දේශීය පාරිභෝගික නිෂ්පාදන සමාගම් අතර ප්රමුඛතම සමාගමක් වන හේමාස් සමාගමේ තවත් සුවිශේෂ සමාජ සත්කාරයක් වන බේබි ෂෙරමි දරු පැටියාගේ ලෝකය වැඩසටහන දියත් කිරීම පිළිබඳ මාධ්ය දැනුවත් කිරීමේ වැඩසටහනක් පසුගිය දා පැවත්විණි.
හේමාස් සමූහ ව්යාපාරය වසර 2002 සිට කාන්තා හා ළමා කටයුතු අමාත්යාංශය හා ළමා ලේකම් කාර්යාලය සමඟ සමීපව කටයුතු කරන අතර සමාගම විසින් ක්රියාත්මක කරන ලද මුල් ළමාවිය රැකවරණය සහ සංවර්ධනය (ECCD) වැඩසටහන් සඳහා අමාත්යාංශය ඔවුන්ගේ පූර්ණ සහයෝගය ලබා දී ඇත. වසර 2002 දී අමාත්යාංශයේ අනුමැතිය සහිතව ආරම්භ කෙරුණු පියවර වැඩසටහන ඔස්සේ අඩු වරප්රසාද ලත් ළමයින් සඳහා පෙර පාසල් 56 ක් ශ්රී ලංකාව පුරා ස්ථාපිත කිරීමටත් ළමා ලේකම් කාර්යාලය සමඟ කටයුතු කිරීමටත් හේමාස් සමාගමට හැකි වී තිබේ.