රට ගොඩනැඟිය හැකි සැලසුමක් මෙන්ම ඒ සඳහා සුදුසු කණ්ඩායමක්ද ජනතාව හමුවට ඉදිරිපත් කරන බව ශ්රී ලංකා පොදුජන පෙරමුණේ ජනාධිපති ධුර අපේක්ෂක ගෝඨාභය රාජපක්ෂ මහතා පවසයි.
මීට පෙරද රටේ සංවර්ධනය වෙනුවෙන් බොහෝ ක්රියාමාර්ග ගෙන තිබෙන අතර ඒවා ඉතා සාර්ථකව ක්රියාත්මක වූ බවද පෙන්වා දෙන ඒ මහතා නැවත වතාවක් ඒ සංවර්ධන වැඩසටහන් ක්රියාත්මක කිරීමට කටයුතු කරන බවද පවසයි.
රටේ ජාතික ආරක්ෂාව මෙන්ම ජනතාවගේ ආරක්ෂාවද අද බිඳවැටී ඇති බවත්, ඒ වෙනුවෙන් විශේෂයෙන් ක්රියාත්මක කළ යුතු වැඩසටහන් රැසක් තමාට තිබෙන බවත් ඔහු පවසයි.