මේක රටට බුද්ධිමතුන් නායකත්වය දිය යුතු කාලයක් | සිළුමිණ

මේක රටට බුද්ධිමතුන් නායකත්වය දිය යුතු කාලයක්

තිස් වස­රක යුද්ධය නිම කිරී­මේදී යුද හමු­දා­ප­ති­ව­ර­යාව සිටි ෆීල්ඩ් මාර්ෂල් සරත් ෆොන්සේකා මහ­තාගේ සැල­සුම් අධ්‍ය­ක්ෂ­ව­ර­යාව සිට පසුව යුද හමු­දා­පති ධුර­යට පත් වූ ජන­රාල් (විශ්‍රා­මික) මහේෂ් සේනා­නා­යක මහතා මෙවර ජාතික ජනතා ව්‍යාපා­රයේ ජනා­ධි­පති අපේ­ක්ෂ­කයා බවට පත්ව තිබේ. අද සිළු­මිණ ඔහු සමඟ කතා බහක නිරත වෙයි.

 

• ඔබ­තුමා ඇයි ජනා­ධි­ප­ති­ව­ර­ණ­යට ඉදි­රි­පත් වෙන්න තීර­ණය කෙළේ...

ඒ ප්‍රශ්නෙට නම් කෙටි උත්ත­ර­යක් දෙන්න බැහැ. මම අවු­රුදු 38ක් යුද හමු­දාවේ සේවය කරලා එයින් අවුරුදු 30ක් යුද්ධය මැඬ පව­ත්වන්න ක්‍රියා­කා­රීව දායක වුණා. හමු­දා­පති හැටි­ය­ටත් අවු­රුදු 2යි මාස 2ක් ඉදලා විශ්‍රාම ගිහින් පාණ­දුර මගේ නිව­සට යනවා. එහිදී සිවිල් සමා­ජ­යත් එක්ක මම වෙන­දාට වඩා වැඩි­යෙන් ඇසුරු කර­නවා. ඔවුන් සමඟ කතා කිරී­මේදී තරු­ණ­යන් 10ක් එක්ක කතා කළොත් එයින් 9 දෙන­කුම කියන්නේ රට යන්න බලා­පො­රො­ත්තු­වෙන් ඉන්නේ කියලා, දෙම­වු­පි­ය­න්ගෙන් ඇහු­වම කියන්නේ ගෙවල් දොර­වල් විකු­ණලා හරි දරු­වන්ට උග­න්වලා රට යව­නවා කියන එකයි. එහෙම කිය­න­කොට තමයි මට හිතුණේ අවු­රුදු 57න් විශ්‍රාම ගියත් මොන­වද අපි කෙළේ කියන එක. එයින් ජන­තා­වට ලැබුණු ප්‍රති­ඵ­ලද මේ කියන එක ගැන මට ප්‍රශ්න­යක් මතු වුණා.

ජන­තා­වට දේශ­පා­ල­නය එපා වෙලා, පාර්ලි­මේ­න්තු­වට ‘හෙන ගහ­පන්‘ කියන තත්ත්ව­යට ජන­තාව පත් වෙලා, 225ම එපා වෙලා. ඡන්දෙ දාන්න යන්නෙ නැහැ, ප්‍රජා­ත­න්ත්‍ර­වා­ද­යක් රටේ නැහැ.

නමුත් මට පුළු­වන්ද මගේ දරු­වන්ට කියන්න රට යන ක්‍රමය හරි නැහැ , රට අනා­ර­ක්ෂි­තයි රටින් බැහැර වෙන්න කියල. මම ජාතික ජනතා ව්‍යාපා­රය හා සම්බ­න්ධව කට­යුතු කෙළේ එහි බොහෝ පිරි­ස­කගේ ඉල්ලීම හා හැඳි­නීම නිසයි.

මෙතන ගැට­ලුව තියෙන්නෙ පුද්ග­ල­යාගේ නෙමෙයි ක්‍රම­වේ­දයේ කියන එක මට පෙනී ගියා, ඒ ක්‍රම­වේ­දය වෙනස් කර­න්නයි මම ඒ ව්‍යාපා­රය සමඟ සම්බන්ධ වු‍ණේ.

• ඔබ පසු­ගිය සැප්තැ­ම්බර් මාසය දක්වාම යුද හමු­දා­ප­ති­ව­රයා ලෙස කට­යුතු කළා, ජාතික ජනතා ව්‍යාපා­රය හා සම්බන්ධ වූ විග­සම ජනා­ධි­පති අපේ­ක්ෂ­කයා ලෙස පිළි ගත්තේ, පත්වුණේ කෙහො­මද?

ජාතික ජනතා ව්‍යාපා­රය ගැන මම දැන­ගෙන හිටියා, ඒකට බුද්ධි­ම­තුන් අවදි වී නාය­ක­ත්වය ලබා දිය යුතු වෙනවා. ඒ ක්‍රම­වේ­දය වෙනස් කරන්න එකතු විය යුතුයි. ඒ අය සමඟ කතා කර­පු­හම ක්‍රම­වේ­දයේ වෙන­සක් කළ හැකි බව මට තේරුණා. රටට ආදරේ කරන අයත් සමඟ එකතු වෙන්න අපට අවශ්‍ය වුණා. අපේ රණ­වි­රු­වන් රට රැක ගත්තේ විනාශ කරන්න නෙමෙයි, ජන­තා­වට හොඳින් ජීවත් වෙන්න. අපි එහිදී ප්‍රති­පත්ති ගැන සලකා බැලුවා. රට ගොඩ ගත හැකි බව පෙනුණා. එහිදී මේ ක්‍රමය වෙනස් කරන්න නම් අපේ අපේ­ක්ෂ­ක­යෙක් ඉදි­රි­පත් කළ යුතු බවට යෝජ­නා­වක් ආවා. ඒ වන විටත් ගාමිණී විජේ­සිංහ මහ­තාගේ හා ආචාර්ය කොලොන්නේ මහ­ත්ව­රුන්ගේ නම් යෝජනා වෙලා තිබු­ණත් බොහෝ අය හිටපු යුද හමු­දා­ප­ති­ව­රයා මෙහිදී නාය­ක­ත්ව­යට සුදු­සුයි කියන පද­න­මක හිටියා. එහිදී එයාල තීර­ණ­යක් ගත්තා මා අපේ­ක්ෂ­කයා ලෙස ඉදි­රි­පත් කළ යුතු බවට. නමුත් මෙහිදී විශේ­ෂ­යෙන්ම පැව­සිය යුතුයි එහිදී ගාමිණී මහ­තාගේ හා කොලොන්නේ මහ­ත්ව­රුන්ගේ එක­ඟ­තාව කැමැත්ත ඇති­වයි ව්‍යාපා­රය විසින් එය සිදු කෙළේ.

• නමුත් රට ගොඩ ගන්න නම් ඊට නාය­ක­ත්වය ලබා දෙන්න නම් අලුත් ව්‍යාපා­ර­ය­කට එකතු නොවී ප්‍රධාන පක්ෂ­ය­කට සම්බන්ධ වී කට­යුතු කළා නම් ඔයිට වඩා හොඳ ප්‍රති­චාර ලබා ගත හැකි බව සිතු‍ණේ නැද්ද?

මා කලින් පැවසූ පරිදි මට දේශ­පා­ලන නාය­ක­යෙක් වෙන්න අවශ්‍ය නැහැ. රටේ පව­තින මේ ක්‍රම­වේ­දය වෙනස් කිරී­මයි අපට අවශ්‍ය වුණේ. එතැ­නදී නිර්පා­ක්ෂික වන්නයි මට ඕන කෙළේ. අද­ටත් මම ජාතික ජනතා ව්‍යාපා­ර­යේ­වත් සාමා­ජි­ක­ත්වය අර­ගෙන නැහැ.

• ඔබ සිතන්නේ අපේ රටට අවශ්‍ය වන්නේ කුම­නා­කාර නාය­ක­ත්ව­යක්ද?

ඒ ගැන ආග­මික නාය­ක­යින් පැහැ­දි­ලිව ප්‍රකාශ කළානෙ, අපට අවශ්‍ය වන්නේ පිරි­සිදු නාය­ක­ත්ව­යක්, ඒ බව මහ නාහි­මි­ව­රුන්, කුරු­ක්ක­ල්ව­රුන්, මෞල­වි­ව­රුන්, අග­ර­ද­ගු­රු­තු­මන්, ඇතුළු සිය­ලුම ආග­මික නාය­ක­යින් සුපි­ළි­පන් දේශ­පා­ලන නාය­ක­ත්වය සඳහා නිර්ණා­යක ලබා දුන්නා. ඒ රටේ ජනා­ධි­ප­ති­ව­රයා වීම සඳහා සුදුසු අය කවුද? පාර්ලි­මේ­න්තු­වට සුදුසු වන්නේ කුමන අය­ව­ළුන්ද? පළාත් සභා­වට සුදුසු අය වන්නේ කවු­රුන්ද? යනාදී වශ­යෙන්, දේශ­පා­ල­න­යට අවශ්‍ය සුදු­සු­කම් ලෙසින් තමයි ඒ සුපි­ළි­පන් දේශ­පා­ලන කට­යු­ත්තට උන් වහන්සේ ඇතුළු ආග­මික නාය­ක­යින් අව­ධා­නය යොමු කර තිබුණේ. නමුත් ප්‍රධාන පක්ෂ­ව­ලට ඒක පිළි­ගන්න බැහැ.

උදා­හ­ර­ණ­යක් හැටි­යට පෙන්වා දෙනවා නම් එම යෝජ­නා­ව­ලියේ පැහැ­දි­ලිව තිබෙ­නවා නඩු නැති අපේ­ක්ෂ­ක­යෙක් ඉදි­රි­පත් විය යුතුයි කියලා, එක පක්ෂ­යක ඉන්න ඔක්කො­ටම වගේ නඩු තියෙ­න­වනේ, ඒ වගේම සුරා බදු බල­පත් (බාර් ලයි­සන්) නැති අය විය යුතුයි කියලා, ඔය දේශ­පා­ල­නයේ ඉන්න බහු­ත­ර­ය­කට ඒක තියෙ­න­වනේ. ඉතින් කොහො­මද ඒ අය සුපි­ළි­පන් වෙන්නේ. මම තමයි ඉදි­රි­පත් වන එකම නිර්පා­ක්ෂික අපේ­ක්ෂ­කයා.

• නමුත් කතා­වක් තිබෙ­නවා ඔබ ජාතික ජන­බ­ල­වේ­ගය හා එක් වෙන බවට....

නැහැ, කිසි­සේත්ම නැහැ, ප්‍රති­ප­ත්ති­මය වශ­යෙන් ගත්තොත් මම නිර්පා­ක්ෂික අපේ­ක්ෂ­ක­යෙක්, මම විත­රයි අපේ­ක්ෂ­ක­යන් 35 දෙනා­ගෙන් නිර්පා­ක්ෂික අපේ­ක්ෂ­ක­යෙක් ලෙස ඉන්නේ. ජාතික ජන බල­වේ­ගයේ අපේ­ක්ෂ­කයා දේශ­පා­ලන පක්ෂ­යක නාය­ක­යෙක්නෙ.

• නමුත් ජාතික ජනතා ව්‍යාපා­රය ජාතික ජන බල­වේ­ගය අතර සාකච්ඡා පැවැ­ත්වුණා නේද?

ඔව්, අනුර කුමාර දිසා­නා­යක සහෝ­ද­ර­යාගේ ප්‍රති­ප­ත්ති­ව­ලට අපි ගරු කර­නවා, නමුත් නිර්දේ­ශ­පා­ලන පක්ෂ­ය­කින් ඇවිත් පක්ෂ­යක් හා එක් වන්න අපට බැහැ. ජාතික ජන බල­වේ­ගයේ අපේ­ක්ෂ­කයා දේශ­පා­ල­ක­යකු නොවුණා නම් අපේ සාකච්ඡා මීට වඩා සාර්ථක වෙන්න තිබුණා. සීනුව නැතිව මාලි­මා­වෙන් ආවත් එන්නෙ පාර්ලි­මේ­න්තුවේ ඉන්න 225න් එක්කෙ­නෙක්නෙ.

• ඒ කියන්නෙ ජාතික ජන බල­වේ­ගය හා ජාතික ජන ව්‍යාපා­රය අතර යළි සබ­ඳ­තා­වක් ඇති වෙයිද?

17 වැනිදා පහු­වෙ­න­කල් අපි අතර සාකච්ඡා සබ­ඳතා නැහැ, ඉදි­රි­යේදී අපි විකල්ප බල­වේග ලෙස එක්වන්න පුළු­වන්.

• ඔබ හිත­න­වද මේ පාර­ම්ප­රික සම්ප්‍ර­දා­ය­යන් එක්ක ඉන්න ජන­තා­වක් එක්ක තරග කරල දිනන්න පුළු­වන් කියලා,,

මේ රට වෙනස් කරන්න නම් අපි ජය ගත යුතුයි. ගෝත්‍ර­වාදී මාන­සි­ක­ත්ව­යෙන් ඉන්න, වහ­ලුන් වගේ ජීව­ත්වන ජන­තා­වගේ මත වෙනස් කරන්න ලෙහෙසි නැහැ. නමුත් රටේ තරුණ පිරිස් විශේ­ෂ­යෙන්ම අවු­රුදු 18 සිට 25 දක්වා අතර සිටින අයත්, බුද්ධි­ම­තුන්ගේ හා පාවෙන ඡන්දත් සුළු ජාතික ඡන්දත් මෙච්චර කල් ඡන්දය නොදුන්න අයත් අප ඉලක්ක කර ගත යුතු වෙනවා. ප්‍රධාන බල­කණු දෙකට ඡන්දය නොදෙන අයට අප ආරා­ධනා කර­නවා අපට මනා­ප­යක් දෙන්න කියලා, මේ ජය­ග්‍ර­හ­ණය උඩුගං බලා පිහි­නී­මක් බව අපි දන්නවා.

• ප්‍රධාන පක්ෂ දෙකේ අපේ­ක්ෂ­ක­යන් ගැන ඔබ දරණ අද­හස කුමක්ද?

මේ ප්‍රධාන පක්ෂ දෙකම ගැන කියන්න තියෙන්නේ එකම අද­හ­සක් විත­රයි. නිද­හස ලබා වසර 71ක් ගිහින් අද­ටත් අපේ රට සංව­ර්ධ­නය වෙමින් පව­තින රටක්, සමෘ­ද්ධිය එහෙ­මත් නැත්නම් සහ­නා­ධාර මත යැපෙන ජන­ග­හ­නය ඉන්න රටක්. දුප්ප­ත්කම එළි­පත්තේ තියා­ගෙන ජාති­වා­දය, ආග­ම්වා­දය, කුල­වා­දය පම­ණක් නෙමෙයි උඩ­රට හා පහ­ත­රට ලෙසින් භූගෝ­ලීය වශ­යෙන්ද වෙනස් කම් ඇති කර­ගත් රටක් නිර්මා­ණය වෙලා තියෙන්නෙ. ප්‍රධාන පක්ෂ දෙකේම බල­යට පත් වූ අය තමයි ඒවට වග කියන්න වෙන්නෙ.

• ප්‍රධාන පක්ෂ දෙකේ දේශ­පා­ලන ක්‍රියා­කා­රී­ත්වය ඔබ දකින්නෙ කෙසේද?

මම දෙකින් එක­ක­ට­වත් සහාය දෙන්නෙ නැහැ. වෙන­ස්කම් තිබ්බත් දෙකම එකයි කිව්වොත් ඒක හරි, සුද්දා රට පාල­නය කරද්දි ඔහු තමයි හාම්පුතා වුණේ, ඔහු තමයි භූමියේ අයි­ති­කා­රයා වුණේ, නීතිය ඔහුට බල­පෑවෙ නැහැ, නීතිය අදාළ වුණේ සේව­ය­ක­යන්ට, වහ­ලුන්ට, 1948ට පසුව බල­යට ආපු මේ දේශ­පා­ල­ක­යන්ගේ අද­හ­සත් සංක­ල්ප­යත් ඒ වගේ තමයි, ඔවුන්ට නීති­යක් නැහැ, ඔවුන් හිතා­ගෙන ඉන්නේ භූමියේ අයි­ති­ක­රු­වන් හා හාම්පු­තුන් ඔවුන් බවයි.

සිල් රෙදි නඩුව උදා­හ­ර­ණ­ය­කට ගනිමු. හිටපු ජනා­ධි­ප­ති­තුමා කිය­නවා මම තමයි සිල් රෙදි බෙදන්න කිව්වෙ කියලා, ඒත් අන්ති­මට හිරේ ගියේ කවුද? ජනා­ධි­පති ලේක­ම්ව­රයා, පාස්කු ඉරිදා ප්‍රහා­රය ගනිමු. ඒ ගැන ලිඛි­තව දන්වලා තියෙ­නවා, නමුත් ජනා­ධි­ප­ති­ව­ර­යාට ගැට­ලු­වක් නැහැ, අග­මැ­ති­ව­ර­යාට ප්‍රශ්න­යක් නැහැ, නීතිය හා සාමය පිළි­බඳ ඇමැති, ආර­ක්ෂක රාජ්‍ය ඇමැති මේ කිසි­කෙ­නෙ­කුට ගැට­ලු­වක් නැහැ, අන්ත­ිමේදි සේර­ටම වැරැ­දි­ක­රු­වන් වෙලා තියෙන්නෙ ආර­ක්ෂක ලේක­ම්ව­ර­යායි, පොලි­ස්ප­ති­ව­ර­යායි, මේක තමයි අද ප්‍රධාන ප්‍රවා­හයේ දේශ­පා­ලන තත්ත්වය. ඉස්ස­ර­වෙ­ලාම රට­කට එක නීති­යක් සකස් කළ යුතුයි. ඒක කර­න­කම් මේ රට ගොඩ ගන්න බැහැ.

• ඔබ බල­යට පත් වුණොත් රට වෙනු­වෙන් පළ­මුව සිදු කිරී­මට බලා­පො­රොත්තු වන්නේ කුමක්ද?

අනි­වා­ර්යෙන්ම විද්‍යා­ත්ම­කව කැබි­නට් මණ්ඩ­ලය 20 දක්වා අඩු කර­නවා. ඒ හරහා දින­කට රටේ විය­දම් 25%කින් අඩු කර ගත හැකි වෙනවා. ඒ වගේම දේශ­පා­ල­ක­යන්ගේ අනිසි වර­දාන, වර­ප්‍ර­සාද සියල්ල කප්පාදු කර­නවා, තමන්ගේ ඥාතීන් හිත­ව­තුන් නොව සුදු­සු­ක­සම් ඇති අය තන­තු­රු­ව­ලට පත් කර­නවා. 19 වැනි සංශෝ­ධ­නය අනුව ජනා­ධි­ප­ති­ව­ර­යාට බලය තිබෙ­නවා අමා­ත්‍යාංශ ලේක­ම්ව­රුන් පත් කරන්න, ඔවුන්ට කොන්ද කෙලින් තියා­ගෙන කාර්ය කළ හැකි ක්‍රම­වේ­ද­යක් සකස් කර­නවා. ඒ වගේම ආණ්ඩු­කා­ර­ව­රුන් මෙන්ම තානා­ප­ති­ව­රුන් සියල්ල සුදු­සු­කම් ඇති අත්දැ­කීම් බහුල අය පම­ණක් පත් කිරී­මට කට­යුතු කර­නවා.

• රටේ ආර­ක්ෂාව සම්බ­න්ධ­යෙන් ගනු ලබන ප්‍රති­ප­ත්ති­මය තීරණ මොන­වාද?

ජනා­ධි­ප­ති­ව­රයා තමයි ත්‍රිවිධ හමු­දා­ප­ති­වරු පත් කරන්නේ, ඒ නිසා ශක්ති­මත් ආර­ක්ෂාව රට තුළ ස්ථාපිත කළ යුතුයි, ඒ සඳහා ආර­ක්ෂක උප­දේ­ශක මණ්ඩ­ල­යක් තිබිය යුතුයි. අද ඉන්නෙ ඇමැ­ති­ව­රයා මොන­වද ආර­ක්ෂාව ගැන දන්නෙ, විෂය ගැන නොදන්න ආර­ක්ෂක ලේක­ම්වරු හිටියා, ඔවුන්ගේ ඒ විෂය ගැන නොදැ­නීමේ විපාක අපි හොඳින් අත් වින්දා, එදා කිව්වෙ ආමි කාර­යෙක් ආර­ක්ෂක ලේකම් ධුර­යට දැම්මොත් ආර­ක්ෂා­වට ගැට­ලු­වක් වෙයි කියල කිව්ව, නමුත් අද ඇත්ත තත්ත්වය පැහැ­දිලි වෙලා තියෙ­නවා.

ආර­ක්ෂාව දේශ­පා­ල­න­යෙන් තොරව තිබිය යුතු වෙනවා.

• ඔබ කාල­යක් ලංකා­වෙන් බැහැර වෙලා හිටියා, 2010 වසරේ ඔබට ආ බල­පෑම් නිසා, යළිත් ඒ පක්ෂයේ අය බල­යට පත් වුණොත් ගන්නා ක්‍රියා මාර්ගය කුමක්ද?

මම පලා යාමට නම් බලා­පො­රොත්තු වන්නේ නැහැ, 2010ට වඩා ලංකාවේ දැන් තත්ත්වය වෙනස්, ඒ කාලෙ ලංකාවෙ නීති­යක් තිබු‍ණේ නැහැ, දැන් ස්වාධීන කොමි­ෂන් හරහා සිදු­වන ක්‍රියා­දා­ම­යන් හරහා අපට ආර­ක්ෂා­වක් තියෙ­නවා, මානව හිමි­කම් සම්බ­න්ධව ඇති ප්‍රති­පත්ති නිසා අන්ත­ර්ජා­තික පිළි ගැනී­මක් තියෙන නිසා අඩුම ගානේ විශ්‍රාම ගිහින් තමන් කැමැති දේශ­පා­ල­න­යක් හෝ කරන්න පුළු­වන් වෙයි.

• මෙවර අපේ­ක්ෂ­ක­යින් 35 දෙනෙක් ඉදි­රි­පත් වෙලා තිබෙ­නවා, මේ තත්ත්වය දකින්නෙ කෙසේද?

ඒකත් හරි­යට ප්‍රාදේ­ශීය සභා ඡන්ද­යක් වගෙයි, එයින් බහු­ත­ර­යක් ඉන්නෙ ප්‍රධාන අපේ­ක්ෂ­ක­යන්ගේ අනුරූ, ඒ තත්ත්වය නිර්මා­ණය වීම සුදුසු නැහැ. ඒකෙන් ජනා­ධි­ප­ති­ව­රයා කියන තන­තුරේ නාමය හෑල්ලු වෙනවා.

• යුද්ධ­යේදී ඔබත් සමඟ එකට සිටි අය අද දේශ­පා­ලන වේදි­කා­වේදී ඔබට දොස් පව­ර­නවා නේද?

ඒ ගැන ඇත්තෙන්ම මම කන­ගාටු වෙනවා, ඔවුන් වර­දාන, වර­ප්‍ර­සාද නිසා වහ­ල්ලුන් බවට පත් වෙලා, මම යන්නෙ මහත්මා දේශ­පා­ලන ගම­නක්, අපේ පරණ කිය­ම­නක් තියෙ­න­වනේ බල්ලො බිරු­වට කඳු පාත් වෙන්නෙ නැහැ කියලා,

ඒ වගේම අපි ගම­නක් යන­කොට බුරන හැම බල්ල­ටම ගල් ගහ ගහ යන්නෙත් නැහැනෙ. ඒ කෑග­හන අය ගෝත්‍රික සමා­ජයේ අය බවට පත් වෙලා.

Comments