රාජ්‍ය ආරක්ෂක අමාත්‍යංශය හා ශ්‍රී ලංකා නාවික හමුදාව එක්ව 10 වන වරටත් සංවිධානය කරනු ලබන 2019 ගාලු කතිකාව අන්තර්ජාතික සාගරික සම්මන්ත්‍රණය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් හෙට (21) කොළඹ ගාලුමුවදොර හෝටලයේදී ආරම්භ කෙරේ.
දෙදිනක් පුරා පැවැත්වෙන මෙවර සමුළුව සඳහා රටවල් 55ක හා අන්තර්ජාතික සංවිධාන 12ක මෙන්ම ආරක්ෂක ක්ෂේත්‍රයේ නිපැයුම් සම්බන්ධ ආයතන 3ක දෙස්-විදෙස් නියෝජිතයන් හා සමුද්‍රීය ආරක්ෂක විද්වතුන් රැසකගේ සහභාගිත්වයෙන් පැවැත්වේ. ‘නව චින්තනයකින් යුතුව අන්තර් සමුද්‍රීය තර්ජනයක් හට පිළියම් යෙදීම සඳහා සූදානම් විම: දශකයක සමාලෝචනය’ යන තේමාව යටතේ මෙවර සම්මන්ත්‍රණය පැවැත්වේ.
මෙවර ගාලු කථිකාවේ විශේෂත්වය වන්නේ පසුගිය දසවසර තුළ තනිව හා සාමුහිකව ප්‍රතිචාර දක්වා ඇති සියලු සිදුවීම් ඒකරාශී කරමින් සම්මන්ත්‍රණය පැවැත්වීමයි.
