ලොව පතළ ඉතාලියානු ඇඟලුම් නිෂ්පාදකයෙක් වන Calzedonia S.p.A සමාගම යටතේ යුරෝපීය වෙළඳපොළ සඳහා lingerie සහ පිහිනුම් ඇඟළුම් නිෂ්පාදනය කරන ශ්‍රී ලාංකික සමාගමක් වන Sirio Ltd සමාගම පසුගියදා පැවති 23 වැනි ජනාධිපති අපනයන සම්මාන උළෙලේදී ඇඟළුම් අංශය යටතේ විශේෂ ඇගයීමට පාත්‍ර විය. ශ්‍රී ලංකා අපනයන සංවර්ධන මණ්ඩලය විසින් සංවිධානය කරනු ලදුව අතිගරු ජනාධිපති මෛත්‍රීපාල සිරිසේන මහතාගේ උපදෙස් මත, සංවර්ධන ක්‍රමෝපාය සහ ජාත්‍යන්තර වෙළඳාම පිළිබඳව ගරු අමාත්‍ය මලික් සමරවික්‍රම මහතාගේ සහ එම නියෝජ්‍ය අමාත්‍ය නලින් බණ්ඩාර මහත්වරුන්ගේ උපදෙස් මත අපනයන සංවර්ධන මණ්ඩලයේ සභාපති සහ ප්‍රධාන විධායක නිලධාරී ඉන්දිරා මල්වත්ත මහතාගේ නායකත්වයෙත් 2018/19 ජනාධිපති අපනයන සම්මාන උළෙල පසුගියදා පැවත්විණි.
මෙම ඉසව්වේ මුඛ්‍ය පරමාර්ථය වූයේ 2018/19 වසර තුළ අපනයන සංවර්ධනය, මූල්‍ය වර්ධනය, රැකියා අවස්ථා නිර්මාණය, වෙළෙඳපොළ විවිධාංගීකරණය වැනි අංශවලින් විශිෂ්ටත්වය දැක්වූ අපනයනකරුවන් ඇගයීමට ලක් කිරීමයි.
