ඩයලොග් ආසිආටා, ආපදා කළමනාකරණ මධ්යස්ථානය සමඟ එක්ව, අයහපත් කාලගුණයේදී සිදු වන අහිතකර බලපෑම් අවම කරගැනීම සඳහා වසර ගණනාවක සිට සහයෝගීත්වයෙන් කටයුතු කරමින් සිටී. හදිසි ආපදා අනතුරු ඇඟවීමේ ජාලයේ (DEWN) ජංගම දුරකතන යෙදුම මගින් අයහපත් කාලගුණික තත්ත්වයන් පිළිබඳ පූර්ව අනතුරු ඇඟවීම් මහජනතාවට ලබාදෙයි.
Dialog සහ Microimage Mobile Media සහයෝගීතාවෙන් මොරටුව විශ්ව විද්යාලයේ ජංගම සන්නිවේදන පර්යේෂණාගාරය එක්ව, ආපදා කළමනාකරණ මධ්යස්ථානය වෙනුවෙන්ම එම ඇප් එක සකස් කර ඇත. එමඟින් නවීන ජංගම සන්නිවේදන තාක්ෂණය භාවිත කරමින් ජංගම දුරකතන ජාල ඔස්සේ පළමුවෙන්ම ප්රතිචාර දක්වන පුද්ගලයන්ට සහ පොදු මහජනතාවට ඉදිරියේදී මතු විය හැකි අවදානම් සහිත කාලගුණික තත්ත්වයන් පිළිබඳ අනතුරු ඇඟවීම් නිකුත් කරයි පළමුවෙන්ම ප්රතිචාර දක්වන පුද්ගලයන්ට සහ මාධ්ය ආයතන වෙත අනතුරු ඇඟවීම් නිකුත් කිරීමට DEWN පද්ධතියෙන් පහසුකම් සැලසෙන අතර අනතුරුදායක තත්ත්වයන් ආපදා බවට පත් වීම වැළැක්වීම සඳහා ආපදා කළමනාකරණ මධ්යස්ථානයට බහුපාර්ශ්ව කණ්ඩායම් හා සම්බන්ධ විය හැකි යාන්ත්රණයක් ලෙසද කටයුතු කරයි.