මෙරට පැරැණිතම ජනමාධ්ය සංගමය වන ශ්රී ලංකා පත්රකලා සංගමයේ 64 වැනි සාංවත්සරික උත්සවය කථානායක කරු ජයසූරිය මහතාගේ ප්රධානත්වයෙන් ඔක්තෝබර් 22 වැනිදා - අඟහරුවාදා සවස 3.00 ට කොළඹ හතේ ශ්රී ලංකා පදනම් ආයතනයේදි පැවැත්වේ.
දේශීය ජනමාධ්යවේදීන්ට අමතරව ඉන්දීය, පාකිස්තානු හා නේපාල ජනමාධ්යවේදීන් රැසක් ද සහභාගී වන මෙම උත්සවයේදී සිරිත් පරිදි ශ්රී ලංකාවේ ඉතා ජ්යෙෂ්ඨ ජනමාධ්යවේදීන් දස දෙනකුට කථානායකවරයා අතින් උපහාර පිරිනැමේ.
මෙසේ උපහාර ලබන ජනමාධ්යවේදීන් දසදෙනා නම් එඩ්මන්ඩ් රණසිංහ, එල්මෝ ගුණරත්න, පී.ඇම්. සේනාරත්න, දයා සෝමසිරි, ඒ.එල්.කේ. පෙරේරා, ක්රිෂ්ණසාමි, ආරියරත්න ගනේගොඩ, බෲස් මොරිස් යන මහත්වරුන් සහ ආනන්දි බාලසිංහම් හා කරුණා පෙරේරා යන මහත්මීන්ය.