සභාපති ජී.ඒ.ආර්.ඩී. ප්‍රසන්න මහතා සහ අධ්‍යක්ෂ/ප්‍රධාන විධායක නිලධාරි නිමල් තිලකරත්න
ශ්‍රී ලංකාවේ ප්‍රමුඛතම ව්‍යාපාරික සඟරාවක් වන Business Today එහි නවතම ඇගයීම්වලට අනුව ප්‍රථම වතාවට පෑන් ඒෂියා බැංකුව මෙරට ලැයිස්තුගත 300ක් පමණ වන ප්‍රමුඛ පෙළේ ව්‍යාපාරික ආයතන රැසක් අතරින් ශ්‍රී ලංකාවේ උසස්ම ව්‍යාපාරික ආයතන 30 අතරට නම් කොට තිබේ. 2018 - 2019 සඳහා වනThe Business Today Top 30 සඳහා සලකා බැලෙන්නේ 2018 දෙසැම්බර් සහ 2019 මාර්තු වලින් අවසන් මූල්‍ය වර්ෂ සඳහා ව්‍යාපාරික ආයතනවල මූල්‍ය සහ මූල්‍ය නොවන කාර්ය සාධනයන්ය. ඒ පිළිබඳ සවිස්තරාත්මක ඇගයීමක් පදනම් කරගනිමින් මෙරට ලැයිස්තුගත ව්‍යාපාරික ආයතන සඳහා සිදු කරන මෙම ස්වාධීන ශ්‍රේණිගත කිරීම සඳහා KPMG ආයතනයේ සහායද ලැබේ.
