ෂ වශ­යෙන් හෝ කණ්ඩා­යම් වශ­යෙන් ඉදි­රි­පත් කිරී­මට පක්ෂ තුළ ඉන්න සාමා­ජි­ක­යන් සමඟ සම්බ­න්ධතා පැවැ­ත්වී­මත් ඒ අය අපේ­ක්ෂ­ක­යන් ලෙස ඉදි­රි­පත් වීම­ටත් හැකි­යාව තියෙ­නවා.

ඒ ජන­වා­ර්ගික නියෝ­ජ­නය ජාති­වාදී නියෝ­ජ­න­යක් වුණොත් පම­ණයි අහි­ත­කර වෙන්නේ. විවිධ ජන­කො­ට්ටාස පාර්ලි­මේ­න්තු­වක් ‍තුළ හෝ වෙනත් සභා­වක් තුළ නියේ­ජ­නය කිරි­මට යම් යම් විධි­වි­ධාන යොදලා ඒ අය­ගෙන් ජාතික ලැයි­ස්තු­වෙන් හෝ වෙනත් ක්‍රම­ය­කින් ඉදි­රි­පත් කරන්න පුළු­වන්. එය පිළි­බ­ඳව කිසිදු තර්ක­යක් නැහැ. එය ප්‍රජා­ත­න්ත්‍ර­වා­ද­යට පට­හැනි නැහැ. නමුත් ජන­වා­ර්ගික ලෙස නියෝ­ජ­නය කිරිම රටට අහි­ත­කර බව බ්‍රිතාන්‍ය පාල­ක­යන් පවා 1931 දි ඩොන­මෝර් ආණ්ඩු ක්‍රමය සඳහා ඇති­ක­රන ලද ඩොන­මෝර් ‍කොමිසන් සභාවේ වාර්තාවේ සඳ­හන් කර­නවා. ජාති­වාදී ‍නියෝජ­නය යන්න හෙළා දැකිය යුතු ආකා­රය මේ ආකා­ර­යට දක්වා තියෙ­නවා.'' ජාති­වාදී ‍නියෝජ­නය මෙතෙක් පැවැති පරිදි, පොදු ජන­තා­වගේ ශ්‍රම ශක්තිය කාබා­සි­නියා කර දමන පෞද්ග­ලි­ක­ත්වය පිළි­බඳ හැගිම් සැකය හා ඊර්ෂ්‍යාව වර්ධ­නය කර­වන වැඩෙන නව දේශ­පා­ලන අපේ­ක්ෂා­වන් දුෂ­ණය කර­වන ජාතියේ ‍හෝ සම­ගියේ වර්ධ­නය එක­හෙළා ම වළ­ක්වන්නේ දේශ­පා­ලන ‍ක්ෂෙත්‍රයේ දැකිය හැකි දල­ඹු­වකු බඳුය''

මෙහිදි මේ ජාති­වාදී නියෝ­ජ­න­යක් බවට පත්වී­මට ප්‍රධා­න‍ ­හේ­තු­වක් ලෙස අපි දකින්නේ මැති­ව­රණ ක්‍රම­යයි. මේ ජාති­වාදී මැති­ව­රණ ක්‍රමය කෙසේද පැමි­ණියේ කියන කාර­ණාව සලකා බැලිමේ දි එයට සරල පිළි­තු­රක් තිය­නවා. එනම් අපට නොගැ­ළ­පෙන සමා­නු­පා­තික නියෝ­ජ­න­යක් මේර­ටට ගෙනත් පැට­වී­මයි. ජේ ආර් ජය­ව­ර්ධන බල­යට පැමි­ණි­මෙන් පසු ඔහු ජනතා වරම ලැබු බව සත්‍ය­යක් වුවත් විධා­යක ක්‍රම­යක් ඇති­කි­රී­මට ජන­ව­ර­මක් ලැබු­ණෙත් නැහැ; ඉල්ලු­වෙත් නැහැ.

මේ සමා­නු­පා­තික ක්‍රම­යක් ගෙන ඒම සදහා. කලින් තිබුණ ක්‍රමය අනුව තමන්ගේ ආසනවල භූගෝ­ලීය වශ­යෙන් තමන්ගේ අපේ­ක්ෂ­කයා තෝරා ගැනී­මට හැකි­යාව ලැබෙ­නවා. ප්‍රාදේ­ශීය නියෝ­ජ­න­යක් තිබුණා නම් මේ ආකා­ර­යට වෙන්නේ නැහැ. පැරණි ආසන ක්‍රමය අනුව ‍එදා මැති­ව­රණ පැවැ­ත්වුණේ. පැරණි ආසන ක්‍රමය ආවොත් ජාතික සම­ගිය ඇති කරන්න ඉතා පහ­සුයි. වඩා ජන­ප්‍රිය පුද්ග­ල­ය­කුට ජාතිය කුමක් වුවත් ජය­ගත හැකි ක්‍රම­වේ­ද­යක් තිබුණා. එය තව­දු­ර­ටත් නැහැ දැන්. ජන­තා­වට පුරුදු පැරණි ආසන ක්‍රමය ගෙන ආ යුතුයි.

මෙහිදි වඩා වැද­ගත් කාර­ණාව ගෝඨා­භය මහතා මේසා විශාල ඡන්ද ප්‍රමා­ණ­යක් ලබා ගැනී­මට හේතු­වයි. ජන­තාව ඉල්ලුවේ මැති­ව­රණ ක්‍රමය වෙනස් කිරීම. ඒ වෙනු­වට කුමක්ද කළේ 19 වැනි සංශෝ­ධ­නය මුවා­වෙන් තෝරා­ගත් අපේ­ක්ෂ­ක­යා‍ ­වෙ­නස් කිරී­මට උප­ක්‍ර­ම­ශීලි විදි­හට ආණ්ඩු­ක්‍ර­මය වෙනස් කළා. තරු­ණ­යන්ට වඩා වැඩි ඉඩක් ලබා­දී­මට කට­යුතු කළා. නමුත් ලංකාවේ එය වෙනස් කළේ ලංකාවේ එකම පවු­ලක් අර­ඹයා මේ දේ ‍කළේ.

ද්විත්ව පුර­වැසි භාව­යත් ඒ වගේම හේතු­වක් නිසා ඇති­කළ වෙනස් කිරී­මක්. ශිෂ්ට සම්පන්න රට­වල යම්කිසි පුද්ග­ල­ය­කුට හෝ එක පවු­ල­කට හෝ සිමා කරලා නිති පන­වන්නේ නැහැ. නමුත් ලංකාවේ ඒ දේ සිද්ධ වුණා ඉතා පැහැ­දිලි ලෙසම. කාටත් නීතිය එකයි. දේශ­පා­ල­න­යෙන් එක් පවු­ලක් ඉවත් ‍කිරීම­ටයි මේ සංශෝ­ධ­නය ගෙන ආවේ. 19වැනි නිර්මා­ණය කරපු අය විසින් යම් අර­මු­ණක් මුදුන් පත් කිරී­ම­ටයි මෙය ගෙන අ‍ාවේ; ජනතා යහ­ප­ත­ට‍ ­නො­වෙයි .

එමෙන්ම අනෙක් හේතුව ආණ්ඩු­ක්‍රම ‍ව්‍යවස්ථා­වක් රටට ගැළ­පෙන විදි­හට හද­නවා කිව්වා. නමුත් මොකක්ද වුණේ. පුද්ග­ලික න්‍යාය පත්‍ර අනු­වයි මෙය කෙරුණෙ. එ්කට වඩා අවුල් සහ­ග­තයි මේ 19 වැනි ව්‍යවස්ථා සංශෝ­ධ­නය. අනෙක් කාර­ණාව තමයි සිතා­ම­තාම ඡන්ද කල් දැමීම. පළාත් සභා ඡන්දය පව­ත්වන්ට නොහැකි තත්ත්ව­යට පැමි­ණ‍ ­ති­යෙන්නේ. සිමා­නි­ර්ණය ගැට­ලු­වක් බවට පත් කර­ග­නි­මින් උප­ක්‍ර­ම­ශී­ලිව ඡන්දය කල් දැම්මා. යහ­පා­ල­නය සම්පූ­ර්ණ­යෙන් අසා­ර්ථක වුණා. ඉතා කෙටි­කා­ල­ය­කදි පොදු ජන පෙර­මුණ අති­වි­ශිෂ්ට ජය­ග්‍ර­හ­ණ­යක් ලබා ගත්තත් ඒවන විට­වත් ඒ පිළි­බඳ ව පැවැති රජ­යට කිසිදු තැකි­මක් තිබුණේ නැහැ. මේ පරා­ජය පුදු­ම­යට කරු­ණක් නොවෙයි. ඒ තත්ත්වය නිර්මා­ණය කර­ගත්තේ ඒ අාණ්ඩුව විසි­න්මයි.

Comments