ජනාධිපතිවරණයට දින ළං වෙත්ම ප්රබල දේශපාලන සංසිද්ධීන් පහක් සිදුවෙමින් නව ප්රජාතන්ත්රවාදී පෙරමුණේ ජනාධිපති ධුර අපේක්ෂක සහ නිවාස හා ඉදිකිරීම් සහ සංස්කෘතික කටයුතු ඇමැති සජිත් ප්රේමදාස මහතාගේ විජයග්රහණය තහවුරු වී ඇතැයි මුදල් ඇමැති මංගල සමරවීර මහතා පවසයි.
දෙමළ ජාතික සන්ධානයේ සියලුම දේශපාලන පක්ෂවල සහාය ලැබීම, ශ්රී ලංකා නිදහස් පක්ෂය සුරැකීමේ සංවිධානවල ආශිර්වාදය හා සහයෝගය ලැබීම අන්තර් විශ්වවිද්යාල ශිෂ්ය බල මණ්ඩලයේ ඇතැම් තරුණ පාර්ශ්වවල සහාය ලැබීම, පාවෙන ඡන්ද සහිත මධ්යම පන්තියේ සහාය සජිත් ප්රේමදාස මහතා ට ලැබීම සහ පෙර කවරදාවටත් වඩා කාන්තාවන් මැතිවරණ ව්යාපාරයට දායකවීම මේ සිදුවීම් පහ බව ද මුදල් ඇමැතිවරයා සඳහන් කෙළේ ය