මහ­ජ­නයා ප්‍රති­ක්ෂේප කළ දේශ­පා­ලන රඟ­පෑම් | සිළුමිණ

මහ­ජ­නයා ප්‍රති­ක්ෂේප කළ දේශ­පා­ලන රඟ­පෑම්

 

නා­ධි­පති ගෝඨා­භය රාජ­පක්ෂ මහතා සිය ප්‍රථම නිල සංචා­රය සඳහා පිටත් වී ගියේ කැබි­නට් මණ්ඩ­ල­යත් අමා­ත්‍යංශ ලේක­ම්ව­රු­නුත් පත් කිරී­මෙන් අන­තු­රුව ය. අමා­ත්‍යංශ ලේක­ම්ව­රුන් ලෙස පත් වූ සිය­ලු­දෙ­නාම පාහේ කිර්ති­මත් රාජ්‍ය නිල­ධා­රීහු වෙති. දේශ­පා­ලන හෙන්ච­යි­යන් එ් තන­තුරු සඳහා පත් කර­මින් රටේ මහ­ජන මුදල් කාබා­සි­නියා කිරීමේ සම්ප්‍ර­දා­යට විරා­මය තබා තිබීම දේශ­පා­ලන භේද­ය­කින් තොරව කාගේත් ඇග­යි­මට ලක් වී තිබේ.

ඇමැති මණ්ඩ­ලය පත් කිරී­මේදී පැරණි දේශ­පා­ලන මුහුණු දක්නට ලැබෙන බවට ‍චෝදනා­වක් නැඟී­මට ඇතැ­මුන් උත්සාහ ගන්නා බව පෙනෙ­න්නට තිබේ. ඒ අය­ගෙන් බහු­ත­ර­යක් මහ­ජන ඡන්ද­යෙන් තේරී පත්වූ­වන් මෙන්ම පව­තින ව්‍යව­ස්ථා­මය ප්‍රති­පා­දන යටතේ පාර්ලි­මේ­න්තු­වට පැමිණි අය වෙති. එබැ­වින් ජනා­ධි­ප­ති­ව­ර­යාට මේ මොහොතේ දේශ­පා­ල­නය කිරී­මට සිදු වන්නේ එ් පිරිස සමඟ ය‍. ඔවුන් රටට අවශ්‍ය නොවේ නම් ඒ බව තීර­ණය කළ යුතු වන්නේ ජනා­ධි­ප­ති­ව­රයා නොව ජන­තා­වයි. ඒ සඳහා තීන්දු­වක් ගැනී­මට ඉදිරි මහ මැති­ව­ර­ණය මඟින් ප්‍රජා­ත­න්ත්‍ර­වාදී ඉඩ කඩක් විවෘත වී තිබේ. රට ගොඩ­නැ­ඟීම සඳහා ආර්ථික දේශ­පා­ල­නික ක්ෂෙත්‍ර­යන්ගේ මුල් අත්ති­වා­රම තබා තිබේ.

පැවැති යහ­පා­ලන ආණ්ඩුව විසින් නඟන ලද සියලු අව­ලාද අසත්‍ය බවට පත් වී හමාර ය. කලා­පීය බල­වතා ලෙස සැල­කෙන ඉන්දි­යාවේ සංචා­රය විශේෂ වැද­ගත් කමක් උසු­ලන බව අමු­තු­වෙන් කිව­යුතු නැත. ආර්ථික, සමා­ජ­යීය, සංස්කෘ­තික වශ­යෙන් අවැසි සහාය ලබා ගැනී­මට ජනා­ධි­ප­ති­ව­ර­යාගේ ඉන්දීය සංචා­රය මේ මොහොතේ අත්‍ය­වශ්‍ය සාධ­ක­යකි.

යහ­පා­ලන ආණ්ඩුවේ දේශ­පා­ල­නික හැසි­රීම් සහ බට­හිර ගැති දේශ­පා­ලන ප්‍රති­පත්ති නිසා අෑත් වී සිටි ඉන්දි­යාව පසු­ගිය සමයේ රාජ­ප­ක්ෂ­ව­රුන් සමඟ සමී­පව කට­යුතු කළේ ය. එය තව­දු­ර‍ටත් ශක්ති­මත් කිරීම සඳහා ඉන්දිය සංචා‍රය ඉව­හල් වනු ඇත. එ් සංචා­රය සඳහා දේශ­පා­ල­න­ඥ­යන් බුරුතු පිටින් ගෙන යෑමේ සංස්කෘ­තිය හමාර කර­මින් ඔහු ඉන්දියා සංචා­රය සඳහා සහ­භාගී කර­ගනු ලැබුවේ නිල­ධා­රීන් කිහි­ප­දෙ­නකු පමණි. ඔහුගේ මේ තීන්දුව ජන­ප්‍රිය තීන්දු­වක් නොවෙයි. මේ හැසි­රීම පිළි­බඳ කල­කි­රෙන බොහෝ පිරි­සක් සිටිය හැකිය.

එහෙත් විශාල ජන­ව­ර­මක් ජන­තාව ඔවුන්ට ලබා­දුන්නේ සාම්ප්‍ර­දා­යික දේශ­පා­ලන සංස්කෘ­තිය හමාර කර සියලු අංග­ය­න්ගෙන් රට ඉදි­රි­යට ගෙන යෑමට ය. වත්මන් ජනා­ධි­ප­ති­ව­රයා දේහ­පා­ල­ඥ­යෙක් නොවන නිසා බැඳි­යා­වන් අතර ගැටී­මක් ඔහුට නැත. ඔහුට ඇත්තේ වැඩ කළ හැකි කෙනා යන අර­මුණ ය. එ් අර­මුණ ඔහු විසින් දිගට ම නඩත්තු කරනු ඇතැයි යන්න මේ රටේ ජන­තා­වගේ අපේ­ක්ෂා­වයි.

ජනා­ධි­ප­ති­ව­ර­ණ­යේදී සුළු ජාතින්ගේ හැසි­රීම කෙසේ වුවත් මේ මොහොත වන විට දෙමළ ජාතික සන්ධා­නය ‍ජනාධි­ප­ති­ව­රයා සමඟ සහ­යෝ­ග­යෙන් කට­යුතු කිරී­මට සුදා­නම් බව ප්‍රකාශ කර තිබේ. එය යහ­පත් ‍ප්‍රවණ­තා­වකි. ඔවුන් මහ පොළොවේ යථා­ර්ථය තේරුම් ගෙන තිබේ. ජනා­ධි­ප­ති­ව­රයා පිළි­බඳ සුළු ජන­වර්ග අතර පැවැති මත­වාද නිර්මා­ණය කර­න්නට උත්සාහ කළ යක්ෂයා පලවා හරි­න්නට ඔහු සිය ප්‍රථම කතා­වෙන් ම ප්‍රවේ­ශ­යක් ලබා ගත්තේය. තමන් ඉදි­රි­යට සියලු රට­වැ­සි­යන්ගේ නාය­කයා බව ඔහු කතා­වෙන් මෙන්ම ක්‍රියා­වෙන් ඔප්පු කර­න්නට විය. ඉදිරි සංව­ර්ධන ක්‍රියා­දා­ම­යේදී සුළු ජාතීන් එහි කොට­ස්ක­රු­වන් බවට පත් කර­ගැ­නීම තත්ත්වය වඩා සුබ­දායි තත්ත්ව­යට පත් වනු ඇත.

විප­ක්ෂයේ ජනා­ධි­පති අපෙ­ක්ෂ­කයා ආගිය අතක් සොයා­ගැ­නීම දුෂ්කර වී ඇත. ජනා­ධි­ප­ති­ව­ර­ණ­යේදී ඔහුට සහාය දුන් සුළු ජාතික පක්ෂ ඉදි­රියේ ඇති අභි­යෝග පසෙක ලා ඔහු පලා ගොස් අැත. තමාට සහාය දුන් කණ්ඩා­යම් සියල්ල අත­රමං කර එජාප ඉදි­රියේ ඇති අභි­යෝග ජය ගැනීම සුපු­රුදු ලෙස පසෙ­කලා ඔහු පලා ගොස් ඇත.

ඔහුට සහ‍ාය දුන් මන්ත්‍රී­ව­රුන් ඔහුට විපක්ෂ නායක ධුරය ලබා­දීමේ සට­නක නිරත වී සිටි­යදී ඒ කිසි­ව­කුගේ දුර­ක­ථන ඇමැ­තු­ම­ක­ට­වත් පිළි­තුරු නොදී සැඟවී සිටී­මෙන් ඔහුගේ දේශ­පා­ලන පෞරු­ෂ­ත්වය සහ මතා­වා­දී­මය දුගී­භා­වය අන් කව­ර­දා­ටත් වඩා කැපී පෙනෙයි. ‍ඔහු එසේ හැසි­රුණේ ප්‍රථම වරට නොවේ.

වසර කිහි­ප­ය­කට පෙර බලය අල්ල­න්නට ඔහු සිරි­කොත සමු­ළු­ව­කට ‍ගියේය. අව­සා­නයේ රනිල් වික්‍ර­ම­සිංහ මහ­තාගේ දේශ­පා­ලන ප්‍රහාර හමුවේ ඔහු පලා­ගියේ ඔහුට සහාය දුන් මන්ත්‍රී කණ්ඩා­යම ද අත­රමං කර­මිනි. වික්‍ර­ම­සිංහ මහ­තාගේ එකී පළි­ගැ­නීම් හමුවේ ඔහු මුනි­වත රැක්කේය. සම­හර මන්ත්‍රී­ව­රුන් ක්‍රියා­කා­රීන් පක්ෂය හැරදා ගියේ සජිත්ගේ දේශ­පා­ලන හැසි­රීම හේතු කර­ගෙ­නය. එය සංස­න්ද­නා­ත්ම­කව බැලිය හැකිය‍.

2015 රාජ­පක්ෂ පාල­නය පරා­ජ­යට පත් වුවද කිසි­වකු ජන­තාව අත­රමං කළේ නැත. ජන­තාව සමඟ සිටි­මින් ජනතාවගේ ඉල්ලිම් පරිදි සියල්ල යළි ඉදි­රි‍යට ගෙන ගියේය. එල්ල වූ දහ­සක් චෝදනා නඩු කට­යුතු සඳහා සහ­භාගි වෙමින් මහ­පො­ළොවේ දේශ­පා­ල‍නයේ නිරත වුයේ ය. ඊට බල­පාන ලද ප්‍රධාන කරුණු ති‍බේ.

එජා­පයේ පහළ සමා­ජි­ක­යාගේ සිට ඉහළ තලයේ දේශ­පා­ල­ඥයා දක්වා දෘෂ්ටි­වා­දි­මය දුගි භාව­යෙන් පෙළුණි. 2015 ජනා­ධි­පති මැති­ව­ර­ණය ඔවුන් හිමි­ක­ර­ගත්තේ ද ශ්‍රීලංකා නිද­හස් පක්ෂයේ මහ ලේක­ම්ව­රයා තම කද­වු­රට ආන­ය­නය කිරී­මෙනි. ජනා­ධි­ප­ති­ව­ර­ණ­යෙන් පසුව සජිත් පලා­ය­මින් සිටින්නේ පක්ෂය ඉදි­රි­යට ගෙන­ය­මින් සිටින අය සන්ත­කයේ පොහො­සත් දෘෂ්ටි­වා­ද­යක් ඔවුන්ට නොමැති කම හේතු­වෙනි.

රටේ ප්‍රධාන පක්ෂ­යක් මෙලෙස අඩ­පණ වීම සම්බ­න්ධ­යෙන් ප්‍රජා­ත­න්ත්‍ර­වාදී දේශ­පා­ල­න­යක නිරත වන ජනා­ධි­ප­ති­ව­රයා හෝ අග­මැ­ති­ව­රයා පවා අනු­මත කරාවි යැයි සිතිය නොහැ­කිය. එක්සත් ජාතික පක්ෂයේ වත්මන් දේහ­පා­ලන දැක්ම මැති­ව­රණ පරා­ජ­යෙන් පසු ව ඔහු කළ කී දෑ වලින් පෙනේ. ජනා­ධි­පති ගෝඨා­භය රාජ­පක්ෂ මහතා බහු­තර සිංහල ඡන්ද වලින් බල­යට පත්වී­මත් සම­ඟින් ඉදි­රි­යේදි බෞද්ධා­ග­මට තැන දෙමින් කට­යුතු කළ­හොත් එජා­පය ගොඩ යා හැකි බව ඔහු කියා සිටී. එය දේශ­පා­ල­නික මිත්‍යා­වකි.

එය එජා­ප­යට ආක­ර්ෂ­ණය කර­ගැ­නි­මට කළ හැකි දෙයක් නොවෙයි. ඔවුන් අලුත් මත­වා­දී­මය මාදි­ලි­යක් සොයා ගත යුතුව තිබේ. එජාප නාය­ක­ත්වය එය අව­බෝධ කර­ගෙන ඇති බවක් නොපෙනේ. පසු­ගිය මැති­ව­රණ සමයේ ඔවුන් පැරණි තැටි­යම වාද­නය කළා මිසක රටේ මහ­ජ­නයා අතර තමන්ට ස්ථාන­ගත වීමට තැනක් සොයා බැලුවේ නැත. එජාප සමඟ හොර දීග­යක් කෑම ඇතුළු හේතු ගණ­නා­වක් මත ජනතා විමුක්ති පෙර­මුණ ඓති­හා­සික පරා­ජ­යක් අත්කර ගනි­මින් හතර ගාත­යෙන් බිම ඇද වැටී සිටියි. මෙය ද එත­රම් යහ­පත් නැත.

තමන්ට වැර­දුණ තැන් ගැන ඔවුන් ද දේශ­පා­ලන ස්වයං විවේ­ච­න­යක යේදී නිවැ­රදි තැනට පැමි­ණිය යුතුයි. රටේ කලා­ක­රු­වන් විද්ව­තුන් සහ­භාගි කර­වා­ගෙන මැති­ව­රණ ව්‍යාපා­රයේ යෙදුණ ඔවුන් සිටි තැනින් ද පහ­ළට යැම සලකා බැලිය යුතුයි. ගෝඨා­භය රාජ­පක්ෂ මහතා මැති­ව­ර­ණය ට විද්ව­තුන් සංවි­ධා­නය කර රට පුරා‍ ­ගි­යේය.

විද්වත් වෘත්ති­ක­යන් රාශි­යක් ඔහු වටා ඒක­රාශි විය. ඔහු මැති­ව­රණ අබි­යස කඩි­මු­ඩියේ ඔවුන් සමඟ කට­යුතු කිරී­මට ගියේ නැත. මැති­ව­රණ ආස­න්නයේ කරන දේශ­පා­ලන රංගන මහ­ජ­නයා ප්‍රති­ක්ෂේප කරන බව මේ සමස්ත සිදු­වීම් සමු­දාය දෙස ආපසු හැරී බැලි­මේදි පෙනී යයි.

Comments