මේෂ
දරුවන්ගේ කටයුතුවල දියුණුවක්
ලග්නාධිපති කුජ, බුධ, සඳු හතේ ද, රවි 8, ගරු, ශනි, කේතු, සිකුරු 9, රාහු 5 ගමන්ගනී. එම ග්‍රහ ගෝචරය ගැන සැලකීමේ දී වෘත්තීය සහ රැකියා කටයුතුවල දී කිසියම් කාර්යශූර බවක් පෙන්නුව ද යම් යම් පසුගාමී තත්ත්වයන්ට ද ඉඩක් පෙන්වයි. මිල මුදල් ලැබීම අතින් අයහපත් නොවුව ද ඔබට මුදල් ඉතිරි කරගැනීම අපහසු වේ. වියදම් පක්ෂය ඉහළ යා හැකි බැවිනි. ගෙදරදොර කටයුතු මෙන්ම යුගදිවිය සම්බන්ධ කටයුතු සාමාන්‍ය වේ. දරුවන්ගේ කටයුතුවල දියුණුවක් ලබයි. ඉගෙනීමේ වඩකටයුතුවලට සිය උත්සාහය මත සාර්ථක ප්‍රතිඵල ලබයි. උෂ්ණාධික රෝග, ලේ දූශ්‍යාබාධ, තුනටිය ආශ්‍රිත පීඩා මතු විය හැක.
ජය වර්ණය- රතු, අංකය- 09, දිනය- බ්‍රහස්පතින්දා
වෘෂභ
මිල මුදල් කටයුතු කල්පනාවෙන්
ලග්නාධිපති සිකුරු, ගුරු, ශනි, කේතු 8 ද, රවි 7, කුජ, සඳු, බුධ 6, රාහු 2 ගමන්ගනී. එම ග්‍රහ ගෝචරය සැලකීමේ දී විටෙක ඔබ බලාපොරොත්තු නැති අන්දමට මුදල් නාස්තිවීම් පෙන්වයි. මිල මුදල් සම්බන්ධ කටයුතුවලදී කල්පනාකාරී වන්න. වෘත්තීය සහ රැකියා කටයුතුවලදී අන්‍යයන්ගේ සහයෝගය ඔබට නොලැබේ. එම නිසා කල්පනාකාරී විය යුතුයි. ගෙදරදොර කටයුතු මෙන්ම යුගදිවිය සම්බන්ධ කටයුතුවලදී ප්‍රවේසම් විය යුතුයි. විටෙක බාධා අවහිරතා ඉස්මතු කරයි. දරුවන්ගේ කටයුතු ගැන අවධානය යොමු කරන්න. ඉගෙනීමේ කටයුතු කෙරෙහි වැඩි අවධානයක් යොමු කරන්න. උදරගත පීඩා, ලේ දූශ්‍යාබාධ ආදියෙන් ප්‍රවේසම් වන්න.
ජය වර්ණය- නිල්, අංකය- 06, දිනය- සිකුරාදා
මිථුන
ආදායම් ලැබුණ ද වියදම අධිකයි
ලග්නාධිපති බුධ, සඳු, කුජ සමග 5 ද, රවි 6, ගරු, ශනි, කේතු, සිකරු 7, රාහු ලග්නයේ ද ගෝචරය වේ. එම ග්‍රහ ගෝචරය ගැන සැලකීමේ දී තම කටයුතු කරගෙන යෑමේ දී බාධා ප්‍රමාදතා ඉස්මතු කළ හැකිය. වෘත්තීය සහ රැකියා කටයුතුවල දී ඉවසීමෙන් ක්‍රියා කළ යුතුයි. ආර්ථික වශයෙන් එතරම් ශුභදායක නොවේ. ආදායම් ලැබුණ ද වියදම් අධික වේ. ගෙදරදොර කටයුතු මෙන්ම යුගදිවිය සම්බන්ධයෙන් ද කල්පනාකාරී වන්න. දරුවන්ගේ කටයුතු කෙරෙහි අවධානය යොමු කරන්න. අධ්‍යාපන කටයුතුවල දී යම් යම් පසුගාමී තත්ත්වයන් උදා වේ. ගමන්බිමන් අධික වේ. ශරීර සෞඛ්‍යය ගැන කල්පනාකාරී වන්න.
ජය වර්ණය- කොළ, අංකය- 05, දිනය- බදාදා
කටක
වෘත්තීය සහ රැකියාවේ බාධා
ලග්නාධිපති සඳු, කුජ, බුධ 4, රාහු 12, කේතු 6, සිකුරු, ගුරු, ශනි ද, රවි 5 ද ගෝචරය වේ. එම ග්‍රහ ගෝචරය ගැන සැලකීමේදී වෘත්තීය සහ රැකියා කටයුතු කරගෙන යෑමේ දී තමාගේ කටයුතුවලට බාධා අවහිරතා ඉස්මතු වේ. එම නිසා කල්පනාකාරීව ක්‍රියා කළ යුතුයි. ආදායම් ලැබීම එතරම්ම යහපත් නැත. ආදායම් ලැබුණ ද වියදම් අධික වේ. මිල මුදල් සම්බන්ධ කටයුතුවල දී ප්‍රවේසම් වන්න. ගෙදරදොර කටයුතු මෙන්ම යුගදිවිය සම්බන්ධ කටයුතුවලදී විටින් විට සමඟියට බාධා ඇති වේ. දරුවන්ගේ කටයුතු උදෙසා කාලයත්, ධනයත්, ශ්‍රමයත් වැය වේ. ඉගෙනීම් වැඩවල යෙදෙන අයට උත්සාහය තුළ සාර්ථක ප්‍රතිඵල ලැබිය හැකිය. උදරාශ්‍රිත, බඩවැල් ආශ්‍රිත රෝග, මුඛ රෝගවලින් පීඩා ඇති විය හැකිය.
ජය වර්ණය- ක්‍රීම් පාට, අංකය- 02, දිනය- සඳුදා
සිංහ
උත්සාහය අවශ්‍යයි
ලග්නාධිපති රවි 4, ගුරු, ශනි, සිකුරු, කේතු 5, සඳු, කුජ, බුධ 3 ගෝචරය වේ. එම ග්‍රහ ගෝචරය ගැන සැලකීමේදී උත්සාහය තුළ වැඩකටයුතු සාර්ථක කර ගත හැකිය. එසේම විවිධ කටයුතුවලින් ලාභ ලැබේ.
ආදායම් ලැබුණ ද වියදම් ඉහළ යයි. කිසියම් සාර්ථක ප්‍රතිඵලයක් ද ලබයි. ගෙදරදොර කටයුතු යහපත්ය. වෙහෙස මහන්සි වීමට සිදු වේ.
දරුවන්ගේ කටයුතු ගැන අවධානය යොමු කළ යුතුයි. ඉගෙනීම් කටන අයට උත්සාහය තුළ සාර්ථක ප්‍රතිඵල ලැබිය හැකිය. හදිසි අනතුරු පීඩා, තුවාල, ලේ දූශ්‍යාබාධ බලපායි.
ජය වර්ණය- රතු, අංකය- 01, දිනය- ඉරිදා
කන්‍යා
ඉගෙනීමේ යෙදී සිටින අයට යහපත්
ලග්නාධිපති බුධ, සඳු, කුජ 2 ය. රවි 3, ගුරු, ශනි, සිකුරු, කේතු 4, රාහු 10 ගමන් කරයි. එම ග්‍රහ ගෝචරය ගැන සැලකීමේදී වෘත්තීය සහ රැකියා කටයුතු කරගෙන යෑමේ දී උත්සාහය තුළ ක්‍රමයෙන් දියුණුවක් ලබයි. ආර්ථික සහ මූල්‍යමය වශයෙන් ශුභදායක වේ. විවිධ ක්ෂේත්‍රයන්ට යොමු වීමෙන් ආර්ථික වාසි ලබයි. ගෙදරදෙර කටයුතු මෙන්ම යුගදිවිය සම්බන්ධ කටයුතු යහපත්ය. දරුවන්ගේ කටයුතුවල දියුණුවක් ලබයි. ඉගෙනීමේ යෙදී සිටින අයට යහපත්ය. අලුත් විෂයයන් ඉගෙනීමට ලැබේ. උෂ්ණාධික රෝග ඇති කළ හැකිය.
ජය වර්ණය- කොළ, අංකය- 05, දිනය- බදාදා
තුලා
වෙළෙඳ ව්‍යාපාරවලින් වාසි
ලග්නාධිපති සිකුරු, ගුරු, ශනි, කේතු 3, රාහු 9, රවි 2, සඳු, කුජ, බුධ ලග්නයේ ද ගෝචරය වේ. එම ග්‍රහ පිහිටීම් ගැන බැලීමේ දී වෘත්තීය සහ රැකියා කටයුතුවලදී තරමක් සතුටින් ද සැහැල්ලුවෙන් ද කටයුතු කළ හැකිය. මිල මුදල් ලැබීම ශුභයි.
වෙළෙඳ ව්‍යාපාරවල යෙදී සිටින අයට වාසි ගෙන දේ. ගෙදරදොර කටයුතු මෙන්ම යුගදිවිය සම්බන්ධයෙන් ද යහපත්ය. සමඟිය සාමයට බාධා එල්ල නොවේ. දරුවන්ගේ කටයුතුවල දියුණුවක් ලබයි. ඉගෙනීම් කටයුතුවල උනන්දුවෙන් යෙදේ. උදරාශ්‍රිත රෝග, ලේ දූශ්‍යාබාධ බලපෑ හැකිය.
ජය වර්ණය- නිල්, අංකය- 06, දිනය- සිකුරාදා
වෘශ්චික
ගෙදරදොර වැඩකටයුතු කල්පනාවෙන්
ලග්නාධිපති කුජ, සඳු, බුධ 12 ද, රවි ලග්නයේ ද, ගුරු, ශනි, සිකුරු, කේතු 12 ද, රාහු 8 ගමන් ගනී. එම ග්‍රහ ගෝචරය ගැන බැලීමේ දී වෘත්තීය සහ රැකියා කටයුතුවලදී අන්‍යයන්ගේ සහයෝගය, උපකාරය නිසියාකාරව ඇති නොවේ. ආර්ථික වශයෙන් යහපත් වුවත් මුදල් ඉතිරි කරගැනීම අසීරුයි. අලාභහානි වියදම් අධික වේ. ගෙදරදොර කටයුතු සම්බන්ධයෙන් ඉවසීමෙන් ද බුද්ධිමත්ව ද ක්‍රියා කරන්න. දරුවන්ගේ කටයුතු උදෙසා කාලය වැය වේ. ඉගෙනීමේ කටයුතුවල දී උනන්දුව අවශ්‍යයි. අනතුරු පීඩා, උෂ්ණාධික රෝග, වැටීම්, තැළීම් බලපායි.
ජය වර්ණය- රතු, අංකය- 09, දිනය- බ්‍රහස්පතින්දා
ධනු
ධර්මයට ළැදියි
ලග්නාධිපති ගරු, ශනි, කේතු ල්නයේය. සස යෝගයයි. රවි 12, සඳු, කුජ, බුධ 11, රාහු 7 ගෝචරය වේ. එම ග්‍රහ ගෝචරය ගැන සැලකීමේ දී තම කටයුතු කරගෙන යෑමේ දී බාධා ඇතත් සිය උත්සාහය සහ කැපවීමෙන් සාර්ථක ප්‍රතිඵල ලබයි. වෘත්තීය සහ රැකියා ස්ථානවල කළමනාකරණය කිරීම පහසු වේ. වැඩි ප්‍රසිද්ධියට කැමැති නැත. ආගමික අංශයට වැඩි නැඹුරුවක් ද පෙන්වයි. මිල මුදල් ලැබීම යහපත්ය. වියදම් අධිකයි. ගෙදරදොර කටයුතු යහපත්ය. සමඟිය සාමයට ශුභයි. දරුවන්ගේ කටයුතු සාර්ථක වේ. ඉගෙනීම්වල යෙදී සිටින අයට යහපත්ය. සෙම් පීඩා, උෂ්ණාධික රෝග බලපානු ඇත.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
ගෙදරදොර කටයුතු යහපත්
ලග්නාධිපති ශනි, ගුර, කේතු 12, රාහු 6, රවි, 11, සඳු, කුජ, බුධ 10 ගමන් ගනී. එම කරුණු සියල්ල සමස්තයක් වශයෙන් ගෙන සැලකීමේ දී වෘත්තීය සහ රැකියා ක්ෂේත්‍රයේ දී සුළු බාධා ඇතත් සිය උත්සාහය තුළ සාර්ථක ප්‍රතිඵල ලබයි. අන්‍යයන්ගේ සහයෝගය ලැබේ. මිල මුදල් ලැබීම අතින් ශුභයි. විවිධ ක්ෂේත්‍රයන්ට යොමු වීමෙන් ආර්ථික වාසි ලැබේ.
ගෙදරදොර කටයුතු මෙන්ම යුගදිවිය සම්බන්ධ කටයුතු යහපත්ය. සමඟිය සාමය සුරක්ෂිත වේ. දරුවන්ගේ කටයුතුවල දියුණුවක් ගෙන දේ. අධ්‍යාපන අංශවල යෙදී සිටින අයට අලුත් විෂයයන් ඉගෙනීමට අවස්ථාව සැලසේ. රුධිර පීඩනය, උදර පීඩාවලින් ප්‍රවේසම් වන්න.
ජය වර්ණය- නිල්, අංකය- 06, දිනය- සෙනසුරාදා
කුම්භ
මිශ්‍රඵල
ලග්නාධිපති ශනි, ගුරු, කේතු අයස්ථානයේය. රවි දිග්බලයි. සඳු, කුජ, බුධ භාග්‍යස්ථානයේය. රාහු 5 ගමන් ගනී. මෙම ග්‍රහ පිහිටීම් තුළ යම් යම් බාධා ප්‍රමාදතා ඉස්මතු වුව ද සිය උත්සාහය තුළ කිසියම් අන්දමක සාර්ථක ප්‍රතිඵලයක් උදා රකයි. මිල මුදල් ලැබීම අතින් අයහපත් නොවේ. කිසියම් සාර්ථක බවක් ලබයි. ගෙදරදොර කටයුතු මෙන්ම යුගදිවිය සම්බන්ධ කටයුතු කරගෙන යෑමේ දී බාධා අවහිරතා එල්ල වේ. තද ලෙස ශරීරයට විඩාව ලැබේ. දරුවන්ගේ කටයුතු උදෙසා වඩාත් මහන්සි වීමට සිදු වේ. ඉගෙනීම්වල යෙදී සිටින අයට උත්සාහය තුළ සාර්ථක පල ලබයි. ලේ දූශ්‍යාබාධ, උදරාශ්‍රිත රෝග බලපෑ හැකිය.
ජය වර්ණය- නිල්, අංකය- 08, දිනය- සෙනසුරාදා
මීන
මිල මුදල් ලැබීම අතින් යහපත්
ලග්නාධිපති ගුරු, ශනි, කේතු 10 ය. රවි භාග්‍යස්ථානයේය. සඳු, කුජ, බුධ 8 ද, රාහු 4 ගෝචරය වේ. එම ග්‍රහ ගෝචරය ගැන සැලකීමේ දී වෘත්තීය සහ රැකීරක්ෂා කටයුතු කරගෙන යෑමේ දී වඩාත් උනන්දුවෙන් වැඩ කරන්න.
බාධා ප්‍රමාදතා ඉස්මතු වනු ඇත. මිල මුදල් ලැබීම අතින් යහපත් වුවත් ඔබට වියදම් පාලනය කිරීම අසීරු වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවලදී ඉවසීමෙන් ද බුද්ධිමත්ව ද ක්‍රියා නොකළහොත් සමඟිය සාමයට බාධා එල්ල විය හැකිය. දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ. ඉගෙනීම් කරන අයට උත්සාහය තුළ සාර්ථක ප්‍රතිඵල ලැබිය හැකිය. උදරගත රෝග, බඩවැල් ආශ්‍රිත පීඩා මතු කළ හැකිය.
ජය වර්ණය- රන්වන්, අංකය- 03, දිනය- බ්‍රහස්පතින්දා
