වසර 30කට ආසන්න කාලයකට පසුව මහනුවර හා කොළඹ කොටුව අතර නව කාර්යාල දුම්රියක් මේ මස 25 වැනිදා සිට ධාවනයට යෙදවීමට පියවර ගෙන ඇතැයි දුම්රිය නියෝජ්ය ගමනාගමන අධිකාරි වී.එස්. පොල්වත්තගේ මහතා සිළුමිණට කීය.
ඒ අනුව අංක 38 දරන නව ශීඝ්රගාමී දුම්රිය පෙරවරු 4.35ට මහනුවරින් පිටත්ව පෙරවරු 7.16ට කොළඹ කොටුවට ළඟා වන බවත් අංක 37 දරන ශීඝ්රගාමී දුම්රිය පස්වරු 5.10ට කොළඹ කොටුවෙන් ධාවනය අරඹා මහනුවරට පස්වරු 7.53ට ළඟා වන බවද පොල්වත්තගේ මහතා පැවසීය. මේ දුම්රිය කොළඹ කොටුව, මරදාන, දෙමටගොඩ හා ඉන් පසුව රඹුක්කන දක්වා ශීඝ්රගාමීව ධාවනය කෙරෙන අතර, එතැන් සිට මන්දගාමීව ධාවනය කෙරේ. පැමිණීමේදීද ඒ අයුරින්ම දුම්රිය නවත්වනු ලබයි. මේ දුම්රිය යෙදවීමත් සමඟ කොළඹ කොටුවෙන් පෙරවරු 6.00ට මහනුවර/ බදුල්ල බලා ධාවනය වූ අංක 1005 පොඩි මැණිකේ දුම්රිය පෙරවරු 6.15ට ගමන් අරඹන අතර, කොළඹින් සිකුරාදා පමණක් ධාවනය වන මහනුවර වායු සමනය කළ දුම්රිය පස්වරු 5.35ට ධාවනය කෙරේ. නව දුම්රියේ වායුසමනය කළ මැදිරියක්ද යොදවා ඇති අතර, එහි ආසන වෙන් කරගැනීමේ පහුසකම්ද සලසා ඇත.