හේලිස් අනුබද්ධිත, හේලිස් ඒවියේෂන් සමාගම දේශීය විකුණුම් නියෝජතයා (General Sales Agent - GSA) වශයෙන් කටයුතු කරන, 1929 සිට ගුවන් ගමන් ක්ෂේත්රයේ අත්දැකීම් ඇති ජාත්යන්තර ලොට් පෝලිෂ් ජාලයේ, වර්සෝ - ශ්රී ලංකා පළමු ඍජු ගුවන් ගමන් සේවය පසුගියදා ආරම්භ කෙරිණි.
ඒ අනුව, වෝර්සෝ සිට ශ්රී ලංකාව දක්වා වූ ඍජු ගුවන් ගමන් ඇරැඹූ ලොට් පෝලිෂ් ගුවන් සේවය පසුගියදා බණ්ඩාරනායක ජාත්යන්තර ගුවන්තොටුපොළ වෙත පැමිණි අතර, එය 2020 මාර්තු දක්වා සතියකට ගුවන් ගමන් වාර තුනක් බැගින් ක්රියාත්මක වනු ඇත.
ශ්රී ලංකාවේ බිඳ වැටී තිබෙන සංචාරක ප්රවර්ධනයට අත්වැලක් වෙමින්, සංචාරක කාල සීමාවේ දී යුරෝපා සංචාරකයින්ට ශ්රී ලංකාව, අංක එකේ ගමනාන්තය බවට පත් කිරීම අරමුණු වේ.
මෙම අවස්ථාවට එක්වූ ලොට් පෝලිෂ් ගුවන් සේවයේ ප්රධාන වාණිජ නිළධාරී මයිකල් ෆිජොට් මහතා අදහස් දක්වමින්, ”ලොට් පෝලිෂ් ගුවන් සේවයේ අප පුළුල් සංචාරක කර්මාන්තයක් සඳහා සෘජු ගුවන් ගමන් අරඹමින් අපගේ දේශීය හවුල්කරුවන් හා එක්වන්න ලැබීම ඇත්තෙන්ම සතුටට කාරණයක්. ආසියාවේ නැරඹිය යුතුම ස්ථානයක් වන ශ්රී ලංකාව වෙත සතියකට සෘජු ගුවන් ගමන් වාර 03 ක් අප සලසුම් කර තිබෙන අතර මෙය සංචාරකයින්ගේ පැමිණීම වැඩිවීමට හේතුවක් වනු ඇතැයි අප බලාපොරොත්තු වනවා. එමෙන්ම ශ්රී ලාංකිකයින්ට ද පෝලන්තයට හෝ වෙනත් ඕනෑම යුරෝපා රටකට මෙන්ම අප විසින් ගුවන් සේවා සපයනු ලබන අනෙකුත් ඕනෑම රටකට සුව පහසුවෙන් යාමට අපගේ ගමනාන්ත රැුසක් ඇති ලොට් පෝලිෂ් ගුවන් සේවය අවස්ථාව උදාකර දෙනවා”යැයි පැවසීය.
ශ්රී ලංකාවට පැමිණි මෙම පළමු සෘජු ගුවන් ගමන සමඟ ලොට් පෝලිෂ් ජාලය විසින් මෙහයවනු ලබන ආසියාවේ හයවැනි දිගු දුර ගමනාන්තය බවට ශ්රී ලංකාව පත්වන අතර හේලීස් ඒවියේෂන් මෙහි දේශීය විකුණුම් නියෝජිතයා General Sales Agent -GSA& වශයෙන් ලොට් පෝලිෂ් සමඟ සහයෝගීත්වයෙන් කටයුතු කරනු ලබයි. ශීත සෘතුවත් සමඟ ඇරැඹෙන සංචාරක සමයේ දී ලොට් පෝලිෂ් ගුවන් සේවය, 2020 මාර්තු දක්වා සතියකට සෘජු ගුවන් ගමන් වාර 03 ක් වෝර්සෝ සිට කොළඹ දක්වා පියාසර කිරීමට නියමිතව ඇත.
මේ පිළිබඳ අදහස් දැක්වූ හේලීස් සමුහයේ සභාපති සහ ප්රධාන විධායක නිළධාරී මොහාන් පණ්ඩිතගේ මහතා, ‘‘ලොට් පෝලිෂ් ගුවන් සේවයෙන් ශ්රී ලංකාවට පැමිණි පළමු කණ්ඩායම ශ්රී ලංකා වාසි අප සැමත් හේලීස් ඒවියේෂන් කණ්ඩායමත් ඉතාමත් උණුසුම් ලෙස පිළිගනු ලබනවා. ඒ වගේම අපගේ සුන්දර පාරාදීසය නැරැඹීමට තෝරාගැනීම පිළිබඳවත් අප ඔබ සැමට බෙහෙවින් ස්තුතිවන්ත වන අතර ශ්රී ලංකාවේ උණුසුම් ආගන්තුක සත්කාරය පිළිබඳ අත්දැකීම් ඔබට කිසිදිනක අමතක නොවනු ඇතැයි අප බලාපොරත්තු වෙනවා. එවගේම ලංකාව සමඟ සම්බන්ධතාවය තවදුරටත් වැඩිදියුණු කිරීමට සහ අපගේ දේශීය සංචාරක හා ආගන්තුක සත්කාර අංශයට පිළිගැනීමක් ලබා දීමට සහය වීම පිළිබඳව සමස්ත සංචාරක ක්ෂේත්රය වෙනුවෙන් ලොට් පෝලිෂ් කණ්ඩායමට අපි ස්තූතිවන්ත වෙමු, ”යැයි පැවසීය.
වාර්ෂිකව මිලියන 1.8 ක පමණ මගීන් පිරිසක් යුරෝපය සහ කොළඹ අතර ගමන් කරනු ලබයි.ලොට් තම නවීනතම ගුවන් යානා භාවිත කරමින් 2018 වර්ෂයේ දී මිලියන 9 කට අධික මගීන් පිරිසකට තම තම ගුවන් සේවය සපයා ඇති අතර 2019 වසර අවසන් වන විට මිලයන 10 ක ඉලක්කයක් සපුරාලීමට බලාපොරොත්තු වෙයි.ලොට් ගුවන් සේවය වෝර්සෝ සිට මහද්වීප තුනක් හරහා ගමනාන්ත 111 කට වැඩි ප්රමාණයක් වෙත වඩාත් කාර්යක්ෂම සහ පහසු ගුවන් සේවයක් සපයයි.