කඳුළු අත­රින් උපන් වෛද්‍ය සමි­තාට උගත් පාස­ලෙන් ආචා­රය | සිළුමිණ

කඳුළු අත­රින් උපන් වෛද්‍ය සමි­තාට උගත් පාස­ලෙන් ආචා­රය

ඇය කදුළු අත­රින් බිහිවූ ධෛර්ය­වන්ත කාන්තා­වකි. පසු­ගිය කාලයේ පම­ණක් නොව මෑත­කදී ඇය ගැන බොහෝ දේ සිළු­මිණ පිටු අත­රට එක්වූයේ “ජීවි­තය මහ මෙරක් සේ දරා ගෙන ලෝකය ජය­ගත් දොස්තර කෙල්ල“ නමිනි. සිය ජීවන ගම­නේදි අයට පැමිණි බාධා එකක් දෙකක් පම­ණක් නොවේ. 2008 වස­රේදි ඇය සිය ජීවන ගමන් මගේ අකා­රු­ණික ගොදු­රක් බවට පත්වු­වාය. ඇයට සිය ජිවි­ත­යෙන් පලා යන්නට සිදුවූ වාර අන­න්තය. එහෙත් ඇඳට වැටුණු ඇය දෙප­යින් නැඟී නොසි­ටම රටක් ලොවක් දිනා ගත්තාය. ඇයට ඒ පන්න­රය උරුම වූයේ අකුරු කළ සිය දයා­බර පාසල් මෑණි­ය­න්ගෙන් බව ඇය නොබි­යව රටට පව­ස­න්නීය.

ඇය විශේ­ෂඥ වෛද්‍ය සමිතා සම­න්ම­ලීය. එසේම ඇය කොළඹ ගෝතමි බාලිකා විදු­හලේ කීර්ති­මත් ආදි සිසු­වි­යකි. 2008 වසරේ බණ්ඩා­ර­නා­යක සම්ම­න්ත්‍රණ ශාලා­වේදී ඇය කුරිරු ඉර­ණ­මට මුහුණ දුන්නත්, කඳුළු අත­රින් සිනා­සුණු ඇය අද රටේ දක්ෂ විශේ­ෂඥ වෛද්‍ය­ව­රි­යකි. රෝද පුටුවේ සිට අභි­යෝග ජය­ගන්නා මෙම එඩි­තර කාන්තාව පසු­ගි­යදා කොරි­යාවේ පැවැති ආසි­යානු පැරා ඔරු පැදීමේ තර­ගා­ව­ලි­යෙන් ලෝකඩ පද­ක්ක­මකි හිමි කර ගත්තේ සමස්ත ගෝතමි දරු­වන්ට පම­ණක් නොව රටේ පාසල් දරු­ව­න්ටත් වැඩි­හිටි පර­ම්ප­රා­ව­ටත් අගනා ආද­ර්ශ­යක් සප­ය­මිණි.

පසු­ගි­යදා සිය විදු­හල් මෑණි­යන් දකි­න්නට ඇය පැමි­ණියේ ඇය වෙනු­වෙන්ම පාසලේ විදු­හ­ල්පති, ගුරු, ආදි සිසුන් හා දරු­වන් සූදා­නම් කළ උප­හාර උත්ස­ව­ය­ටය.

“මම 1995 වසරේ ගෝතමි විදු­හ­ලට ආවේ 5 ශිෂ්‍යත්ව විභා­ග­යෙන් සමත් වෙලයි. මම පාසලේ ගොඩාක්ම දක්ෂ දරු­වෙක් නෙමෙයි. ඒත් සාමාන්‍ය පෙළ විභා­ග­යෙන් ‘ඩී ‘ සාමාර්ථ්‍ය 10ක් අර­ගෙන උසස් පෙළ ජීව විද්‍යාව හදා­රන්න පටන් ගත්තා. මට පාසලේ ගුරු­වරුන් ගැන විස්වා­ස­යක් තිබුණා. මම තුන්ව­රක්ම උසස් පෙළ විභා­ග­යට පෙනී සිටියා. තුන­වැනි වර ඉහළ සාමා­ර්ථ­යත් ගත්තා. මගේ ජීවි­තයේ අන­පේ­ක්ෂික සිදු­විම වුණේ 2008 වස­රේදි. ඒත් මම එම්.බි.බී.එස් වැනි දුෂ්කර විභා­ග­ය­කට මුහුණ දුන්නේ නොබි­යව. මගේ ජීවි­තයේ කඩා වැටුණු අවස්ථා තිබුණා. මගේ ජීවි­තයේ හැම­දේම මට ලැබුණේ රීදි බන්දේ­සි­යක දාලා නෙමෙයි. ඒ හැම අව­ස්ථා­ව­කට මට නැඟි­ටින්න ශක්ති­යක් වුණේ මගේ උගත් පාස­ලයි.“ සමිතා පව­ස­න්නීය.

ගෝතමි බාලිකා විදු­හලේ වත්මන් විදු­හ­ල්ප­ති­නිය වන සුභා­ෂිණි දෙම­ට­ගොඩ මෙණෙවිය ඇතුළු ආචාර්ය මණ්ඩ­ලය හා ශිෂ්‍යා­වන් විසින ඇය උණු­සුම් ආකා­ර­යෙන් පිළි­ගත් අතර ඇය වෙනු­වෙන් සමරු තිළිණ ප්‍රදා­න­යක්ද සිදු කෙරිණි.

“ අද මගේ ජිවි­තයේ අම­තක නොවන දින­යක්. මෙම ගෝතමි දිරිය දිය­ණි­යගේ කතාව අපේ දරු­වන්ට පම­ණක් නොව සමස්ත පාසල් දරු­ව­න්ටත් ආද­ර්ශ­යක්. ඇය කදුළු අත­රින් බිහිවූ ධෛර්ය­වන්ත කාන්තා­වක් කීවොත් නිවැ­ර­දියි. ඒ වගේම ඇය අද ආබා­ධිත කාන්තා­වන් වෙනු­වෙන් හඬක් නඟ­නවා. ගෝත­මි­යන් වෙනු­වෙන් ඇයගේ ජය­ග්‍ර­හ­නය අපට ආඩ­ම්බ­ර­යක්..“විදු­හ­ල්ප­ති­නිය වන සුභා­ෂිණි දෙම­ට­ගොඩ මෙණෙ­විය පැවැ­සු­වාය. මෙම ගෝත­මි­යෙන් බිහිවූ දිරිය දිය­ණි­යට අපිත් සුබ පතමු.

- සුභා­ෂිණි

Comments